Nagarjuna Birthday: ಖದರ್ ಮಾಸ್ ಲುಕ್ನಲ್ಲಿ ನಾಗಾರ್ಜುನ; ‘ದಿ ಘೋಸ್ಟ್’ ಚಿತ್ರದ ಟೈಟಲ್ ಪೋಸ್ಟರ್ ರಿಲೀಸ್
Nagarjuna: ಟಾಲಿವುಡ್ನ ಖ್ಯಾತ ನಟ ನಾಗಾರ್ಜುನ ಅವರ 62ನೇ ಜನ್ಮದಿನದ ಸಂದರ್ಭದಲ್ಲಿ ತೆಲುಗು ಚಿತ್ರರಂಗದ ಖ್ಯಾತ ತಾರೆಯರು ಅವರಿಗೆ ಶುಭಾಶಯಗಳನ್ನು ಕೋರಿದ್ದಾರೆ. ಹುಟ್ಟುಹಬ್ಬದಂದೇ ಅವರ ನೂತನ ‘ದಿ ಘೋಸ್ಟ್’ ಚಿತ್ರದ ಟೈಟಲ್ ರಿವೀಲ್ ಪೋಸ್ಟರ್ ಬಿಡುಗಡೆ ಮಾಡಿ ನಾಗಾರ್ಜುನ ಅವರಿಗೆ ಚಿತ್ರತಂಡ ಶುಭಾಶಯಗಳನ್ನು ತಿಳಿಸಿದೆ.
ತೆಲುಗಿನ ಖ್ಯಾತ ನಟ ‘ಕಿಂಗ್’ ಎಂದು ಅಭಿಮಾನಿಗಳಿಂದ ಕರೆಯಲ್ಪಡುವ ನಾಗಾರ್ಜುನ ಅವರ ಜನ್ಮದಿನವಿಂದು. 62ನೇ ಜನ್ಮದಿನವನ್ನು ಆಚರಿಸಿಕೊಳ್ಳುತ್ತಿರುವ ಅವರಿಗೆ ಟಾಲಿವುಡ್ ಚಿತ್ರರಂಗ ಶುಭಾಶಯಗಳನ್ನು ಕೋರಿದೆ. ಅವರ ನೂತನ ಚಿತ್ರದ ಟೈಟಲ್ ಪೋಸ್ಟರ್ ಕೂಡಾ ಬಿಡುಗಡೆ ಮಾಡಲಾಗಿದ್ದು, ನಾಗಾರ್ಜುನ ಲುಕ್ಗೆ ಅಭಿಮಾನಿಗಳು ಫಿದಾ ಆಗಿದ್ದಾರೆ. ನಿರ್ದೇಶಕ ಪ್ರವೀಣ್ ಸತ್ತಾರು ‘ದಿ ಘೋಸ್ಟ್’ ಚಿತ್ರದ ಪೋಸ್ಟರ್ ಬಿಡುಗಡೆಗೊಳಿಸಿದ್ದಾರೆ. ಈ ಚಿತ್ರದಲ್ಲಿ ಕಾಜಲ್ ಅಗರ್ವಾಲ್ ನಾಗಾರ್ಜುನ ಅವರೊಂದಿಗೆ ಬಣ್ಣ ಹಚ್ಚಲಿದ್ದಾರೆ.
ಲಂಡನ್ ನಗರದ ಹಿನ್ನೆಲೆಯಲ್ಲಿ ‘ದಿ ಘೋಸ್ಟ್’ ಚಿತ್ರದ ಕತೆ ಸಾಗಲಿದೆ ಎಂಬ ಮಾಹಿತಿ ಲಭ್ಯವಾಗಿದೆ. ಗುಲ್ ಪನಾಗ್, ಅನಿಖಾ ಸುರೇಂದ್ರನ್ ಮೊದಲಾದವರು ಚಿತ್ರದಲ್ಲಿ ಬಣ್ಣ ಹಚ್ಚುತ್ತಿದ್ದಾರೆ. ನಾರಾಯಣ್ ದಾಸ್ ಕೆ ನಾರಂಗ್, ರಾಮ್ ಮೋಹನ್ ರಾವ್, ಶರತ್ ಮರರ್ ಈ ಚಿತ್ರವನ್ನು ನಿರ್ಮಾಣ ಮಾಡುತ್ತಿದ್ದು, ಶ್ರೀ ವೆಂಕಟೇಶ್ವರ ಸಿನಿಮಾಸ್ ಎಲ್ಎಲ್ಪಿ ಹಾಗೂ ನಾರ್ಥ್ಸ್ಟಾರ್ ಎಂಟರ್ಟೇನ್ಮೆಂಟ್ ಬ್ಯಾನರ್ನಲ್ಲಿ ಚಿತ್ರ ತಯಾರಾಗಲಿದೆ.
ಚಿತ್ರದ ಪೋಸ್ಟರ್ ಇಲ್ಲಿದೆ:
Wishing King @iamnagarujuna garu a fabulous birthday ? ? ?#TheGhost #KingNagarjuna #KingNagarjunasGhost @MsKajalAggarwal #NarayanDasNarang #RamMohanRao @AsianSuniel @sharrath_marar @SVCLLP @nseplofficial @anikhaofficial_#HBDKingNagarjuna pic.twitter.com/KTLQUZovU3
— Praveen Sattaru (@PraveenSattaru) August 29, 2021
ನಟ ನಾಗಾರ್ಜುನ್ ಅವರ ಹುಟ್ಟುಹಬ್ಬಕ್ಕೆ ಮೆಗಾಸ್ಟಾರ್ ಚಿರಂಜೀವಿ, ಸೊಸೆ ಸಮಂತಾ ಸೇರಿದಂತೆ ಖ್ಯಾತನಾಮರು ಶುಭಾಶಯಗಳನ್ನು ಕೋರಿದ್ದಾರೆ. ‘ನಿಮ್ಮ ಕುರಿತು ನನಗಿರುವ ಗೌರವವನ್ನು ಪದಗಳಲ್ಲಿ ತಿಳಿಸುವುದು ಅಸಾಧ್ಯ. ನಿಮಗೆ ಇಂದು ಮತ್ತು ಮುಂದೆ ಅಯಸ್ಸು, ಆರೋಗ್ಯ ಲಭಿಸಲಿ’ ಎಂದು ಸಮಂತಾ ಶುಭಹಾರೈಸಿದ್ದಾರೆ.
ಸಮಂತಾ ಅಕ್ಕಿನೇನಿ ಶುಭಾಶಯ ಕೋರಿದ್ದು ಹೀಗೆ:
No words can describe my respect for you. I wish you an abundance of health and happiness, today and always.Happy birthday to the man ,the phenomena @iamnagarjuna mama?☺️♥️
— S (@Samanthaprabhu2) August 29, 2021
ಮೆಗಾಸ್ಟಾರ್ ಚಿರಂಜೀವಿ ಶುಭಾಶಯ ಕೋರಿ ಮಾಡಿದ ಟ್ವೀಟ್:
An ultra cool guy who takes life as it comes and makes most of each moment. An Actor who is constantly experimenting and pushing boundaries. And Most of All a dear Friend to have for all times and forever,dearest @iamnagarjuna A Very Happy ?Birthday to you!?
— Chiranjeevi Konidela (@KChiruTweets) August 29, 2021
ನಾಗಾರ್ಜುನ ಅವರಿಗೆ ಪುತ್ರರಾದ ನಾಗ ಚೈತನ್ಯ ಹಾಗೂ ನಿಖಿಲ್ ಅಕ್ಕಿನೇನಿ ಕೂಡಾ ಶುಭಾಶಯಗಳನ್ನು ತಿಳಿಸಿದ್ದು, ಈ ಕುರಿತು ಪೋಸ್ಟ್ಗಳನ್ನು ಹಂಚಿಕೊಂಡಿದ್ದಾರೆ. ನಾಗ ಚೈತನ್ಯ ತಂದೆ ನಾಗಾರ್ಜುನ ಅವರೊಂದಿಗೆ ‘ಬಂಗಾರ್ರಾಜು’ ಚಿತ್ರದಲ್ಲಿ ಮತ್ತೊಮ್ಮೆ ತೆರೆ ಹಂಚಿಕೊಳ್ಳಲಿದ್ದಾರೆ. ಈ ಹಿನ್ನೆಲೆಯಲ್ಲಿ ಆ ಚಿತ್ರದ ನೂತನ ಪೋಸ್ಟರ್ ಒಂದನ್ನು ಅವರು ಬಿಡುಗಡೆ ಮಾಡಿ, ಶುಭ ಕೋರಿದ್ದಾರೆ.
Happy birthday to my King @iamnagarjuna .. so looking forward to sharing the screen with you again ! To great health and happiness always .. thank you for being you !! Lots of love pic.twitter.com/H7dg6RapHI
— chaitanya akkineni (@chay_akkineni) August 29, 2021
‘ನನ್ನ ರಾಜನಿಗೆ ಜನ್ಮದಿನದ ಶುಭಾಶಯಗಳು. ನಿಮ್ಮೊಂದಿಗೆ ತೆರೆಯನ್ನು ಮತ್ತೆ ಹಂಚಿಕೊಳ್ಳಲು ಎದುರುನೋಡುತ್ತಿದ್ದೇನೆ’ ಎಂದು ನಾಗ ಚೈತನ್ಯ ಬರೆದುಕೊಂಡಿದ್ದಾರೆ.
ಇದನ್ನೂ ಓದಿ:
ಕ್ಯಾಬ್ ಡ್ರೈವರ್ಗಳ ಕಥೆ ಹೇಳುವ ‘ಯೆಲ್ಲೋ ಬೋರ್ಡ್’; ಕಿಚ್ಚ ಶುಭಕೋರಿದ ಈ ಸಿನಿಮಾದಲ್ಲಿ ಏನಿದೆ ವಿಶೇಷ?
ತೆಲುಗಿನಲ್ಲಿ ‘ಪರಮ ಸುಂದರಿ’ ಯಾರು? ನಟಿ ಕೀರ್ತಿ ಸುರೇಶ್ ಬಗ್ಗೆ ಕೇಳಿಬರುತ್ತಿದೆ ಗುಸುಗುಸು
(Nagarjuna and Kajal Agarwal starring The Ghost title reveal poster is released on Nagarjuna birthday)
Published On - 1:39 pm, Sun, 29 August 21