ಗುರುತು ಸಿಗದಂತೆ ಬದಲಾದ ಬಿಗ್​ ಬಾಸ್​ ಮಹಿಳಾ ಸ್ಪರ್ಧಿ; ಈ ಪರಿವರ್ತನೆ ನಂಬಲು ಸಾಧ್ಯವೇ?

ಏಕ್ತಾ ಕಪೂರ್​ ನಿರ್ಮಾಣ ಮಾಡಿರುವ ‘ಕಾರ್ಟೆಲ್’​ ವೆಬ್​ ಸರಣಿಯಲ್ಲಿ ದಿವ್ಯಾ ಅಗರ್​ವಾಲ್​ ನಟಿಸಿದ್ದಾರೆ. ಇತ್ತೀಚೆಗೆ ಅದು ಬಿಡುಗಡೆ ಆಗಿದ್ದು, ಅದರ ಒಂದು ಲುಕ್​ ಅನ್ನು ಅವರು​ ಶೇರ್​ ಮಾಡಿಕೊಂಡಿದ್ದಾರೆ.

ಗುರುತು ಸಿಗದಂತೆ ಬದಲಾದ ಬಿಗ್​ ಬಾಸ್​ ಮಹಿಳಾ ಸ್ಪರ್ಧಿ; ಈ ಪರಿವರ್ತನೆ ನಂಬಲು ಸಾಧ್ಯವೇ?
ಮುದುಕನ ರೀತಿ ಕಾಣಲು ದಿವ್ಯಾ ಅಗರ್​ವಾಲ್​ ಅವರು ಗಂಟೆಗಟ್ಟಲೆ ಮೇಕಪ್ ಮಾಡಿಕೊಳ್ಳಬೇಕಿತ್ತು

ನಟಿ ದಿವ್ಯಾ ಅಗರ್​ವಾಲ್​ ಅವರು ಈ ಬಾರಿಯ ಬಿಗ್​ ಬಾಸ್​ ಓಟಿಟಿ ಶೋನಲ್ಲಿ ವಿನ್ನರ್​ ಪಟ್ಟ ಗಿಟ್ಟಿಸಿಕೊಂಡರು. ಗೆದ್ದ ಬಳಿಕ ಎಲ್ಲೆಲ್ಲೂ ಅವರದ್ದೇ ಸುದ್ದಿ. ಬಿಗ್​ ಬಾಸ್​ ಟ್ರೋಫಿ ಎತ್ತಿ ಹಿಡಿದ ನಂತರ ಅವರಿಗೆ ಸಿಗುತ್ತಿರುವ ಅವಕಾಶಗಳ ಕೂಡ ಹೇರಳವಾಗಿವೆ. ವೆಬ್​ ಸಿರೀಸ್​ ಲೋಕದಲ್ಲಂತೂ ಅವರಿಗೆ ಭಾರಿ ಡಿಮ್ಯಾಂಡ್​ ಇದೆ. ಇಷ್ಟೆಲ್ಲ ಸಮಾಚಾರದ ನಡುವೆ ದಿವ್ಯಾ ಅಗರ್​ವಾಲ್​ ಅಚ್ಚರಿಯ ರೀತಿಯಲ್ಲಿ ಬದಲಾಗಿರುವುದು ವಿಶೇಷ. ಏಕಾಏಕಿ ಅವರು ಮುದುಕನ ಅವತಾರ ತಾಳಿದ್ದಾರೆ. ಅದಕ್ಕೆ ಕಾರಣ ಏನೆಂದು ಅಭಿಮಾನಿಗಳು ತಲೆ ಕೆರೆದುಕೊಳ್ಳುವುದಕ್ಕೂ ಮುನ್ನವೇ ಸ್ವತಃ ದಿವ್ಯಾ ಅಗರ್​ವಾಲ್​ ಎಲ್ಲವನ್ನೂ ವಿವರಿಸಿದ್ದಾರೆ.

ರಿಯಾಲಿಟಿ ಶೋ, ಧಾರಾವಾಹಿ, ವೆಬ್​​ ಸರಣಿ, ಮ್ಯೂಸಿಕ್​ ವಿಡಿಯೋಗಳ ಮೂಲಕ ದಿವ್ಯಾ ಅಗರ್​ವಾಲ್​ ಅವರು ಜನಪ್ರಿಯತೆ ಸಂಪಾದಿಸಿದ್ದಾರೆ. ಏಕ್ತಾ ಕಪೂರ್​ ನಿರ್ಮಾಣ ಮಾಡಿರುವ ‘ಕಾರ್ಟೆಲ್’​ ವೆಬ್​ ಸರಣಿಯಲ್ಲೂ ಅವರು ನಟಿಸಿದ್ದಾರೆ. ಇತ್ತೀಚೆಗೆ ಅದು ಬಿಡುಗಡೆ ಆಗಿದ್ದು, ಅದರ ಒಂದು ಲುಕ್​ ಅನ್ನು ದಿವ್ಯಾ ಅಗರ್​ವಾಲ್​ ಶೇರ್​ ಮಾಡಿಕೊಂಡಿದ್ದಾರೆ. ‘ಆಲ್ಟ್​ ಬಾಲಾಜಿ’ ಓಟಿಟಿ ಮೂಲಕ ಈ ವೆಬ್​​ ಸಿರೀಸ್​ ಬಿಡುಗಡೆ ಆಗಿದೆ.

‘ಕಾರ್ಟೆಲ್​ ಯಶಸ್ವಿ ಆಗಿರುವುಕ್ಕೆ ಇಡೀ ತಂಡಕ್ಕೆ ಅಭಿನಂದನೆಗಳು’ ಎಂದಿರುವ ದಿವ್ಯಾ ಅವರ್​ವಾಲ್​ ಅವರು ತಮಗೆ ಅವಕಾಶ ನೀಡಿದ ಏಕ್ತಾ ಕಪೂರ್​ ಅವರಿಗೆ ಧನ್ಯವಾದ ಅರ್ಪಿಸಿದ್ದಾರೆ. ‘ಏಕ್ತಾ ಕಪೂರ್​ ಅವರೇ, ನನ್ನ ಮೇಲೆ ನಂಬಿಕೆ ಇಟ್ಟು ಈ ಪಾತ್ರ ನೀಡಿದ್ದಕ್ಕೆ ನಿಮಗೆ ಧನ್ಯವಾದಗಳು. ಸಿನಿಮಾ ಬಗ್ಗೆ ನಾನು ಹೊಂದಿರುವ ಆಸಕ್ತಿ ಎಂಥದ್ದು ಎಂಬುದನ್ನು ಈ ಪಾತ್ರ ವಿವರಿಸುತ್ತದೆ. ನನ್ನಲ್ಲಿ ಈ ಗುಣಗಳನ್ನು ಮೊದಲು ಗುರುತಿಸಿದವರೇ ನೀವು’ ಎಂದು ಅವರು ಬರೆದುಕೊಂಡಿದ್ದಾರೆ.

ಮುದುಕನ ರೀತಿ ಕಾಣಲು ದಿವ್ಯಾ ಅವರ್​ವಾಲ್​ ಅವರು ಗಂಟೆಗಟ್ಟಲೆ ಮೇಕಪ್​ ಮಾಡಿಕೊಳ್ಳಬೇಕಿತ್ತು. ಪ್ರಾಸ್ಥೆಟಿಕ್​ ಮೇಕಪ್​ ಮೂಲಕ ಅವರು ಈ ವೇಷ ತಾಳಿದ್ದಾರೆ.

ಬಿಗ್​ ಬಾಸ್​ ಓಟಿಟಿ ಶೋನಲ್ಲಿ ಇದ್ದಾಗ ದಿವ್ಯಾ ಅವರು ತಮ್ಮದೇ ಛಾಪು ಮೂಡಿಸಿದ್ದರು. ತಮಗೆ ಅನಿಸಿದ್ದನ್ನು ನೇರವಾಗಿ ಹೇಳುವ ಗುಣ ಅವರದ್ದು. ಅದೇ ಕಾರಣಕ್ಕಾಗಿ ಅವರು ನಿರೂಪಕ ಕರಣ್​ ಜೋಹರ್​ ಜೊತೆಗೂ ಜಗಳ ಮಾಡಿದ್ದರು. ಅಂತಿಮವಾಗಿ ಅವರೇ ವಿನ್​ ಆಗುವ ಮೂಲಕ ಎಲ್ಲರಲ್ಲೂ ಅಚ್ಚರಿ ಮೂಡಿಸಿದ್ದರು.

ಇದನ್ನೂ ಓದಿ:

ಬಾಯ್​ಫ್ರೆಂಡ್​ ಜತೆ ಬಿಗ್ ಬಾಸ್​ ಒಟಿಟಿ ವಿನ್ನರ್​ ದಿವ್ಯಾ ಅಗರ್​ವಾಲ್​ ಮೋಜು ಮಸ್ತಿ; ವಿಡಿಯೋ ವೈರಲ್​

ಸೆನ್ಸಾರ್​ ಇಲ್ಲದೆ ನಾಚಿಕೆ ಆಗುವಂತಹ ಟಾಸ್ಕ್​ ನೀಡಿದ ಸನ್ನಿ ಲಿಯೋನ್​; ಬಿಗ್​ ಬಾಸ್​ ಸ್ಪರ್ಧಿಗಳಿಗೆ ಶಾಕ್​

Read Full Article

Click on your DTH Provider to Add TV9 Kannada