‘Uninstall Hotstar’: ಬಾಬರ್ ಕುರಿತು ವೆಬ್ ಸೀರಿಸ್ ರಿಲೀಸ್ ಮಾಡಿ ಇಕ್ಕಟ್ಟಿಗೆ ಸಿಲುಕಿದ ಹಾಟ್ಸ್ಟಾರ್
The Empire: ನಿಖಿಲ್ ಅಡ್ವಾಣಿ ನಿರ್ಮಾಣದ ‘ದಿ ಎಂಪೈರ್’ ಶುಕ್ರವಾರ ಡಿಸ್ನಿ ಪ್ಲಸ್ ಹಾಟ್ಸ್ಟಾರ್ನಲ್ಲಿ ರಿಲೀಸ್ ಆಗಿದೆ. ಈ ಸೀರಿಸ್ನಲ್ಲಿ ದೊಡ್ಡ ಪಾತ್ರವರ್ಗವೇ ಇದೆ.
ಒಟಿಟಿ ವ್ಯಾಪ್ತಿ ಹೆಚ್ಚಿದಂತೆ ವೆಬ್ ಸೀರಿಸ್ಗಳನ್ನು ನಿರ್ಮಾಣ ಮಾಡುವವರ ಸಂಖ್ಯೆ ಕೂಡ ಹೆಚ್ಚುತ್ತಿದೆ. ಸಾಕಷ್ಟು ವೆಬ್ ಸೀರಿಸ್ಗಳು ಈಗಾಗಲೇ ಸಿದ್ಧಗೊಂಡು ರಿಲೀಸ್ ಆಗಿವೆ. ಈ ವೇಳೆ ಕೆಲವು ದೊಡ್ಡ ಮಟ್ಟದಲ್ಲಿ ವಿವಾದ ಸೃಷ್ಟಿಸಿವೆ. ಇದಕ್ಕೆ ಈಗ ಹೊಸ ಸೇರ್ಪಡೆ ‘ದಿ ಎಂಪೈರ್’. ಬಾಬರ್ ಜೀವನ ಕಥೆ ಆಧರಿಸಿ ಸಿದ್ಧಗೊಂಡಿರುವ ಈ ವೆಬ್ ಸೀರಿಸ್ ಎಲ್ಲ ಕಡೆಗಳಿಂದ ವಿರೋಧ ಎದುರಿಸುತ್ತಿದೆ.
ನಿಖಿಲ್ ಅಡ್ವಾಣಿ ನಿರ್ಮಾಣದ ‘ದಿ ಎಂಪೈರ್’ ಶುಕ್ರವಾರ ಡಿಸ್ನಿ ಪ್ಲಸ್ ಹಾಟ್ಸ್ಟಾರ್ನಲ್ಲಿ ರಿಲೀಸ್ ಆಗಿದೆ. ಈ ಸೀರಿಸ್ನಲ್ಲಿ ದೊಡ್ಡ ಪಾತ್ರವರ್ಗವೇ ಇದೆ. ಅಲೆಕ್ಸ್ ರುದರ್ಫೋರ್ಡ್ ಬರೆದ ‘ಎಂಪೈರ್ ಆಫ್ ದಿ ಮೊಘಲ್; ರೈಡರ್ಸ್ ಫ್ರಮ್ ದಿ ನಾರ್ಥ್’ ಪುಸ್ತಕ ಆಧರಿಸಿ ಈ ವೆಬ್ ಸೀರಿಸ್ ಸಿದ್ಧಗೊಂಡಿದೆ.
ಭಾರತದ ಇತಿಹಾಸದ ಪ್ರಕಾರ ಬಾಬರ್ ಓರ್ವ ಆಕ್ರಮಣಕಾರ. ಆದರೆ, ಈ ವೆಬ್ ಸೀರಿಸ್ನಲ್ಲಿ ಆಕ್ರಮಣಕಾರನನ್ನು ವೈಭವೀಕರಿಸಲಾಗಿದೆ ಎಂಬುದು ಪ್ರೇಕ್ಷಕರ ಆರೋಪ. ಈ ಕಾರಣಕ್ಕೆ ವೆಬ್ ಸೀರಿಸ್ ಪ್ರಸಾರವನ್ನು ನಿಲ್ಲಿಸಬೇಕು ಎಂದು ಒತ್ತಾಯಿಸಲಾಗುತ್ತಿದೆ. ಆದರೆ, ಇದಕ್ಕೆ ಹಾಟ್ಸ್ಟಾರ್ ಜಗ್ಗಿಲ್ಲ. ‘ದಿ ಎಂಪೈರ್ನಲ್ಲಿ ಯಾವುದೇ ವಿವಾದಾತ್ಮಕ ಅಂಶವಿಲ್ಲ. ಇಲ್ಲಿ ಬಾಬರ್ನನ್ನು ವೈಭವೀಕರಿಸಿಲ್ಲ’ ಎಂದು ಸ್ಪಷ್ಟನೆ ನೀಡಿದೆ.
ಹಾಟ್ಸ್ಟಾರ್ ಕಡೆಯಿಂದ ಬಂದ ಉತ್ತರ ಅನೇಕರ ಕೋಪಕ್ಕೆ ಕಾರಣವಾಗಿದೆ. ಈ ಕಾರಣಕ್ಕೆ # UninstallHotstar ಹ್ಯಾಶ್ಟ್ಯಾಗ್ ಅಡಿಯಲ್ಲಿ ಜನರು ಟ್ವೀಟ್ ಮಾಡುತ್ತಿದ್ದಾರೆ. ಅಲ್ಲದೆ, ಹಾಟ್ಸ್ಟಾರ್ ಅನ್ ಇನ್ಸ್ಟಾಲ್ ಮಾಡುವಂತೆ ಆಗ್ರಹಿಸಲಾಗುತ್ತಿದೆ. ಇದು ಹಾಟ್ಸ್ಟಾರ್ ಸಂಸ್ಥೆಗೆ ತಲೆನೋವಾಗಿ ಪರಿಣಮಿಸಿದೆ. ಈ ಬೆಳವಣಿಗೆಯಿಂದ ಒಂದಷ್ಟು ಬಳಕೆದಾರರನ್ನು ಕಳೆದುಕೊಳ್ಳುವ ಭೀತಿ ಸಂಸ್ಥೆಗೆ ಎದುರಾಗಿದೆ.
ಮಾಹಿತಿ ತಂತ್ರಜ್ಞಾನ ನಿಯಮ 2021ರ ಅಡಿಯಲ್ಲಿ ನೇಮಕಗೊಂಡ ಕುಂದುಕೊರತೆ ಅಧಿಕಾರಿಗೆ ಈ ಸರಣಿ ಬಗ್ಗೆ ದೂರು ಬಂದಿತ್ತು. ಈ ದೂರಿನಲ್ಲಿ ಬಾಬರ್ಅನ್ನು ವೈಭವೀಕರಿಸಲಾಗಿದೆ ಎಂದು ಹೇಳಲಾಗಿತ್ತು. ಆದರೆ, ಅಧಿಕಾರಿಗಳು ಕೂಡ ಈ ಆರೋಪವನ್ನು ತಳ್ಳಿ ಹಾಕಿದ್ದಾರೆ.
ಅಯೋಧ್ಯೆಯಲ್ಲಿದ್ದ ರಾಮ ಮಂದಿರವನ್ನು ಕೆಡವಿ ಅಲ್ಲಿ ಮಸೀದಿ ಕಟ್ಟಿದ್ದು ಬಾಬರ್ ಎನ್ನುವುದನ್ನು ಇತಿಹಾಸದಲ್ಲಿ ಬರೆಯಲಾಗಿದೆ. ಇದಲ್ಲದೆ, ಭಾರತವನ್ನು ಅತಿಕ್ರಮಣ ಮಾಡಿ ಆತ ಭಾರತಕ್ಕೆ ಸಾಕಷ್ಟು ನಷ್ಟ ಉಂಟು ಮಾಡಿದ್ದಾನೆ ಎಂಬುದು ಇತಿಹಾಸದಲ್ಲಿ ಉಲ್ಲೇಖವಾಗಿದೆ.
ಇದನ್ನೂ ಓದಿ: ‘ಮೊಘಲರೇ ನಿಜವಾಗಿ ಈ ದೇಶ ಕಟ್ಟಿದ್ದು; ಅವರ ಬಗ್ಗೆ ಕೆಟ್ಟ ಮಾತು ಸರಿಯಲ್ಲ’: ನಿರ್ದೇಶಕ ಕಬೀರ್ ಖಾನ್
ಈ ರಿಚಾರ್ಜ್ ಮಾಡಿದ್ರೆ ನಿಮಗೆ ಅಮೆಜಾನ್, ನೆಟ್ಫ್ಲಿಕ್ಸ್, ಹಾಟ್ಸ್ಟಾರ್ ಉಚಿತವಾಗಿ ಸಿಗಲಿದೆ