Godfather: ಪ್ರಭುದೇವ, ಸಲ್ಲು, ಚಿರು ಇದ್ದರೂ ಆಗಲಿಲ್ಲ ಮ್ಯಾಜಿಕ್​; ‘ಥಾರ್​ ಮಾರ್​..’ ಹಾಡಿಗೆ ಫ್ಯಾನ್ಸ್​ ಬೇಸರ

‘ಮೆಗಾ ಸ್ಟಾರ್​’ ಚಿರಂಜೀವಿ ನಟನೆಯ ‘ಗಾಡ್​ ಫಾದರ್​’ (Godfather) ಸಿನಿಮಾ ಸಾಕಷ್ಟು ನಿರೀಕ್ಷೆ ಮೂಡಿಸಿದೆ. ಈ ಚಿತ್ರದಲ್ಲಿ ನಟ ಸಲ್ಮಾನ್​ ಖಾನ್​ ಕೂಡ ಒಂದು ಅತಿಥಿ ಪಾತ್ರ ಮಾಡಿದ್ದಾರೆ. ರಿಯಲ್​ ಲೈಫ್​ನಲ್ಲಿ ಚಿರಂಜೀವಿ ಮತ್ತು ಸಲ್ಮಾನ್​ ಖಾನ್​ (Salman Khan) ನಡುವೆ ಉತ್ತಮ ಸ್ನೇಹ ಇದೆ. ಈಗ ಅವರಿಬ್ಬರು ಜೊತೆಯಾಗಿ ನಟಿಸಿರುವುದರಿಂದ ಫ್ಯಾನ್ಸ್​ ವಲಯದಲ್ಲಿ ಹೈಪ್​ ಕ್ರಿಯೇಟ್​ ಆಗಿದೆ. ಹಾಗಿದ್ದರೂ ಕೂಡ ಒಂದು ವಿಚಾರಕ್ಕೆ ಈ ಸಿನಿಮಾವನ್ನು ಟ್ರೋಲ್​ (Troll) ಮಾಡಲಾಗುತ್ತಿದೆ. ‘ಗಾಡ್​ ಫಾದರ್​’ ಸಿನಿಮಾದಿಂದ ‘ಥಾರ್​ ಮಾರ್​ ಥಕ್ಕರ್​ ಮಾರ್​..’ ಸಾಂಗ್​ ಬಿಡುಗಡೆ ಮಾಡಲಾಗಿದೆ. ಆ ಮೂಲಕ ಪ್ರಚಾರಕಾರ್ಯಕ್ಕೆ ಚುರುಕು ಮುಟ್ಟಿಸಲಾಗಿದೆ. ಆದರೆ ಇದರ ಲಿರಿಕಲ್​ ವಿಡಿಯೋ ನೋಡಿದ ಅಭಿಮಾನಿಗಳಿಗೆ ಡ್ಯಾನ್ಸ್​ ಸ್ಟೆಪ್ಸ್​ ಇಷ್ಟ ಆಗಿಲ್ಲ.

ಖ್ಯಾತ ಕೊರಿಯೋಗ್ರಾಫರ್​ ಪ್ರಭುದೇವ ಅವರು ‘ಥಾರ್​ ಮಾರ್​ ಥಕ್ಕರ್​ ಮಾರ್​..’ ಹಾಡಿಗೆ ನೃತ್ಯ ನಿರ್ದೇಶನ ಮಾಡಿದ್ದಾರೆ. ಡ್ಯಾನ್ಸ್​ ವಿಚಾರದಲ್ಲಿ ಪ್ರಭುದೇವ ಎಷ್ಟು ಫೇಮಸ್​ ಎಂಬುದು ಎಲ್ಲರಿಗೂ ಗೊತ್ತು. ಆದರೆ ‘ಥಾರ್​ ಮಾರ್​ ಥಕರ್​ ಮಾರ್​..’ ಹಾಡಿನಲ್ಲಿ ಅವರು ಯಾವುದೇ ಮ್ಯಾಜಿಕ್​ ಮಾಡಿಲ್ಲ ಎಂದು ಫ್ಯಾನ್ಸ್​ ಹೇಳುತ್ತಿದ್ದಾರೆ.

ಸದ್ಯಕ್ಕೆ ಬಿಡುಗಡೆ ಆಗಿರುವುದು ಲಿರಿಕಲ್​ ವಿಡಿಯೋ ಆದ್ದರಿಂದ ಹೆಚ್ಚಿನ ಸ್ಟೆಪ್ಸ್​ ರಿವೀಲ್​ ಆಗಿಲ್ಲ. ಕಾಣಿಸಿರುವ ಕೆಲವೇ ಸ್ಟೆಪ್ಸ್​ ಕೂಡ ಅಭಿಮಾನಿಗಳಿಗೆ ರುಚಿಸಿಲ್ಲ. ಹಾಗಾಗಿ ಸೋಶಿಯಲ್​ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ಟ್ರೋಲ್​ ಮಾಡಲಾಗುತ್ತಿದೆ. ಇದು ಚಿತ್ರಕ್ಕೆ ನೆಗೆಟಿವ್​ ಪರಿಣಾಮ ಬೀರಿದರೂ ಅಚ್ಚರಿ ಏನಿಲ್ಲ. ಪ್ರಭುದೇವ ಕೊರಿಯೋಗ್ರಫಿ ಮಾಡುತ್ತಾರೆ ಎಂದರೆ ನಿರೀಕ್ಷೆ ಹೆಚ್ಚುವುದು ಸಹಜ. ಆದರೆ ಆ ನಿರೀಕ್ಷೆಯ ಮಟ್ಟವನ್ನು ತಲುಪುವಲ್ಲಿ ‘ಥಾರ್​ ಮಾರ್​ ಥಕ್ಕರ್​ ಮಾರ್​..’ ಹಾಡು ವಿಫಲವಾಗಿದೆ.

ಇದನ್ನೂ ಓದಿ

Megastar Chiranjeevi: ‘ಮೆಗಾ ಸ್ಟಾರ್​’ ಚಿರಂಜೀವಿ ಹುಟ್ಟುಹಬ್ಬಕ್ಕೆ ‘ಗಾಡ್​ ಫಾದರ್​’ ಟೀಸರ್​; ಕೆಲವೇ ಗಂಟೆಗಳಲ್ಲಿ ಆದ ವೀಕ್ಷಣೆ ಎಷ್ಟು?

Chiranjeevi: ಸಂಖ್ಯಾಶಾಸ್ತ್ರದ ಪ್ರಕಾರ ಹೆಸರು ಬದಲಾಯಿಸಿಕೊಂಡ ‘ಮೆಗಾ ಸ್ಟಾರ್​’ ಚಿರಂಜೀವಿ; ಇದೆಲ್ಲಾ ವರ್ಕ್​ ಆಗತ್ತಾ?

ಶಸ್ತ್ರಚಿಕಿತ್ಸೆಗೆ ಒಳಗಾದ ಮೆಗಾಸ್ಟಾರ್​ ಚಿರಂಜೀವಿ; ಚಿಂತೆಗೊಳಗಾದ ಫ್ಯಾನ್ಸ್​

ಚಿರಂಜೀವಿ ಸಿನಿಮಾ ರಿಜೆಕ್ಟ್​ ಮಾಡಿದ್ದ ಸಾಯಿ ಪಲ್ಲವಿ; ಖುಷಿಯಿಂದ ಥ್ಯಾಂಕ್ಸ್​ ಹೇಳಿದ ಮೆಗಾಸ್ಟಾರ್​

ವಿಡಿಯೋ ಸಾಂಗ್​ ಬಿಡುಗಡೆ ಆದ ಬಳಿಕ ಅದರಲ್ಲಿ ಯಾವ ರೀತಿ ಸ್ಟೆಪ್ಸ್​ ಇದೆ ಎಂಬುದನ್ನು ನೋಡಬೇಕು. ಇಲ್ಲವಾದರೆ ಚಿತ್ರಮಂದಿರದಲ್ಲೇ ಹಾಡು ನೋಡಿ ತಿಳಿಯಬೇಕು. ಅಕ್ಟೋಬರ್​ 5ರಂದು ಈ ಸಿನಿಮಾ ರಿಲೀಸ್​ ಆಗಲಿದೆ. ಡಿಫರೆಂಟ್​ ಪಾತ್ರದಲ್ಲಿ ಚಿರಂಜೀವಿ ನಟಿಸಿದ್ದಾರೆ. ಈ ವರ್ಷ ಬಿಡುಗಡೆ ಆದ ‘ಆಚಾರ್ಯ’ ಸಿನಿಮಾ ಸೋಲುಂಡಿತ್ತು. ಹಾಗಾಗಿ ‘ಗಾಡ್​ ಫಾದರ್​’ ಚಿತ್ರ ಗೆಲ್ಲಲೇಬೇಕಾದ ಅನಿವಾರ್ಯತೆ ಇದೆ.

ಇದು ಮಲಯಾಳಂನ ‘ಲೂಸಿಫರ್​’ ಸಿನಿಮಾದ ರಿಮೇಕ್​. ತೆಲುಗು ನೇಟಿವಿಟಿಗೆ ತಕ್ಕಂತೆ ಒಂದಷ್ಟು ಬದಲಾವಣೆ ಮಾಡಿಕೊಳ್ಳಲಾಗಿದೆ. ಸಲ್ಮಾನ್​ ಖಾನ್​ ನಟಿಸಿರುವುದರಿಂದ ಉತ್ತರ ಭಾರತದ ಪ್ರೇಕ್ಷಕರಿಗೂ ಈ ಚಿತ್ರದ ಮೇಲೆ ಕೌತುಕ ಮೂಡಿದೆ.

ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.

Published On - 12:01 pm, Thu, 22 September 22