ರಾಜಮೌಳಿ ಪರ್ಫೆಕ್ಷನ್ನಿಂದ ಸಂಕಷ್ಟಕ್ಕೆ ಸಿಲುಕಿದ ಮಹೇಶ್ ಬಾಬು; ಇಷ್ಟೆಲ್ಲಾ ರಿಸ್ಕ್ ಬೇಕಾ?
ರಾಜಮೌಳಿ ನಿರ್ದೇಶನದ SSMB29 ಚಿತ್ರದಲ್ಲಿ ಮಹೇಶ್ ಬಾಬು ಪ್ರಮುಖ ಪಾತ್ರದಲ್ಲಿದ್ದಾರೆ. ಈ ಆಕ್ಷನ್-ಅಡ್ವೆಂಚರ್ ಚಿತ್ರಕ್ಕಾಗಿ ಮಹೇಶ್ ಬಾಬು ಎಲ್ಲಾ ಸ್ಟಂಟ್ಗಳನ್ನು ಸ್ವತಃ ನಿರ್ವಹಿಸುತ್ತಿದ್ದಾರೆ. ಬಾಡಿ ಡಬಲ್ಗೆ ಇಲ್ಲಿ ಅವಕಾಶ ಇಲ್ಲ. ರಾಜಮೌಳಿ ಅವರ ಪರಿಪೂರ್ಣತೆಯ ಹುಡುಕಾಟವು ಮಹೇಶ್ ಬಾಬು ಅವರ ಮೇಲೆ ಹೆಚ್ಚಿನ ಒತ್ತಡ ಹಾಗೂ ಅಪಾಯವನ್ನು ತಂದಿದೆ.
Updated on:Jul 24, 2025 | 1:54 PM
ನಿರ್ದೇಶಕ ರಾಜಮೌಳಿ ಅವರು ಪರಿಪೂರ್ಣತೆಗೆ ಹೆಸರಾದವರು. ಒಂದು ದೃಶ್ಯ ಸರಿ ಬಂದಿಲ್ಲ ಎಂದರೆ ಅಲ್ಲಿ ನಟಿಸುತ್ತಿರುವವರು ಯಾರೇ ಆದರೂ ಸರಿ ಮನಸ್ಸಿಗೆ ಖುಷಿ ಕೊಡುವವರೆಗೂ ರೀ-ಟೇಕ್ ತೆಗೆದುಕೊಳ್ಳುತ್ತಲೇ ಇರುತ್ತಾರೆ. ಈಗ ಇದೇ ವಿಚಾರ ಮಹೇಶ್ ಬಾಬುಗೆ ಸಂಕಟ ತಂದೊಡ್ಡುವ ಸೂಚನೆ ಕೊಟ್ಟಿದೆ. ಮಹೇಶ್ ಬಾಬು ಹಾಗೂ ರಾಜಮೌಳಿ (SS Rajamouli) ಒಟ್ಟಾಗಿ ಸಿನಿಮಾ ಮಾಡುತ್ತಿದ್ದಾರೆ. ಈ ಚಿತ್ರಕ್ಕೆ ತಾತ್ಕಾಲಿಕವಾಗಿ ‘SSMB29’ ಎಂದು ಶೀರ್ಷಿಕೆ ಇಡಲಾಗಿದೆ. ಈ ಸಿನಿಮಾದಲ್ಲಿ ಮಹೇಶ್ ಬಾಬು ದೊಡ್ಡ ರಿಸ್ಕ್ ತೆಗೆದುಕೊಳ್ಳುತ್ತಿದ್ದಾರೆ.
ಸಾಮಾನ್ಯವಾಗಿ ಸ್ಟಂಟ್ಗಳನ್ನು ಮಾಡುವಾಗ ಹೀರೋಗಳು ರಿಸ್ಕ್ ತೆಗೆದುಕೊಳ್ಳಲು ಇಷ್ಟಪಡೋದಿಲ್ಲ. ಈ ಕಾರಣದಿಂದಲೇ ಬಾಡಿ ಡಬಲ್ ಉಪಯೋಗಿಸುತ್ತಾರೆ. ಅಂದರೆ ಅವರನ್ನೇ ಹೋಲವು ಮತ್ತೊಂದು ವ್ಯಕ್ತಿಯಿಂದ ಸ್ಟಂಟ್ ಮಾಡಿಸುತ್ತಾರೆ. ತೆರೆಮೇಲೆ ನೋಡುವಾಗ ಹೀರೋನೆ ಸ್ಟಂಟ್ ಮಾಡುತ್ತಿದ್ದಾನೆ ಎಂಬ ರೀತಿಯಲ್ಲಿ ಕಾಣುತ್ತದೆ. ಇದು ಮೊದಲಿನಿಂದಲೂ ನಡೆದುಕೊಂಡು ಬಂದ ಪದ್ಧತಿ. ಆದರೆ, ಈ ಬಾರಿ ಮಹೇಶ್ ಬಾಬುಗೆ ಯಾವುದೇ ಬಾಡಿ ಡಬಲ್ ಇರೋದಿಲ್ಲ.
ಕೆಲವು ವರದಿಗಳ ಪ್ರಕಾರ ‘SSMB29’ ಚಿತ್ರದ ಶೂಟ್ ವೇಳೆ ಯಾವುದೇ ಬಾಡಿ ಬಲ್ ಮಾಡಲು ಅವಕಾಶ ಇಲ್ಲ. ಎಲ್ಲಾ ಸ್ಟಂಟ್ಗಳನ್ನು ಮಹೇಶ್ ಬಾಬು ಅವರೇ ಮಾಡಬೇಕು. ಇದು ಹೆಚ್ಚು ರಿಸ್ಕ್ ಕೂಡ ಹೌದು. ಈ ವೇಳೆ ಯಾವುದಾದರೂ ತೊಂದರೆ ಆದರೆ ಜೀವಕ್ಕೆ ಅಪಾಯ ಬರಹುದು. ಹೀಗಾಗಿ ಹೆಚ್ಚಿನ ಎಚ್ಚರಿಕೆ ಅಗತ್ಯ. ಇನ್ನು ಮಹೇಶ್ ಬಾಬು ಕೂಡ ಬಾಡಿ ಡಬಲ್ ಆಯ್ಕೆಯನ್ನು ಹೆಚ್ಚು ಇಷ್ಟಪಡೋದಿಲ್ಲ. ಈ ಮೊದಲು ಕೂಡ ಅವರು ಅಂಥ ರಿಸ್ಕ್ ತೆಗೆದುಕೊಂಡಿದ್ದರು.
ಇದನ್ನೂ ಓದಿ: ‘ಬಾಹುಬಲಿ, ‘ಆರ್ಆರ್ಆರ್’ ಅಲ್ಲ, ರಾಜಮೌಳಿಗೆ ಫೇವರಿಟ್ ಈ ಸುದೀಪ್ ಸಿನಿಮಾ
ಈ ಸಿನಿಮಾ ಆ್ಯಕ್ಷನ್ ಅಡ್ವೆಂಡಚರ್ ಸಿನಿಮಾ. ಹೀಗಾಗಿ, ಇದರಲ್ಲಿ ಸಾಕಷ್ಟು ಸ್ಟಂಟ್ಗಳು ಇದ್ದೇ ಇರುತ್ತವೆ. ಈ ಸಿನಿಮಾದಲ್ಲಿ ದೃಶ್ಯ ವೈಭವ ಕೊಂಚ ಹೆಚ್ಚೇ ಇರಲಿದೆ. ಹೀಗಾಗಿ, ಸಿನಿಮಾ ನೋಡಲು ಫ್ಯಾನ್ಸ್ ಕಾದಿದ್ದಾರೆ. ಈ ಚಿತ್ರದಲ್ಲಿ ಪ್ರಿಯಾಂಕಾ ಚೋಪ್ರಾ ಕೂಡ ಇದ್ದಾರೆ. ಈ ಸಿನಿಮಾದ ಒಂದಷ್ಟು ಶೂಟ್ ಭಾರತದಲ್ಲಿ ನಡೆದಿದೆ. ಆ ಬಳಿಕ ತಂಡ ಕೀನ್ಯಾಗೆ ಪ್ರಯಾಣ ಬೆಳೆಸಲಿದೆ. ಅಲ್ಲಿ ಚಿತ್ರದ ಬಹುತೇಕ ಶೂಟ್ ನಡೆಯಲಿದೆ ಎನ್ನಲಾಗುತ್ತಿದೆ. ಅದಕ್ಕೆ ಇನ್ನೂ ಮುಹೂರ್ತ ಫಿಕ್ಸ್ ಆಗಿಲ್ಲ.
ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ.
Published On - 7:30 am, Fri, 18 July 25
