ಬಂತು ‘ಸ್ಕ್ವಿಡ್ ಗೇಮ್ 3’ ಕೊನೆಯ ಆಟದಲ್ಲಿ ಗೆಲುವು ಯಾರಿಗೆ?

‘ಸ್ಕ್ವಿಡ್ ಗೇಮ್’ (Squid Game) ಜಗತ್ಪ್ರಸಿದ್ಧ ವೆಬ್ ಸರಣಿ. ಕೊರಿಯನ್ ವೆಬ್ ಸರಣಿ ಆಗಿರುವ ಸ್ಕ್ವಿಡ್ ಗೇಮ್ ವಿಶ್ವದಾದ್ಯಂತ ವೀಕ್ಷಕರನ್ನು ಸೆಳೆದಿದೆ. ಮಕ್ಕಳು ಆಡುವ ಸಣ್ಣ ಪುಟ್ಟ ಅದೃಷ್ಟದ ಆಟಗಳನ್ನು ಆಡಿಸಿ, ಸೋತವರನ್ನು ಕೊಲ್ಲುವ ಗುಂಪೊಂದು ಇದೆ. ಕೊನೆಯಲ್ಲಿ ಯಾರು ಬದುಕಿ ಉಳಿಯುತ್ತಾರೆಯೋ ಅವರಿಗೆ ಭಾರಿ ಮೊತ್ತದ ಬಹುಮಾನ. ಈ ಸಾವು-ಬದುಕಿನ ಆಟವನ್ನು ಆಡಿಸುವ ದೊಡ್ಡ ಮಾಫಿಯಾ ಇದೆ. ಆಟದ ಮೇಲೆ ಬೆಟ್ಟಿಂಗ್ ಸಹ ಹಾಕುತ್ತಾರೆ. ಮೊದಲ ಸ್ಕ್ವಿಡ್ ಗೇಮ್ ವೆಬ್ ಸರಣಿ ಭಾರಿ ದೊಡ್ಡ ಹಿಟ್ ಆಗಿತ್ತು. ಕೆಲ ತಿಂಗಳ ಹಿಂದಷ್ಟೆ ‘ಸ್ಕ್ವಿಡ್ ಗೇಮ್ 2’ ಬಿಡುಗಡೆ ಆಗಿತ್ತು, ಆದರೆ ನಿರೀಕ್ಷಿತ ಮಟ್ಟದಲ್ಲಿ ಹಿಟ್ ಎನಿಸಿಕೊಳ್ಳಲಿಲ್ಲ. ಇದೀಗ ‘ಸ್ಕ್ವಿಡ್ ಗೇಮ್ 3’ ಬಿಡುಗಡೆ ಆಗಲಿದೆ.

ಇಂದಷ್ಟೆ ‘ಸ್ಕ್ವಿಡ್ ಗೇಮ್ 3’ ವೆಬ್ ಸರಣಿಯ ಟೀಸರ್ ಬಿಡುಗಡೆ ಆಗಿದೆ. ಇದು ‘ಸ್ಕ್ವಿಡ್ ಗೇಮ್’ ಸರಣಿಯ ಕೊನೆಯ ಸೀಸನ್ ಎಂಬುದರ ಸುಳಿವು ಟೀಸರ್​ನಲ್ಲಿಯೇ ಇದೆ. ‘ಸ್ಕ್ವಿಡ್ ಗೇಮ್ 2’ನಲ್ಲಿ ನಾಯಕ, ಇತರೆ ಆಟಗಾರರನ್ನೆಲ್ಲ ಒಟ್ಟು ಮಾಡಿ ಆಟ ಆಡಿಸುವವರ ವಿರುದ್ಧ ಹೋರಾಟ ಮಾಡಿದ್ದ ಆ ಹೋರಾಟದಲ್ಲಿ ಸಾಕಷ್ಟು ಮಂದಿ ನಿಧನ ಹೊಂದಿದ್ದರು ಆದರೆ ವೆಬ್ ಸರಣಿಯ ಅಂತ್ಯದಲ್ಲಿ ನಾಯಕ ಸೆರೆ ಸಿಕ್ಕುವ ಮೂಲಕ ವೆಬ್ ಸರಣಿ ಅಂತ್ಯವಾಗಿತ್ತು.

ಇದನ್ನೂ ಓದಿ:ಮತ್ತೆ ಬರುತ್ತಿದೆ ವಿಶ್ವವೇ ಮೆಚ್ಚಿದ್ದ ‘ಸ್ಕ್ವಿಡ್ ಗೇಮ್ಸ್’: ಆಟ ಅದೇ, ಆಟಗಾರರು ಬದಲು

ಈಗ ಬಿಡುಗಡೆ ಆಗಿರುವ ‘ಸ್ಕ್ವಿಡ್ ಗೇಮ್ 3’ ಟೀಸರ್​ನಲ್ಲಿ ತೋರಿಸಿರುವಂತೆ. ಮತ್ತೆ ಆಟ ಮುಂದುವರೆದಿದೆ. ಮತ್ತೆ ಕೆಂಪು ನೀಲಿ ತಂಡಗಳನ್ನು ಮಾಡಲಾಗಿದೆ. ಆಟ ಆಡಿಸುವವರ ಕೈ ಮೇಲಾದಂತೆ ಕಾಣುತ್ತಿದೆ. ಆಟದಲ್ಲಿ ಸೋತವರ ಜೀವಗಳು ಹೋಗುತ್ತಿವೆ. ಆದರೆ ಆಟದಲ್ಲಿ ಟ್ವಿಸ್ಟ್ ಒಂದು ಎದುರಾಗಿದೆ. ಅದೇನು ಎಂಬುದು ವೆಬ್ ಸರಣಿ ಬಿಡುಗಡೆ ಆದ ಬಳಿಕವೇ ಗೊತ್ತಾಗಲಿದೆ.

‘ಸ್ಕ್ವಿಡ್ ಗೇಮ್ 3’ ಅನ್ನು ಹಾಂಗ್ ಡಾಂಗ್ ಯುಕ್ ನಿರ್ದೇಶನ ಮಾಡಿದ್ದಾರೆ. ಈ ಹಿಂದಿನ ಎರಡು ವೆಬ್ ಸರಣಿಯನ್ನು ಇವರೇ ನಿರ್ದೇಶನ ಮಾಡಿದ್ದರು. ಈ ವೆಬ್ ಸರಣಿ ಜೂನ್ 27ಕ್ಕೆ ನೆಟ್​ಫ್ಲಿಕ್ಸ್​ನಲ್ಲಿ ಬಿಡುಗಡೆ ಆಗಲಿದೆ. ‘ಸ್ಕ್ವಿಡ್ ಗೇಮ್ 2’ ನಿರೀಕ್ಷಿತ ಮಟ್ಟದಲ್ಲಿ ಗೆಲುವು ಕಾಣಲಿಲ್ಲವಾದ್ದರಿಂದ ‘ಸ್ಕ್ವಿಡ್ ಗೇಮ್ 3’ ಮೇಲೆ ನಿರೀಕ್ಷೆ ಹೆಚ್ಚಿದೆ. ಈಗ ಬಿಡುಗಡೆ ಆಗಿರುವ ಟೀಸರ್ ಸಹ ಉತ್ತಮವಾಗಿಯೇ ಕಾಣುತ್ತಿದೆ.

ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

Published On - 11:54 am, Tue, 6 May 25