ಮಾಲಿವುಡ್​ ಸೂಪರ್​ಸ್ಟಾರ್ ಮೋಹನ್​ಲಾಲ್ ಜನ್ಮದಿನ; ನಟನ ಒಟ್ಟೂ ಆಸ್ತಿ ಎಷ್ಟು ಕೋಟಿ ರೂಪಾಯಿ?

ಮಾಲಿವುಡ್​ನ ಸೂಪರ್​ಸ್ಟಾರ್ ಮೋಹನ್​ಲಾಲ್​ಗೆ (Mohanlal) ಇಂದು (ಮೇ 21) ಜನ್ಮದಿನ. ಅವರಿಗೆ ಎಲ್ಲರೂ ಶುಭಾಶಯ ಕೋರುತ್ತಿದ್ದಾರೆ. ಸೋಶಿಯಲ್ ಮೀಡಿಯಾದಲ್ಲಿ ಫ್ಯಾನ್ಸ್​ ವಿಶ್ ತಿಳಿಸುತ್ತಿದ್ದಾರೆ. ಭಾರತ ಚಿತ್ರರಂಗಕ್ಕೆ ಅವರು ನೀಡಿದ ಕೊಡುಗೆ ತುಂಬಾನೇ ದೊಡ್ಡದು. ಅವರು ಮಲಯಾಳಂನ ಶ್ರೀಮಂತ ನಟರಲ್ಲಿ ಒಬ್ಬರು. ಅವರಿಗೆ ನಾನಾ ಕಡೆಯಿಂದ ಹಣ ಬರುತ್ತಿದೆ. ಅವರ ಬಳಿ ಹಲವು ದುಬಾರಿ ಕಾರುಗಳು ಕೂಡ ಇವೆ.  ಆ ಬಗ್ಗೆ ಇಲ್ಲಿದೆ ವಿವರ.

ಮೋಹನ್​ಲಾಲ್ ಅವರು ಹಲವು ವರ್ಷಗಳಿಂದ ಚಿತ್ರರಂಗದಲ್ಲಿ ಆ್ಯಕ್ಟೀವ್ ಆಗಿದ್ದಾರೆ. ಅವರು ಚಿತ್ರರಂಗಕ್ಕೆ ಕಾಲಿಟ್ಟು ಬರೋಬ್ಬರಿ 44 ವರ್ಷಗಳು ಕಳೆದಿವೆ. ‘ಮಂಜಿಲ್ ವಿರಿಂಜ್ ಪೂಕ್ಕಲ್’ ಅವರ ನಟನೆಯ ಮೊದಲ ಸಿನಿಮಾ. ಈ ಸಿನಿಮಾ ತೆರೆಕಂಡಿದ್ದು 1980ರಲ್ಲಿ. ಆ ಬಳಿಕ ಅವರು ಹಲವು ಸೂಪರ್ ಹಿಟ್ ಚಿತ್ರಗಳಲ್ಲಿ ನಟಿಸಿದರು. ನಿರ್ಮಾಪಕನಾಗಿ ಹಲವು ಸಿನಿಮಾಗಳಿಗೆ ಬಂಡವಾಳ ಹೂಡಿದ್ದಾರೆ. ಅವರು ಸಿನಿಮಾ ನಿರ್ದೇಶನಕ್ಕೂ ಇಳಿದಿದ್ದಾರೆ.

ಮೋಹನ್​ಲಾಲ್ ಅವರ ಆಸ್ತಿ 380 ಕೋಟಿ ರೂಪಾಯಿ ಎಂದು ಅಂದಾಜಿಸಲಾಗಿದೆ. ಸಿನಿಮಾ ನಿರ್ಮಾಣ, ಬ್ರ್ಯಾಂಡ್​ಗಳ ಪ್ರಚಾರ, ಉದ್ಯಮ ಅವರ ಗಳಿಕೆಯ ಮೂಲ. ಮೋಹನ್​ಲಾಲ್ ಅವರು 10-15 ಕೋಟಿ ರೂಪಾಯಿ ಪ್ರತಿ ಚಿತ್ರಕ್ಕೆ ಪಡೆಯುತ್ತಾರೆ. ಅವರು ಅತಿ ಹೆಚ್ಚು ಸಂಭಾವನೆ ಪಡೆಯೋ ಮಲಯಾಳಂ ಹೀರೋಗಳಲ್ಲಿ ಒಬ್ಬರು. ವರ್ಷದಿಂದ ವರ್ಷಕ್ಕೆ ಅವರ ಸಂಭಾವನೆಯಲ್ಲಿ ಏರಿಕೆ ಕಂಡಿದೆ.

ಮೋಹನ್​ಲಾಲ್ ಅವರು ಹಲವು ಬ್ರ್ಯಾಂಡ್​ಗಳಿಗೆ ಪ್ರಚಾರ ರಾಯಭಾರಿ ಆಗಿದ್ದಾರೆ. ಜ್ಯುವೆಲರಿ, ಬಟ್ಟೆ ಮೊದಲಾದ ಕಂಪನಿಗಳಿಗೆ ಅವರು ಪ್ರಚಾರ ಮಾಡುತ್ತಾರೆ. ಇದರಿಂದ ಅವರ ಸಂಭಾವನೆ ಹೆಚ್ಚಿದೆ. ಮೋಹನ್​ಲಾಲ್ ಅವರು ಉದ್ಯಮದಲ್ಲೂ ತೊಡಗಿಕೊಂಡಿದ್ದಾರೆ. ಕೊಚ್ಚಿಯಲ್ಲಿ ಅವರು ಅಮ್ಯೂಸ್​ಮೆಂಟ್ ಪಾರ್ಕ್ ಹೊಂದಿದ್ದಾರೆ. ಫುಟ್​ಬಾಲ್​ ಇಂಡಿಯನ್ ಸೂಪರ್ ಲೀಗ್​ನಲ್ಲಿ ‘ಕೇರಳ ಬ್ಲಾಸ್ಟರ್ ಎಫ್​ಸಿ’ ತಂಡವನ್ನು ಹೊಂದಿದ್ದಾರೆ. ಮೋಹನ್​ಲಾಲ್ ಅವರ ಬಳಿ ದುಬಾರಿ ಕಾರುಗಳಿವೆ. ಆಡಿ, ಬೆಂಜ್ ಸೇರಿ ಅನೇಕ ಕಂಪನಿಯ ಕಾರುಗಳು ಅವರ ಬಳಿ ಇವೆ. ಸಾರ್ವಜನಿಕವಾಗಿ ಅವರು ಹಲವು ದುಬಾರಿ ಕಾರುಗಳಲ್ಲಿ ಕಾಣಿಸಿಕೊಂಡಿದ್ದು ಇದೆ.

ಇದನ್ನೂ ಓದಿ: ಅಣ್ಣಾವ್ರ ಹಾಡನ್ನು ಹಾಡಲು ಪ್ರಯತ್ನಿಸಿದ ಮಲಯಾಳಂ ನಟ ಮೋಹನ್​ಲಾಲ್; ಇಲ್ಲಿದೆ ವಿಡಿಯೋ

ಹಲವು ಪ್ರಶಸ್ತಿಗಳನ್ನು ಮೋಹನ್​ಲಾಲ್ ಗೆದ್ದಿದ್ದಾರೆ. ನಾಲ್ಕು ರಾಷ್ಟ್ರ ಪ್ರಶಸ್ತಿಗಳು ಅವರಿಗೆ ಒಲಿದಿವೆ. ನಟನೆಯಲ್ಲಿ ಅವರು ಸಾಕಷ್ಟು ಪಳಗಿದ್ದಾರೆ. ಪದ್ಮ ಶ್ರೀ, ಪದ್ಮ ಭೂಷಣ ಗೌರವ ಕೂಡ ಅವರಿಗೆ ಸಿಕ್ಕಿದೆ. ಇನ್ನೂ ಕೆಲವು ಅವಾರ್ಡ್​ಗಳು ಅವರಿಗೆ ಒಲಿದಿವೆ. ಮೋಹನ್​ಲಾಲ್ ಅವರ ಕೈಯಲ್ಲಿ ಹಲವು ಸಿನಿಮಾಗಳಿವೆ. ‘ಬರೋಜ್​’ ಸಿನಿಮಾದಲ್ಲಿ ನಟಿಸುವುದರ ಜೊತೆಗೆ ನಿರ್ದೇಶನ ಕೂಡ ಮಾಡುತ್ತಿದ್ದಾರೆ. ಅವರ ನಿರ್ದೇಶನದ ಮೊದಲ ಸಿನಿಮಾ ಇದು. ತೆಲುಗಿನ ‘ಕಣ್ಣಪ್ಪ’ ಸಿನಿಮಾದಲ್ಲಿ ಅತಿಥಿ ಪಾತ್ರ ಮಾಡುತ್ತಿದ್ದಾರೆ. ಇದರ ಜೊತೆಗೆ ಇನ್ನೂ ಕೆಲವು ಸಿನಿಮಾಗಳಲ್ಲಿ ನಟಿಸುತ್ತಿದ್ದಾರೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.

Published On - 7:21 am, Tue, 21 May 24