ಸೈಲೆಂಟ್​ ಆಗಿ ಎಂಗೇಜ್​ಮೆಂಟ್​ ಮುಗಿಸಿಕೊಂಡ ಬಾಲಿವುಡ್ ಖ್ಯಾತ​ ನಟ; ಸಾಕ್ಷ್ಯ ನೀಡಿದ ಫ್ಯಾನ್ಸ್​

ಬಾಲಿವುಡ್​ ನಟ ವಿದ್ಯುತ್​ ಜಮ್ವಾಲ್​ಗೆ ದೊಡ್ಡ ಅಭಿಮಾನಿ ಬಳಗ ಇದೆ. ಅವರ ಸಿನಿಮಾಗಳಲ್ಲಿ ಆ್ಯಕ್ಷನ್​ ದೃಶ್ಯಗಳಿಗೆ ಕೊರತೆ ಇರುವುದಿಲ್ಲ. ಇನ್ನು, ವಿದ್ಯುತ್​ ಫಿಟ್​ನೆಸ್​ ಬಗ್ಗೆಯಂತೂ ವಿವರಣೆಯೇ ಬೇಡ. ಈಗ ವಿದ್ಯುತ್​ ಸುದ್ದಿಯಲ್ಲಿದ್ದಾರೆ. ಹಾಗಂತ ಅದು ಸಿನಿಮಾ ವಿಚಾರಕ್ಕಲ್ಲ. ಬದಲಿಗೆ ಖಾಸಗಿ ಜೀವನದ ವಿಷಯದಲ್ಲಿ. ವಿದ್ಯುತ್​ ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರೆ ಎನ್ನಲಾಗಿದೆ. ಸದ್ಯ, ಸಾಮಾಜಿಕ ಜಾಲತಾಣದಲ್ಲಿ ಈ ಫೋಟೋಗಳು ವೈರಲ್​ ಆಗಿವೆ.

ವಿದ್ಯುತ್​ ‘ಕಮಾಂಡೋ’ ಸಿನಿಮಾದಲ್ಲಿ ಭರ್ಜರಿ ಆ್ಯಕ್ಷನ್​ ಮೆರೆದು ಅಭಿಮಾನಿಗಳಿಂದ ಮೆಚ್ಚುಗೆ ಪಡೆದರು. ‘ಫೋರ್ಸ್’, ‘ಜಂಗ್ಲಿ’ ಮೊದಲಾದ ಸಿನಿಮಾಗಳಲ್ಲೂ ವಿದ್ಯುತ್​ ಅಭಿನಯಿಸಿದ್ದಾರೆ. ಈಗ ಗರ್ಲ್​​ಫ್ರೆಂಡ್​, ಫ್ಯಾಷನ್​ ಡಿಸೈನರ್​ ನಂದಿತಾ ಜತೆ ವಿದ್ಯುತ್​ ಗುಟ್ಟಾಗಿ ಎಂಗೇಜ್​ಮೆಂಟ್​ ಮಾಡಿಕೊಂಡಿದ್ದಾರೆ ಎನ್ನಲಾಗುತ್ತಿದೆ. ಇದಕ್ಕೆ ಅಭಿಮಾನಿಗಳು ಸಾಕ್ಷ್ಯ ಕೂಡ ನೀಡಿದ್ದಾರೆ.

ವಿದ್ಯುತ್​ ಹಾಗೂ ನಂದಿತಾ ಇತ್ತೀಚೆಗೆ ಆಗ್ರಾದ ತಾಜ್ ​ಮಹಲ್​ಗೆ ಭೇಟಿ ನೀಡಿದ್ದರು. ಅಷ್ಟೇ ಅಲ್ಲ, ಅಲ್ಲಿ ಫೋಟೋಗೆ ಅವರು ಪೋಸ್​​ ಕೊಟ್ಟಿದ್ದಾರೆ. ಮೂರು ದಿನಗಳ ಹಿಂದೆ ನಿಶ್ಚಿತಾರ್ಥ ನಡೆದಿದ್ದು, ಈಗ ಅವರು ತಾಜ್​ ಮಹಲ್​ಗೆ ಭೇಟಿ ನೀಡಿದ್ದಾರೆ ಎನ್ನಲಾಗುತ್ತಿದೆ. ತಾಜ್​ ಮಹಲ್​ ಪ್ರೀತಿಯ ಸಂಕೇತ. ಇದೇ ಕಾರಣಕ್ಕೆ ವಿದ್ಯುತ್​ ಹಾಗೂ ನಂದಿತಾ ಇಲ್ಲಿಗೆ ತೆರಳಿದ್ದರು ಎಂಬ ಸುದ್ದಿ ಹರಿದಾಡಿದೆ. ತಾಜ್​ ಮಹಲ್​ ಎದುರು ನಿಂತಿರುವ ಫೋಟೋದಲ್ಲಿ ನಂದಿತಾ ಕೈನ ಉಂಗುರ ಹೈಲೈಟ್​ ಆಗಿದೆ. ಈ ಉಂಗುರವನ್ನು ಹೈಲೈಟ್​ ಮಾಡಿ ಫೋಟೋಗಳನ್ನು ವೈರಲ್​​ ಮಾಡಲಾಗುತ್ತಿದೆ.

ಸಿನಿಮಾ ವಿಚಾರಕ್ಕೆ ಬರೋದಾದರೆ, ವಿದ್ಯುತ್​ ಸಿನಿಮಾ ಥಿಯೇಟರ್​​ನಲ್ಲಿ ಕೊನೆಯದಾಗಿ ತೆರೆಗೆ ಬಂದಿದ್ದು 2019ರಲ್ಲಿ. ‘ಕಮಾಂಡೋ 3’ನಲ್ಲಿ ಅವರು ನಟಿಸಿದ್ದರು. 2020ರಲ್ಲಿ ತೆರೆಗೆ ಬಂದ ‘ಯಾರಾ’ ಜೀ5ನಲ್ಲಿ ರಿಲೀಸ್​ ಆಗಿತ್ತು. ಅದೇ ವರ್ಷ ‘ಖುದಾ ಹಾಫಿಜ್​: ಚಾಪ್ಟರ್​ 1’ರಲ್ಲಿ ಕಾಣಿಸಿಕೊಂಡರು. ಇದು ಡಿಸ್ನಿ ಪ್ಲಸ್​ ಹಾಟ್​ ಸ್ಟಾರ್​ನಲ್ಲಿ ರಿಲೀಸ್​ ಆಯಿತು. ಈ ವರ್ಷ ರಿಲೀಸ್​ ಆದ ‘ದಿ ಪವರ್’ಗೆ ಜೀ ಪ್ಲೆಕ್ಸ್​ ವೇದಿಕೆ ಕಲ್ಪಿಸಿಕೊಟ್ಟಿದೆ. ಸದ್ಯ, ಅವರು ‘ಖುದಾ ಹಾಫಿಜ್​: ಚಾಪ್ಟರ್​ 2’ ಸೇರಿ ಕೆಲ ಪ್ರಾಜೆಕ್ಟ್​ಗಳಲ್ಲಿ ಬ್ಯುಸಿ ಇದ್ದಾರೆ.

ಇದನ್ನೂ ಓದಿ: ಯಾವ ಬ್ರಾ ತೊಡುತ್ತೀರಿ ಎಂದು ಹೀರೋಯಿನ್ಅನ್ನು​ ಪ್ರಶ್ನಿಸಿದ ಅಭಿಮಾನಿ; ಮುಜುಗರ ಇಲ್ಲದೆ ಉತ್ತರಿಸಿದ 19 ವರ್ಷದ ನಟಿ

ನಿನ್ನ ಬಳಿ ನನ್ನ ಹೃದಯವಿದೆ ಎಂದ ಕತ್ರಿನಾ ಕೈಫ್; ಫ್ಯಾನ್ಸ್ ಪ್ರತಿಕ್ರಿಯೆ ಹೇಗಿತ್ತು?