‘ಪ್ರೀತಿ ಹಾಗೆಯೇ ಉಳಿದಿದೆ’; ಬ್ರೇಕಪ್​ ವಿಚಾರ ಅಧಿಕೃತ ಮಾಡಿದ ನಟಿ ಸುಷ್ಮಿತಾ ಸೇನ್​

ನಟಿ ಸುಷ್ಮಿತಾ ಸೇನ್​ ಹಾಗೂ ರೋಹ್ಮನ್​ ಶಾಲ್​ ಇಬ್ಬರೂ ಕಳೆದ ಮೂರು ವರ್ಷಗಳಿಂದ ಡೇಟಿಂಗ್​ ನಡೆಸುತ್ತಿದ್ದರು. ಅನೇಕ ಬಾರಿ ಇಬ್ಬರೂ ಒಟ್ಟಾಗಿ ಕಾಣಿಸಿಕೊಂಡಿದ್ದರು. ಫ್ಯಾಮಿಲಿ ಇವೆಂಟ್​ಗಳಲ್ಲಿ ಇಬ್ಬರೂ ಮಿಂಚಿದ್ದರು. ಈ ಜೋಡಿಯನ್ನು ಕಂಡು ಖುಷಿಪಟ್ಟವರು ಸಾಕಷ್ಟು ಮಂದಿ ಇದ್ದಾರೆ. ಆದರೆ, ಇಬ್ಬರೂ ಬೇರೆಯಾಗಿದ್ದಾರೆ ಎಂದು ಇತ್ತೀಚೆಗೆ ವರದಿಯಾಗಿತ್ತು. ಇದನ್ನು ಸುಷ್ಮಿತಾ ಅವರು ಖಚಿತಪಡಿಸಿದ್ದಾರೆ. ತಾವಿಬ್ಬರೂ ಬೇರೆಯಾಗಿರುವ ಬಗ್ಗೆ ಅವರು ಪೋಸ್ಟ್ ಹಾಕಿದ್ದಾರೆ. ಈ ವಿಚಾರ ಅವರ ಅಭಿಮಾನಿಗಳಿಗೆ ಬೇಸರ ಮೂಡಿಸಿದೆ.

ಸುಷ್ಮಿತಾ ಸೇನ್​ ಅವರು ಸೋಶಿಯಲ್​ ಮೀಡಿಯಾದಲ್ಲಿ ಬ್ರೇಕಪ್​ ಬಗ್ಗೆ ಪೋಸ್ಟ್​ ಒಂದನ್ನು ಹಾಕಿದ್ದಾರೆ. ರೋಹ್ಮನ್ ಜತೆಗಿನ ಫೋಟೋವನ್ನು ಹಂಚಿಕೊಂಡಿರುವ ಅವರು, ‘ನಾವು ಸ್ನೇಹಿತರಾಗಿ ಪರಿಚಯರಾದೆವು. ಈಗ ಮತ್ತೆ ಸ್ನೇಹಿತರಾಗಿದ್ದೇವೆ. ಈ ಸಂಬಂಧವು ದೀರ್ಘವಾಗಿತ್ತು. ಪ್ರೀತಿ ಹಾಗೆಯೇ ಉಳಿದಿದೆ’ ಎಂದು ಬರೆದುಕೊಂಡಿದ್ದಾರೆ ಸುಷ್ಮಿತಾ. ಈ ಮೂಲಕ ಇಬ್ಬರ ನಡುವಣ ಸಂಬಂಧ ಮುರಿದು ಬಿದ್ದಿದೆ ಎಂಬುದನ್ನು ಖಚಿತಪಡಿಸಿದ್ದಾರೆ.

ಸುಷ್ಮಿತಾ ಅವರಿಗೆ ರೋಹ್ಮನ್ ಮೊದಲ ಬಾರಿಗೆ​ ಇನ್​ಸ್ಟಾಗ್ರಾಮ್​ನಲ್ಲಿ ಮೆಸೇಜ್​ ಮಾಡಿದ್ದರು. ಈ ಮೆಸೇಜ್​ ನೋಡಿದ್ದ ಸುಷ್ಮಿತಾ ಅದನ್ನು ಓಪನ್​ ಮಾಡಿ ಓದಿದ್ದರು. ಅಲ್ಲದೆ, ಅದಕ್ಕೆ ಉತ್ತರಿಸಿದ್ದರು. ಹೀಗೆ ಇವರ ಫ್ರೆಂಡ್​ಶಿಪ್​ ಫ್ರಾರಂಭವಾಯಿತು. ನಂತರ ಇಬ್ಬರೂ ಡೇಟಿಂಗ್​ ಮಾಡಲು ಪ್ರಾರಂಭಿಸಿದರು. ಸುಷ್ಮಿತಾ ಅವರ ಮಕ್ಕಳಾದ ರೆನೀ ಮತ್ತು ಅಲಿಸಾ ಅವರು ರೋಹ್ಮನ್ ಅವರನ್ನು ತುಂಬಾ ಇಷ್ಟಪಡುತ್ತಿದ್ದರು. ರೆನೀ ಮತ್ತು ಅಲಿಸಾ ಇಬ್ಬರೂ ಸುಷ್ಮಿತಾ ಅವರು ದತ್ತು ಪಡೆದ ಮಕ್ಕಳಾಗಿದ್ದಾರೆ. ಅಚ್ಚರಿ ಎಂದರೆ ಸುಷ್ಮಿತಾ ವಯಸ್ಸು 46 ಹಾಗೂ ರೋಹ್ಮನ್​ ವಯಸ್ಸು ಕೇವಲ 30.

1996ರಲ್ಲಿ ತೆರೆಗೆ ಬಂದ ‘ದಸ್ತಕ್​’ ಚಿತ್ರದ ಮೂಲಕ ಸುಷ್ಮಿತಾ ಅವರು ಬಣ್ಣದ ಬದುಕು ಆರಂಭಿಸಿದರು. ತಮ್ಮ ವೃತ್ತಿ ಜೀವನದ ಬಹುತೇಕ ಸಮಯವನ್ನು ಅವರು ಹಿಂದಿ ಚಿತ್ರರಂಗದಲ್ಲೇ ಕಳೆದಿದ್ದಾರೆ. 2015ರ ನಂತರದಲ್ಲಿ ಅವರು ದೊಡ್ಡ ಪರದೆಯಲ್ಲಿ ಕಾಣಿಸಿಕೊಂಡಿಲ್ಲ.    2020ರಲ್ಲಿ ಒಟಿಟಿಯಲ್ಲಿ ರಿಲೀಸ್​ ಆದ ‘ಆರ್ಯ’ ವೆಬ್​ ಸೀರಿಸ್​ ಮೂಲಕ ಮತ್ತೆ ಕಂಬ್ಯಾಕ್​ ಮಾಡಿದರು. ಈ ವರ್ಷ ಅವರ ನಟನೆಯ ‘ಆರ್ಯ 2’ ವೆಬ್​ ಸರಣಿ ರಿಲೀಸ್​ ಆಗಿದೆ.

ಇದನ್ನೂ ಓದಿ: 48ರ ಪ್ರಾಯದಲ್ಲೂ ಗ್ಲಾಮರ್​ನಿಂದ ಸೆಳೆಯುವ ಸುಂದರಿ ಮಲೈಕಾ ಅರೋರಾ ಫಿಟ್ನೆಸ್​ಗೆ ಮನಸೋಲದವರಿಲ್ಲ

ದಶಕದ ಬಳಿಕ ಮರಳಿದ ಮಾಜಿ ವಿಶ್ವಸುಂದರಿ, ಅಭಿಮಾನಿಗಳಿಗೆ ಸಿಹಿ ಸುದ್ದಿ ನೀಡಿದ ಸುಷ್ಮಿತಾ