‘ಅನಿಮಲ್​’​ ಚಿತ್ರದ ಬೋಲ್ಡ್​ ದೃಶ್ಯ ಹೇಗೆ ಶೂಟ್​ ಮಾಡಲಾಯ್ತು? ವಿವರಿಸಿದ ನಟಿ

ರಣಬೀರ್​ ಕಪೂರ್​ ನಟನೆಯ ‘ಅನಿಮಲ್​’ ಸಿನಿಮಾ (Animal Movie) ಸೂಪರ್​ ಹಿಟ್​ ಆಗಿದೆ. ಈ ಸಿನಿಮಾಗೆ ರಶ್ಮಿಕಾ ಮಂದಣ್ಣ ನಾಯಕಿ. ಅದೇ ರೀತಿ ಇನ್ನೊಂದು ಪ್ರಮುಖ ಪಾತ್ರದಲ್ಲಿ ನಟಿಸಿರುವ ತೃಪ್ತಿ ದಿಮ್ರಿ (Tripti Dimri) ಕೂಡ ಸಖತ್​ ಸುದ್ದಿ ಆಗುತ್ತಿದ್ದಾರೆ. ‘ಅನಿಮಲ್’ ಚಿತ್ರದಲ್ಲಿ ಅವರು ನಟಿಸಿದ ಬೋಲ್ಡ್ ದೃಶ್ಯಗಳು ವ್ಯಾಪಕವಾಗಿ ಚರ್ಚೆ ಆಗುತ್ತಿದೆ. ಆ ಕಾರಣದಿಂದ ಅವರ ಹೆಸರು ಚಾಲ್ತಿಗೆ ಬಂದಿದೆ. ಸಂದೀಪ್ ರೆಡ್ಡಿ ವಂಗಾ ನಿರ್ದೇಶನದ ಈ ಚಿತ್ರದಲ್ಲಿ ರಣಬೀರ್ ಕಪೂರ್ (Ranbir Kapoor) ಮತ್ತು ತೃಪ್ತಿ ದಿಮ್ರಿ ಅವರು ನಟಿಸಿದ ಹಸಿಬಿಸಿ ದೃಶ್ಯಗಳು ದ್ವಿತೀಯಾರ್ಧದಲ್ಲಿ ಬರುತ್ತವೆ. ಅದರ ಮೇಕಿಂಗ್​ ಬಗ್ಗೆ ಈಗ ತೃಪ್ತಿ ದಿಮ್ರಿ ಮಾತನಾಡಿದ್ದಾರೆ.

ಈ ರೀತಿಯ ದೃಶ್ಯಗಳಲ್ಲಿ ನಟಿಸುವಾಗ ಧೈರ್ಯ ಬೇಕಾಗುತ್ತದೆ ಎಂದು ತೃಪ್ತಿ ಹೇಳಿದ್ದಾರೆ. ಬಿಡುಗಡೆಯ ದಿನದಂದು ಅವರ ಬಗ್ಗೆ ಹೆಚ್ಚು ಸುದ್ದಿ ಇರಲಿಲ್ಲ. ಆದರೆ ಎರಡನೇ ದಿನದಿಂದ ಜನರು ಅವರ ಬಗ್ಗೆ ಮಾತನಾಡಲು ಪ್ರಾರಂಭಿಸಿದರು. ಈ ದೃಶ್ಯಕ್ಕೆ ಸಂಬಂಧಿಸಿದಂತೆ ತಮಗೆ ಹಲವಾರು ಸಂದೇಶಗಳು ಮತ್ತು ಫೋನ್ ಕರೆಗಳು ಬಂದಿವೆ ಎಂದು ತೃಪ್ತಿ ಹೇಳಿದ್ದಾರೆ. ‘ಅನಿಮಿಲ್​’ ಚಿತ್ರದಲ್ಲಿ ಇಂಥ ದೃಶ್ಯಗಳು ಇರಲಿವೆ ಎಂದು ನಿರ್ದೇಶಕ ಸಂದೀಪ್ ವಂಗಾ ಅವರು ಮೊದಲೇ ಚರ್ಚಿಸಿದರು ಹಾಗೂ ಕಥೆಗೆ ಈ ದೃಶ್ಯಗಳು ಬಹಳ ಮುಖ್ಯ ಎಂದು ಹೇಳಿದ್ದರು ಎಂದು ತೃಪ್ತಿ ತಿಳಿಸಿದ್ದಾರೆ.

ಇಂಥ ಬೋಲ್ಡ್​ ದೃಶ್ಯದ ಚಿತ್ರೀಕರಣದ ಸಮಯದಲ್ಲಿ ಕೋಣೆಯಲ್ಲಿ ಕೇವಲ ನಾಲ್ಕು ಜನರು ಇದ್ದರು ಎಂಬುದನ್ನು ಕೂಡ ತೃಪ್ತಿ ದಿಮ್ರಿ ಬಹಿರಂಗಪಡಿಸಿದ್ದಾರೆ. ‘ನಾನು, ರಣಬೀರ್ ಕಪೂರ್, ನಿರ್ದೇಶಕ ಸಂದೀಪ್ ಮತ್ತು ಕ್ಯಾಮೆರಾ ಪರ್ಸನ್​ ಮಾತ್ರ ಇದ್ದಿದ್ದು. ತನಗೆ ಇದು ಕಂಫರ್ಟ್​ ಇದೆಯೇ ಎಂದು ನಿರ್ದೇಶಕರು ಆಗಾಗ ಕೇಳುತ್ತಿದ್ದರು. ರಣಬೀರ್ ನರ್ವಸ್​ ಆಗಿದ್ದರೂ ಕೂಡ ಶೂಟಿಂಗ್​ ಸಮಯದಲ್ಲಿ ವೃತ್ತಿಪರರಾಗಿ ನಡೆದುಕೊಂಡರು’ ಎಂದಿದ್ದಾರೆ ತೃಪ್ತಿ ದಿಮ್ರಿ.

ಇದನ್ನೂ ಓದಿ: ‘ಅನಿಮಲ್’ ಚಿತ್ರದಲ್ಲಿ ತೃಪ್ತಿ ಬೋಲ್ಡ್ ಅವತಾರ

ಇನ್ನು, ತೃಪ್ತಿ ದಿಮ್ರಿ ಅವರಿಗೆ ಶಾರುಖ್ ಖಾನ್ ಮೊದಲ ಕ್ರಶ್ ಆಗಿದ್ದರೆ, ರಣಬೀರ್ ಕಪೂರ್ ಎರಡನೇ ಕ್ರಶ್ ಆಗಿದ್ದಾರಂತೆ. ರಣಬೀರ್ ಕಪೂರ್​ ಓರ್ವ ಶ್ರೇಷ್ಠ ನಟ ಮತ್ತು ವ್ಯಕ್ತಿ ಎಂದು ಅವರು ಹೊಗಳಿದ್ದಾರೆ. ಅವರ ಜೊತೆ ಕೆಲಸ ಮಾಡಿದ್ದು ಸಂತಸ ನೀಡಿದೆ ಎಂದು ಅವರು ಹೇಳಿದ್ದಾರೆ. ‘ಅನಿಮಲ್​’ ಸಿನಿಮಾ ಸೂಪರ್​ ಹಿಟ್​ ಆದ ಬಳಿಕ ಅವರಿಗೆ ಬೇಡಿಕೆ ಹೆಚ್ಚಾಗಿದೆ.

ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.