‘ಪಠಾಣ್’ ಗೆಲುವಿನ ಬಳಿಕ 10 ಕೋಟಿ ರೂ. ಕಾರು ಖರೀದಿಸಿದ ಶಾರುಖ್ ಖಾನ್; ನಂಬರ್ ಪ್ಲೇಟ್ ಹೇಗಿದೆ ನೋಡಿ
ಶಾರುಖ್ ಖಾನ್ ಅವರು ‘ಪಠಾಣ್’ ಸಿನಿಮಾ ಗೆದ್ದ ಬಳಿಕ ಐದು ಕೋಟಿ ರೂಪಾಯಿ ವಾಚ್ ಖರೀದಿ ಮಾಡಿದ್ದರು. ಇದನ್ನು ಧರಿಸಿ ಅವರು ಕಾಣಿಸಿಕೊಂಡಿದ್ದರು.
Updated on: Mar 28, 2023 | 9:11 AM
ಮುಖ್ಯಾಂಶಗಳು
- ರೋಲ್ಸ್ ರಾಯ್ಸ್ ಕಲಿನನ್ ಬ್ಲಾಕ್ ಬ್ಯಾಡ್ಜ್ ಮಾಡೆಲ್ ಕಾರು ಖರೀದಿಸಿದ ಶಾರುಖ್ ಖಾನ್
- ವೈರಲ್ ಆಯ್ತು ಶಾರುಖ್ ಖಾನ್ ಅವರ ಹೊಸ ಕಾರಿನ ವಿಡಿಯೋ
- 10 ಕೋಟಿ ರೂಪಾಯಿ ಕೊಟ್ಟು ಕಾರು ಖರೀದಿಸಿರೋ ಶಾರುಖ್
ಶಾರುಖ್ ಖಾನ್ (Shah Rukh Khan) ಅವರು ‘ಪಠಾಣ್’ ಸಿನಿಮಾ ಯಶಸ್ಸಿನ ಅಲೆಯಲ್ಲಿ ತೇಲುತ್ತಿದ್ದಾರೆ. ಅವರಿಗೆ ಒಂದೊಳ್ಳೆಯ ಕಂಬ್ಯಾಕ್ ಕೊಟ್ಟ ಸಿನಿಮಾ ಇದು. ಸತತ ಸೋಲಿನಿಂದ ಕಂಗೆಟ್ಟ ಶಾರುಖ್ ಅವರಿಗೆ ಈ ಚಿತ್ರದ ಮೂಲಕ ಗೆಲುವಿನ ಸಿಹಿ ಸಿಕ್ಕಿದೆ. ಶಾರುಖ್ ಈ ಗೆಲುವನ್ನು ಸಂಭ್ರಮಿಸುತ್ತಿದ್ದಾರೆ. ಈ ಚಿತ್ರದ ಲಾಭದ ಹಣದಲ್ಲಿ ಅವರಿಗೂ ಪಾಲಿದೆ ಎನ್ನಲಾಗಿದೆ. ಈ ಕಾರಣಕ್ಕೆ ಶಾರುಖ್ ಖಾನ್ ಅವರು ಬರೋಬ್ಬರಿ 10 ಕೋಟಿ ರೂಪಾಯಿ ಕೊಟ್ಟು ರೋಲ್ಸ್ ರಾಯ್ಸ್ (Rolls Royce) ಎಸ್ಯುವಿ ಖರೀದಿ ಮಾಡಿದ್ದಾರೆ. ಮನ್ನತ್ ನಿವಾಸದ ಒಳಗೆ ಈ ಎಸ್ಯುವಿ ತೆರಳುತ್ತಿರುವ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಅಭಿಮಾನಿಗಳು ಶಾರುಖ್ಗೆ ಶುಭಾಶಯ ತಿಳಿಸುತ್ತಿದ್ದಾರೆ.
ರೋಲ್ಸ್ ರಾಯ್ಸ್ ಕಂಪನಿಯ ಕಲಿನನ್ ಬ್ಲಾಕ್ ಬ್ಯಾಡ್ಜ್ ಮಾಡೆಲ್ ಕಾರನ್ನು ಶಾರುಖ್ ಖಾನ್ ಖರೀದಿ ಮಾಡಿದ್ದಾರೆ. ಇದರ ಬೆಲೆ ಸುಮಾರು 10 ಕೋಟಿ ರೂಪಾಯಿ ಎನ್ನಲಾಗಿದೆ. ಈ ಎಸ್ಯುವಿ ನಂಬರ್ಪ್ಲೇಟ್ 555 ಎಂದಿದೆ. ಶಾರುಖ್ ಅವರ ಫೇವರಿಟ್ ಸಂಖ್ಯೆ ಇದಾಗಿದೆ. ಶಾರುಖ್ ಖಾನ್ ಅವರ ಹಲವು ವಾಹನಗಳಿಗೆ ಈ ನಂಬರ್ಪ್ಲೇಟ್ ಇದೆ. ಇದಕ್ಕೂ ಶಾರುಖ್ ದೊಡ್ಡ ಮೊತ್ತ ಪಾವತಿ ಮಾಡಿದ್ದಾರೆ. ರೋಲ್ಸ್ ರಾಯ್ಸ್ ಕಾರು ಮನೆ ಒಳಗೆ ಎಂಟ್ರಿ ಆಗುತ್ತಿರುವ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.
ಶಾರುಖ್ ಖಾನ್ ಅವರು ‘ಪಠಾಣ್’ ಸಿನಿಮಾ ಗೆದ್ದ ಬಳಿಕ ಐದು ಕೋಟಿ ರೂಪಾಯಿ ವಾಚ್ ಖರೀದಿ ಮಾಡಿದ್ದರು. ಇದನ್ನು ಧರಿಸಿ ಅವರು ಕಾಣಿಸಿಕೊಂಡಿದ್ದರು. ಈ ವಾಚ್ ಎಲ್ಲರ ಗಮನ ಸೆಳೆದಿತ್ತು. ಶಾರುಖ್ ಖಾನ್ ಅವರು ಈಗ ಮತ್ತೊಂದು ದುಬಾರಿ ವಸ್ತುವನ್ನು ಖರೀದಿ ಮಾಡಿದ್ದಾರೆ.
ಇದನ್ನೂ ಓದಿ: Suhana Khan: ಹಾಟ್ ಅವತಾರ ತಾಳಿದ ಶಾರುಖ್ ಖಾನ್ ಮಗಳು; ಫೋಟೋ ವೈರಲ್
‘ಪಠಾಣ್’ ಸಿನಿಮಾ ಬಾಕ್ಸ್ ಆಫೀಸ್ನಲ್ಲಿ 1000 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಿದೆ. ಈ ಚಿತ್ರಕ್ಕೆ ಸಂಭಾವನೆ ತೆಗೆದುಕೊಳ್ಳುವುದರ ಜೊತೆಗೆ, ಬಾಕ್ಸ್ ಆಫೀಸ್ ಕಲೆಕ್ಷನ್ನಲ್ಲಿ ಶಾರುಖ್ ಖಾನ್ಗೂ ಪಾಲಿದೆ. ಈ ಎಲ್ಲಾ ಕಾರಣದಿಂದ ಶಾರುಖ್ಗೆ ಈ ಚಿತ್ರದಿಂದ ದೊಡ್ಡ ಮೊತ್ತದ ಸಂಭಾವನೆ ಸಿಕ್ಕಿದೆ. ಈ ಕಾರಣಕ್ಕೆ ಅವರು ಬ್ಯಾಕ್ ಟು ಬ್ಯಾಕ್ ವಸ್ತುಗಳನ್ನು ಖರೀದಿ ಮಾಡುತ್ತಿದ್ದಾರೆ.
#ShahRukhKhan? new car Rolls-Royce 555 entrying in #Mannat last night ? @iamsrk pic.twitter.com/tU1GWgkC9T
— SRK Khammam Fan club (@srkkhammamfc) March 27, 2023
ಇದನ್ನೂ ಓದಿ: Jawan: ಶಾರುಖ್ ಖಾನ್-ಸಂಜಯ್ ದತ್ ಮುಖಾಮುಖಿ; ‘ಜವಾನ್’ ಚಿತ್ರದಲ್ಲಿ ಭರ್ಜರಿ ಫೈಟ್
ಶಾರುಖ್ ಖಾನ್ ಅವರು ಅಟ್ಲೀ ನಿರ್ದೇಶನದ ‘ಜವಾನ್’ ಹಾಗೂ ರಾಜ್ಕುಮಾರ್ ಹಿರಾನಿ ನಿರ್ದೇಶನದ ‘ಡಂಕಿ’ ಸಿನಿಮಾ ಕೆಲಸಗಳಲ್ಲಿ ಬ್ಯುಸಿ ಇದ್ದಾರೆ. ಎರಡೂ ಸಿನಿಮಾಗಳ ಬಗ್ಗೆ ಸಾಕಷ್ಟು ನಿರೀಕ್ಷೆ ಇದೆ. ಎರಡೂ ಸಿನಿಮಾ ಗೆಲ್ಲಲಿದೆ ಅನ್ನೋದು ಅಭಿಮಾನಿಗಳ ನಂಬಿಕೆ.
ಇನ್ನಷ್ಟು ಸಿನಿಮಾ ಸುದ್ದಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
