ಒಟಿಟಿಯಲ್ಲಿ ಕಾಲೇಜ್ ಕಹಾನಿ ಕಥೆ; ಫನ್​, ಟ್ವಿಸ್ಟ್, ಫರ್ಫಾರ್ಮೆನ್ಸ್ ಇರೋ ಸಿನಿಮಾನ ಮಿಸ್ ಮಾಡಲೇಬೇಡಿ

ಶುಕ್ರವಾರ ಸಮೀಪಿಸಿದೆ. ಥಿಯೇಟರ್​ನಲ್ಲಿ ಒಂದಷ್ಟು ಸಿನಿಮಾಗಳು ರಿಲೀಸ್​ಗೆ ರೆಡಿ ಇವೆ. ಅದೇ ರೀತಿ ಒಟಿಟಿಯಲ್ಲಿ ಚಿತ್ರಗಳು ತೆರೆಗೆ ಬರುತ್ತಿವೆ. ಥಿಯೇಟರ್​ನಲ್ಲಿ ರಿಲೀಸ್ ಆಗಿ ಸೂಪರ್ ಹಿಟ್ ಆದ ತಮಿಳಿನ ‘ಡ್ರ್ಯಾಗನ್’ ಸಿನಿಮಾ (Dragon Movie) ಒಟಿಟಿಯಲ್ಲಿ ತೆರೆಗೆ ಬರುತ್ತಿದೆ. ಮಾರ್ಚ್​ 21ರಿಂದ ನೆಟ್​ಫ್ಲಿಕ್ಸ್ (Netflix) ಒಟಿಟಿ ಮೂಲಕ ಸಿನಿಮಾ ಪ್ರಸಾರ ಕಾಣಲಿದೆ. ಈ ಸಿನಿಮಾ ಕಾಲೇಜಿನ ಕಹಾನಿ ಜೊತೆ ಒಂದಷ್ಟು ಟ್ವಿಸ್ಟ್​ಗಳನ್ನು ಕೂಡ ಒಳಗೊಂಡಿದೆ.

‘ಡ್ರ್ಯಾಗನ್’ ಸಿನಿಮಾ ಫಬ್ರವರಿ 21ರಂದು ಥಿಯೇಟರ್​ನಲ್ಲಿ ಬಿಡುಗಡೆ ಕಂಡಿತು. 30-35 ಕೋಟಿ ರೂಪಾಯಿ ಬಜೆಟ್​ನಲ್ಲಿ ರೆಡಿ ಆದ ಈ ಸಿನಿಮಾ ಬರೋಬ್ಬರಿ 150 ಕೋಟಿ ರೂಪಾಯಿ ಬಿಸ್ನೆಸ್ ಮಾಡಿದೆ. ಪ್ರದೀಪ್ ರಂಗನಾಥನ್, ಅನುಪಮಾ ಪರಮೇಶ್ವರನ್, ಕಯಾದು ಲೋಹರ್ ಮೊದಲಾದವರು ಸಿನಿಮಾದಲ್ಲಿ ನಟಿಸಿದ್ದಾರೆ. ಈ ಚಿತ್ರ ಸಖತ್ ಫನ್ ಆಗಿದೆ.

ಕಥಾ ನಾಯಕ ರಾಘವನ್ ಅಥವಾ ಡ್ರ್ಯಾಗನ್ (ಪ್ರದೀಪ್) 12^th ಅಲ್ಲಿ 96 ಪರ್ಸೆಂಟೇಜ್ ಮಾಡಿ ಒಂದು ಹುಡುಗಿಗೆ ಪ್ರಪೋಸ್ ಮಾಡುತ್ತಾನೆ. ಆದರೆ, ಇದಕ್ಕೆ ಆ ಹುಡುಗಿ, ‘ನೀನು ತುಂಬಾ ಒಳ್ಳೆಯವನು. ನನಗೆ ಬ್ಯಾಡ್ ಬಾಯ್ಸ್ ಇಷ್ಟ’ ಎನ್ನುತ್ತಾಳೆ. ಆಗ ಹುಡುಗ ಬ್ಯಾಡ್ ಬಾಯ್ ಆಗುತ್ತಾನೆ. ಡಿಗ್ರೀಲಿ ಬರೋಬ್ಬರಿ ಒಂದಲ್ಲ ಎರಡಲ್ಲ ಬರೋಬ್ಬರಿ 48 ಸಬ್ಜೆಕ್ಟ್​ನ ಬ್ಯಾಕ್ ಉಳಿಸಿಕೊಳ್ಳುತ್ತಾನೆ. ಅಲ್ಲಿಂದ ಸಿನಿಮಾದ ಕಥೆ ಶುರು.

ಸಿನಿಮಾದಲ್ಲಿ ಕಾಲೇಜ್ ಕಥೆ ಇದೆ. ಕಾಲೇಜ್​ನಲ್ಲಿ ಬ್ಯಾಡ್ ಬಾಯ್ ಆಗಿ ಮೆರೆದ ಹುಡುಗ ನಂತರ ಏನೆಲ್ಲ ಕಷ್ಟಪಡುತ್ತಾನೆ ಎಂಬ ವಿಚಾರವನ್ನು ಸಿನಿಮಾದಲ್ಲಿ ಹೇಳಲಾಗಿದೆ. ಈ ಚಿತ್ರದಲ್ಲಿ ಫನ್ ವಿಚಾರ ಇದೆ. ಜೊತೆಗೆ ಟ್ವಿಸ್ಟ್​ಗಳು ಇವೆ. ಅಷ್ಟೇ ಅಲ್ಲ, ಎಲ್ಲಾಕಲಾವಿದರಿಂದ ಒಳ್ಳೆಯ ಪರ್ಫಾರ್ಮೆನ್ಸ್ ಹಾಗೆ ಸಮಾಜಕ್ಕೆ ಒಂದೊಳ್ಳೆಯ ಸಂದೇಶ ಕೂಡ ಇದೆ.

ಇದನ್ನೂ ಓದಿ: ಸೂಪರ್ ಹಿಟ್ ಕ್ರೈಮ್ ಥ್ರಿಲ್ಲರ್ ವೆಬ್ ಸೀರಿಸ್ ಈಗ ಒಟಿಟಿಯಲ್ಲಿ; ಕೊನೆವರೆಗೂ ಗೆಸ್ ಮಾಡ್ತಾನೇ ಇರ್ಬೇಕು

‘ಡ್ರ್ಯಾಗನ್’ ಸಿನಿಮಾದ ಸ್ಕ್ರೀನ್​ಪ್ಲೇ ಇಷ್ಟ ಆಗುವ ರೀತಿಯಲ್ಲಿ ಇದೆ. ಚಿತ್ರಕ್ಕೆ ಅಶ್ವತ್ಥ್ ಮಾರಿಮುತ್ತು ನಿರ್ದೇಶನ ಮಾಡಿದ್ದಾರೆ. ಈ ಮೊದಲು ಅವರು ‘ಓಹ್ ಮೈ ಕಡವುಲೆ’ ಚಿತ್ರವನ್ನು ನಿರ್ದೇಶನ ಮಾಡಿದ್ದರು. ಈ ಸಿನಿಮಾ ಗಮನ ಸೆಳೆದಿತ್ತು. ಈಗ ಅವರು ‘ಡ್ರ್ಯಾಗನ್’ ಮಾಡಿ ಗಮನ ಸೆಳೆದಿದ್ದಾರೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.