‘ಟೆನ್ನಿಸ್ ಬಾಲ್’ ಕಮೆಂಟ್ ಹಾಕಿ ನಕ್ಕಿದ್ದಕ್ಕೆ ಜಾನ್ವಿಗೆ ಬಂತು ಸಖತ್ ಕೋಪ

ಜಾನ್ವಿ ಕಪೂರ್ (Janhvi Kapoor) ಅವರ ನಟನೆಯ ‘ಮಿಸ್ಟರ್ ಆ್ಯಂಡ್ ಮಿಸಸ್ ಮಾಹಿ’ ಸಿನಿಮಾ ಶುಕ್ರವಾರ (ಮೇ 31) ರಿಲೀಸ್ ಆಗಿದೆ. ಈ ಚಿತ್ರ ಮೊದಲ ದಿನ ಗಳಿಕೆ ಮಾಡಿದ್ದು ಕೇವ 6.75 ಕೋಟಿ ರೂಪಾಯಿ ಮಾತ್ರ. ಈ ಚಿತ್ರಕ್ಕೆ ಭರ್ಜರಿ ಪ್ರಚಾರ ನೀಡಿದ ಹೊರತಾಗಿಯೂ ಸಿನಿಮಾ ದೊಡ್ಡ ಮಟ್ಟದಲ್ಲಿ ಕಮಾಲ್ ಮಾಡಲು ಸಾಧ್ಯವಾಗಿಲ್ಲ. ಈ ಮಧ್ಯೆ ಸೋಶಿಯಲ್ ಮೀಡಿಯಾದಲ್ಲಿ ವ್ಯಕ್ತಿಯೋರ್ವ ಹಾಕಿದ ಕಮೆಂಟ್​ನಿಂದ ಜಾನ್ವಿ ಕಪೂರ್ ಸಿಟ್ಟಾಗಿದ್ದಾರೆ. ಈ ಬಗ್ಗೆ ಅವರು ಖಡಕ್ ಉತ್ತರ ನೀಡಿದ್ದಾರೆ.

ಜಾನ್ವಿ ಕಪೂರ್ ಅವರು ‘ಮಿಸ್ಟರ್ ಆ್ಯಂಡ್ ಮಿಸಸ್ ಮಾಹಿ’ ಚಿತ್ರಕ್ಕಾಗಿ ಸಾಕಷ್ಟು ಸಿದ್ಧತೆ ಮಾಡಿಕೊಂಡಿದ್ದಾರೆ. ಅವರು ಕ್ರಿಕೆಟ್ ತರಬೇತಿ ಕೂಡ ಪಡೆದಿದ್ದಾರೆ. ಅವರು ಮಹಿಮಾ ಮಾಹಿ ಅಗರ್​ವಾಲ್ ಹೆಸರಿನ ಪಾತ್ರ ಮಾಡಿದ್ದಾರೆ. ವೃತ್ತಿಯಲ್ಲಿ ವೈದ್ಯೆ ಆಗಿರುವ ಈ ಮಹಿಮಾ ಪತಿಯ ಸಹಾಯದೊಂದಿಗೆ ಕ್ರಿಕೆಟ್ ಆಡುತ್ತಾರೆ. ಈ ಸಿನಿಮಾಗೆ ತರಬೇತಿ ಪಡೆಯುವಾಗ ಎದುರಾದ ಚಾಲೆಂಜ್​ಗಳು ಏನು ಎಂಬುದನ್ನು ಜಾನ್ವಿ ವಿವರಿಸಿದ್ದಾರೆ.

View this post on Instagram

A post shared by Janhvi Kapoor (@janhvikapoor)

‘ನಾನು 150 ದಿನಗಳ ಕಾಲ ತರಬೇತಿ ಪಡೆದೆ. ಈ ವೇಳೆ ಎರಡು ಬಾರಿ ಭುಜಕ್ಕೆ ಗಾಯ ಆಗಿತ್ತು’ ಎಂದು ಅವರು ಹೇಳಿದ್ದರು. ಈ ವೇಳೆ ಅವರ ಬಳಿ ಟೆನ್ನಿಸ್ ಬಾಲ್ ಇತ್ತು. ಟೆನ್ನಿಸ್ ಬಾಲ್​ನಲ್ಲಿ ಮ್ಯಾಚ್ ಆಡಿ ಇಂಜುರಿಗೆ ಒಳಗಾಗುವುದು ಎಂದರೆ ಹೇಗೆ? ಈ ರೀತಿಯ ಪ್ರಶ್ನೆಯನ್ನು ಅಭಿಮಾನಿಯೋರ್ವ ಕೇಳಿದ್ದ. ಇದಕ್ಕೆ ಜಾನ್ವಿ ಉತ್ತರ ನೀಡಿದ್ದಾರೆ.

ಇದನ್ನೂ ಓದಿ: ‘ತಪ್ಪಾದ ಆ್ಯಂಗಲ್​ನಲ್ಲಿ ವಿಡಿಯೋ ಮಾಡಬೇಡಿ’; ಎದೆ, ಹಿಂಭಾಗ ಜೂಮ್ ಮಾಡುವವರಿಗೆ ಜಾನ್ವಿ ಎಚ್ಚರಿಕೆ

‘ಲೆದರ್ ಬಾಲ್​ನಲ್ಲೇ ಇಂಜುರಿ ಆಗಿದೆ. ಇದಾದ ಬಳಿಕ ಟೆನ್ನಿಸ್ ಬಾಲ್​ನಲ್ಲಿ ಆಟ ಆಡಲು ಆರಂಭಿಸಿದೆ. ಇವೆಲ್ಲವೂ ನಾನು ಗಾಯಕ್ಕೆ ಒಳಗಾದ ನಂತರದ ವಿಡಿಯೋ ಅನ್ನೋದು ಈ ಬ್ಯಾಂಡೇಜ್​ಗಳನ್ನು ನೋಡಿದರೆ ನಿಮಗೆ ಗೊತ್ತಾಗಬಹುದು’ ಎಂದಿದ್ದಾರೆ ಜಾನ್ವಿ. ‘ಈ ರೀತಿ ಅಪಹಾಸ್ಯ ಮಾಡುವುದಕ್ಕೂ ಮೊದಲು ಸಂಪೂರ್ಣ ವಿಡಿಯೋ ನೋಡಿದ್ದರೆ ನಿಮ್ಮ ಜೋಕ್​ಗೆ ನಾನೂ ನಗುತ್ತಿದ್ದೆ’ ಎಂದು ಜಾನ್ವಿ ಖಡಕ್ ಆಗಿಯೇ ಹೇಳಿದ್ದಾರೆ. ಕಮೆಂಟ್ ಮಾಡಿದ ವ್ಯಕ್ತಿ ಆ ಬಳಿಕ ಕ್ಷಮೆ ಕೇಳಿದ್ದಾನೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.

Published On - 2:21 pm, Sat, 1 June 24