Bigg Boss Kannada 8: ಬಿಗ್​ ಬಾಸ್​ ಮನೆಯಲ್ಲಿ ಕೊನೆಗೂ ಮಂಜು ಕನಸು ನನಸಾಯಿತು..

ಬಿಗ್​ ಬಾಸ್​ ಮನೆಯಲ್ಲಿ ಮಂಜು ಎಲ್ಲರ ಗಮನ ಸೆಳೆಯುತ್ತಿದ್ದಾರೆ. ಕಳೆದ ಬಾರಿ ಬಿಗ್​ ಬಾಸ್​ ಮನೆಯಲ್ಲಿ ಎಲ್ಲರೂ ನಾಮಿನೇಟ್​ ಆಗಿದ್ದಾಗ ಮೊದಲು ಸೇವ್​ ಆಗಿದ್ದು ಮಂಜು. ಅಂದರೆ, ವೀಕ್ಷಕರು ಅತಿ ಹೆಚ್ಚು ಮತ ಹಾಕಿದ್ದು ಅವರಿಗೇ. ಈಗ ಬಿಗ್​ ಬಾಸ್​ ಮನೆಯ ಕ್ಯಾಪ್ಟನ್​ ಆಗಬೇಕು ಎಂದು ಕನಸು ಕಂಡಿದ್ದ ಮಂಜುಗೆ ಕೊನೆಗೂ ಅದೃಷ್ಟ ಕೈ ಹಿಡಿದಿದೆ. ಅವರು ಐದನೇ ವಾರ ಬಿಗ್​ ಬಾಸ್​ ಮನೆಯ ಕ್ಯಾಪ್ಟನ್​ ಆಗಿದ್ದಾರೆ.

ಬಿಗ್​ ಬಾಸ್​ ಮನೆಯಲ್ಲಿ ಎರಡು ಟೀಂಗಳನ್ನು ಮಾಡಲಾಗಿತ್ತು. ಎರಡೂ ಟೀಂಗಳಿಗೆ ಒಂದಷ್ಟು ಟಾಸ್ಕ್ ನೀಡಲಾಗಿತ್ತು. ಈ ಟಾಸ್ಕ್​ಅನ್ನು ಗೆದ್ದವರು ಕ್ಯಾಪ್ಟನ್ಸಿ ಟಾಸ್ಕ್​ಗೆ ಆಯ್ಕೆಯಾಗುತ್ತಾರೆ. ಅಂತೆಯೇ ಜಾತ್ರೆ ಗ್ಯಾಂಗ್​ ಕ್ಯಾಪ್ಟನ್ಸಿ ಟಾಸ್ಕ್​ಗೆ ಆಯ್ಕೆಯಾಗಿತ್ತು.

ಒಂದು ಉದ್ದನೆಯ ರಾಡ್​ ರೀತಿಯ ವಸ್ತು ಇರುತ್ತದೆ. ಅದಕ್ಕೆ ಪಕ್ಕದಲ್ಲಿ ಒಂದಷ್ಟು ಪ್ಲೇಟ್​ ಹಾಗೂ ಕಪ್​ಗಳನ್ನು ಇಡಲಾಗಿತ್ತು. ಮೊದಲು ಪ್ಲೇಟ್​ ಇಟ್ಟು ಅದರ ಮೇಲೆ ಕಪ್​ ಇಡಬೇಕು. ಹೀಗೆ, ಮಾಡುವ ಟಾಸ್ಕ್​ನಲ್ಲಿ ಪ್ರಶಾಂತ್​ ಹಾಗೂ ಮಂಜು ಕೊನೆಯದಾಗಿ ಉಳಿದುಕೊಂಡಿದ್ದರು. ಆದರೆ, ಕೊನೆಯದಾಗಿ ಗೆದ್ದಿದ್ದು ಮಂಜು. ಈ ಮೂಲಕ ಐದನೇ ವಾರ ಅವರು ಬಿಗ್​ ಬಾಸ್​ಮನೆಯಲ್ಲಿ ಕ್ಯಾಪ್ಟನ್​ ಆಗಿದ್ದಾರೆ.

ಬಿಗ್​ ಬಾಸ್​ ಮನೆಯಲ್ಲಿ ಕ್ಯಾಪ್ಟನ್​ ಆಗುತ್ತಿದ್ದಂತೆ ಮಂಜು ತಂದೆಯ ಧ್ವನಿ ಬಂದಿದೆ. ಬಿಗ್​ ಬಾಸ್​ನಲ್ಲಿ ಕ್ಯಾಪ್ಟನ್​ ಆಗಿರುವುದರಿಂದ ಸಂತೋಷಪಟ್ಟೆ. ನನ್ನ ಬೆಂಬಲ ಯಾವಾಗೂ ಇರಲಿದೆ ಎಂದರು. ಬಿಗ್​ ಬಾಸ್​ ಮನೆಯಲ್ಲಿ ಪಾಲಕರ ಧ್ವನಿ ಬಂದ ಕೂಡಲೇ ಎಲ್ಲರೂ ಎಗ್ಸೈಟ್​ ಆಗುತ್ತಾರೆ, ಭಾವುಕರಾಗುತ್ತಾರೆ. ಆದರೆ, ಮಂಜು ಅಷ್ಟು ಭಾವುಕರಾಗೇ ಇಲ್ಲ. ನಾನು ಅಮ್ಮನ ಹತ್ತಿರ ನೇರವಾಗಿ ಮಾತನಾಡಿದ್ದೇನೆ. ಆದರೆ, ತಂದೆ ಜತೆ ಮಾತನಾಡಿಲ್ಲ. ಅವರ ಹೆಗಲ ಮೇಲೆ ಇನ್ನೂ ನೇರವಾಗಿ ಕೈ ಹಾಕಿಲ್ಲ ಎಂದಿದ್ದಾರೆ.

ಇದನ್ನೂ ಓದಿ: ಬಿಗ್​ ಬಾಸ್​ ಮನೆಯಲ್ಲಿ ಕಿತ್ತಾಟ; ರಾಜೀವ್​ ಕೊಟ್ಟ ಏಟಿಗೆ ಮಂಜು ಹಲ್ಲೇ ಉದುರೋಯ್ತು!

ಒಮ್ಮೊಮ್ಮೆ ಹುಟ್ಟಲೇ ಬಾರದಿತ್ತು ಅನಿಸುತ್ತೆ; ವೈಷ್ಣವಿಯಲ್ಲಿ ತಾಯಿಯನ್ನು ಕಂಡು ಅತ್ತ ರಘು!