ಬಿಳಿ ಕಟೌಟ್ ಡ್ರೆಸ್ನಲ್ಲಿ ನೋರಾ ಫತೇಹಿ ಮುಂಬೈ ಮಹಾನಗರದ ತಾಪಮಾನವನ್ನು ಗುರುವಾರ ಹೆಚ್ಚಿಸಿದಳು!
ಡಿಸೈನರ್ಗಳು ಸೃಷ್ಟಿಸುವ ಫ್ಯಾಶನ್ ಗಳಿಗೆ ಈ ಮೋಹಕ ನಟಿಯರು ತಮ್ಮ ಮಾದಕ ಸೌಂದರ್ಯ ಹಾಗೂ ಸೊಗಸಾದ ಮೈಮಾಟದಿಂದ ಜೀವ ತುಂಬಿ ಪಡ್ಡೆಗಳ ಜೀವ ತೆಗೆಯುತ್ತಾರೆ!
Updated on: Sep 16, 2021 | 9:17 PM
ಬಾಲಿವುಡ್ನಲ್ಲಿ ಅತ್ಯಂತ ಫ್ಯಾಶನೇಬಲ್ ನಟಿ ಇವಳೇ ಅಂತ ಯಾರನ್ನೂ ಬೊಟ್ಟು ಮಾಡಿ ತೋರಿಸಲಾಗದು ಮಾರಾಯ್ರೇ. ಯಾಕೆ ಅಂತೀರಾ? ಅಲ್ಲಿರುವ ಸುಂದರಿಯರೆಲ್ಲ ಫ್ಯಾಶನೇಬಲ್ ಮಹಿಳೆಯರೇ ಅನ್ನೋದು ಸುಳ್ಳಲ್ಲ. ಪ್ರತಿಯೊಬ್ಬರದೂ ಅವರದ್ದೇ ಆದ ವಿಶಿಷ್ಟ ಸ್ಟೈಲ್ ಸ್ಟೇಟ್ಮೆಂಟ್ ಮತ್ತು ಫ್ಯಾಶನ್ ಸ್ಟೇಟ್ಮೆಂಟ್. ಡಿಸೈನರ್ಗಳು ಸೃಷ್ಟಿಸುವ ಫ್ಯಾಶನ್ ಗಳಿಗೆ ಈ ಮೋಹಕ ನಟಿಯರು ತಮ್ಮ ಮಾದಕ ಸೌಂದರ್ಯ ಹಾಗೂ ಸೊಗಸಾದ ಮೈಮಾಟದಿಂದ ಜೀವ ತುಂಬಿ ಪಡ್ಡೆಗಳ ಜೀವ ತೆಗೆಯುತ್ತಾರೆ!
View this post on Instagram
ಬಾಲಿವುಡ್ ನಟಿ ಮತ್ತು ನೃತ್ಯಗಾತಿ ನೋರಾ ಫತೇಹಿ (ಅಸಲಿಗೆ ಈಕೆ ಕೆನಡಾದವರು) ಗುರುವಾರದಂದು ತನ್ನ ಬಿಳಿಯುಡುಗೆಯಲ್ಲಿ ಮುಂಬೈ ನಗರದ ತಾಪಮಾನವನ್ನು ಹೆಚ್ಚಿಸಿದರೆಂದರೆ ನೀವು ನಂಬಲೇ ಬೇಕು. ಇಲ್ಲಿರುವ ಆಕೆಯ ಚಿತ್ರಗಳನ್ನು ನೋಡಿ. ನಾವು ಹೇಳದೇ ಹೋದರೂ ನೀವು ಅದನ್ನು ಒಪ್ಪಿಕೊಳ್ಳುತ್ತೀರಿ. ಅಂದಹಾಗೆ, ಆಕೆ ಉಟ್ಟಿರುವ ಈ ಡ್ರೆಸ್ಗೆ ಕಟೌಟ್ ಡ್ರೆಸ್ ಅಂತಾರಂತೆ. ಸಿನಿಮಾ ಥೇಟರ್ ಗಳ ಮುಂದೆ ನಮ್ಮ ನೆಚ್ಚಿನ ನಟರ ಕಟೌಟ್ಗಳನ್ನು ನಿಲ್ಲಿಸೋದು ಮಾತ್ರ ನಮಗೆ ಗೊತ್ತು. ಡ್ರೆಸ್ಗಳಲ್ಲೂ ಕಟೌಟ್ ಡ್ರೆಸ್ ಗಳಿರುತ್ತವೆ ಅಂತ ಗೊತ್ತಾಗಿದ್ದು ಈಗಲೇ. ನೋರಾ ತೊಟ್ಟಿರುವ ಕಟೌಟ್ ಡ್ರೆಸ್ ನಲ್ಲಿ ಆಕೆಯದ್ದೇ ದೊಡ್ಡ ಕಟೌಟ್ ಮಾಡಿ ಯಾವುದಾದರೂ ಥೇಟರ್ ಮುಂದೆ ನಿಲ್ಲಿಸಿದರೆ ಅಲ್ಲಿ ಟ್ರಾಫಿಕ್ ಜಾಮ್ ಆಗಲಾರದು ಅಂತೀರಾ?
ಕಾರು ಹತ್ತುತ್ತಿರುವ ನೋತಾ ಫತೇಹಿ
ಕೆಳಗೆ ಜಾರುವ ನೆಕ್ಲೈನ್ ನಲ್ಲಿ ಕಟೌಟ್, ಪಾರ್ಶ್ವ ಭಾಗದಲ್ಲಿ ಮತ್ತು ಮುಂಭಾಗದಲ್ಲಿ ಕಟೌಟ್ಗಳಿರುವುದರಿಂದಲೇ ಇದನ್ನು ಕಟೌಟ್ ಡ್ರೆಸ್ ಅನ್ನುತ್ತಾರಂತೆ. ಡ್ರೆಸ್ ಕೆಳಭಾಗದಲ್ಲಿ ಸೀಳು ಇರೋದು ಸಹ ಕಟೌಟ್ ಡ್ರೆಸ್ ನ ಒಂದು ಫೀಚರ್. ನಿಮಗೆ ನೆನೆಪಿರಬಹುದು, ಆಕೆ ಹಳದಿ ಬಣ್ಣದ ಬಾಡಿಕಾನ್ ಡ್ರೆಸ್ ಧರಿಸಿ ಕೆನಡಾದಲ್ಲಿ ಸ್ವಿಮ್ಮಿಂಗ್ ಪೂಲ್ ಒಂದರ ಪಕ್ಕ ನಿಂತು ಪೋಸ್ ಕೊಟ್ಟ ಪೋಟೋಗಳನ್ನು ನಾವು ನಿಮಗೆ ತೋರಿಸಿದ್ದೆವು. ಆ ಬಾಡಿಕಾನ್ ಡ್ರೆಸ್ ಹಾಗೆಯೇ, ಈ ಕಟೌಟ್ ಡ್ರೆಸ್ ನಲ್ಲೂ ನೋರಾಳ ಮೈಮಾಟ ಅದ್ಭುತವಾಗಿ ಕಾಣುತ್ತದೆ.
ನೋರಾಳ ಸಿನಿಮಾಗಳ ಬಗ್ಗೆ ಮಾತಾಡುವುದಾದರೆ ಆಕೆ ನಟಿಸಿದ ಭುಜ್: ದಿ ಪ್ರೈಡ್ ಆಫ್ ಇಂಡಿಯ ಇತ್ತೀಚಿಗಷ್ಟೇ ಬಿಡುಗಡೆಯಾಗಿತ್ತು. ಈ ಚಿತ್ರದಲ್ಲಿ, ಅಜಯ್ ದೇವಗನ್, ಸೋನಾಕ್ಷಿ ಸಿನ್ಹಾ, ಶರದ್ ಕೇಲ್ಕರ್ ಮತ್ತು ಬೇರೆ ನಟ-ನಟಿಯರಿದ್ದರು.
ಇದನ್ನೂ ಓದಿ: ಬಾಡಿಕಾನ್ ಉಡುಪಿನಲ್ಲಿರುವ ತನ್ನ ಫೋಟೋಗಳನ್ನು ಪೋಸ್ಟ್ ಮಾಡಿ ಪಡ್ಡೆಗಳ ಹೃದಯಬಡಿತ ತಪ್ಪಿಸಿದ್ದಾರೆ ನೊರಾ ಫತೇಹಿ!
