ಬಾಲಿವುಡ್​ನಲ್ಲಿ ಲೈಂಗಿಕ ಜೀವನದ ಬಗ್ಗೆ ಇರೋ ಅತಿಯಾದ ನಿರೀಕ್ಷೆಯಿಂದ ವಿಚ್ಛೇದನ; ಸೈರಾ ಬಾನು ವಕೀಲರ ಹೇಳಿಕೆ

ಎಆರ್ ರೆಹಮಾನ್ ಅವರ ಸಂಬಂಧ ಮುರಿದು ಬಿದ್ದಿದೆ. ಸೈರಾ ಬಾನು ಜೊತೆಗಿನ 29 ವರ್ಷಗಳ ಸಂಸಾರ ಕೊನೆ ಆಗಿದೆ. ಇದು ಅನೇಕರಿಗೆ ಶಾಕ್ ಎನಿಸಿದೆ. ಇತ್ತೀಚೆಗೆ ಚಿತ್ರರಂಗದಲ್ಲಿ ಡಿವೋರ್ಸ್ ಪ್ರಕರಣ ಹೆಚ್ಚುತ್ತಿದೆ. ಇದಕ್ಕೆ ಕಾರಣ ಏನು ಎಂಬ ಬಗ್ಗೆ ಚರ್ಚೆ ನಡೆಯುತ್ತಿದೆ. ಸೈರಾ ಬಾನು ಪರ ವಕೀಲೆ ವಂದನಾ ಶಾ ಈ ಬಗ್ಗೆ ಮಾತನಾಡಿದ್ದಾರೆ. ಅವರು ಕೆಲವು ಶಾಕಿಂಗ್ ವಿಚಾರ ರಿವೀಲ್ ಮಾಡಿದ್ದಾರೆ. ಬಾಲಿವುಡ್​ನಲ್ಲಿನ ವಿಚ್ಛೇದನಕ್ಕೆ ಕಾರಣಗಳನ್ನು ಅವರು ಸ್ಪಷ್ಟವಾಗಿ ಹೇಳಿದ್ದಾರೆ.

‘ಬಾಲಿವುಡ್​ ಜೀವನ ಬೇರೆಯದೇ ರೀತಿ ಇದೆ. ದಾಂಪತ್ಯದಲ್ಲಿ ವಿಚ್ಛೇದನಕ್ಕೆ ದ್ರೋಹ ಕಾರಣ ಎಂದು ನಾನು ಭಾವಿಸುವುದಿಲ್ಲ. ಅಲ್ಲಿ ಮದುವೆ ಮುರಿದು ಬೀಳಲು ಕಾರಣವೇನು? ನೀವು ಎಲ್ಲವನ್ನೂ ನೋಡಿದ್ದೀರಿ ಎಂದಾಗ ದಾಂಪತ್ಯದಲ್ಲಿ ವಿರಸ ಮೂಡುತ್ತದೆ. ವಿರಸದ ಕಾರಣದಿಂದ ಒಂದು ದಾಂಪತ್ಯ ತೊರೆದು ಮತ್ತೊಂದು ಮದುವೆ ಆಗುತ್ತಾರೆ. ಬಾಲಿವುಡ್ ಮತ್ತು ಶ್ರೀಮಂತ ಕುಟುಂಬದಲ್ಲಿ ವಿಚ್ಛೇದನಕ್ಕೆ ಕಾರಣ ಬೇರೆಯದೇ ಇರುತ್ತದೆ’ ಎಂದಿದ್ದಾರೆ ಅವರು.

‘ಬಾಲಿವುಡ್​ನವರು ವಿಭಿನ್ನ ಲೈಂಗಿಕ ಜೀವನವನ್ನು ನಡೆಸುತ್ತಾರೆ ಎಂದು ನಾನು ಭಾವಿಸುತ್ತೇನೆ. ಲೈಂಗಿಕ ಜೀವನದಿಂದ ನಿರೀಕ್ಷೆ ಹೆಚ್ಚಿರುತ್ತದೆ. ವ್ಯಭಿಚಾರ ಸಂಭವಿಸುತ್ತದೆ. ಒನ್ ನೈಟ್​ ಸ್ಟ್ಯಾಂಡ್​ಗಳು ಅಲ್ಲಿ ಗಂಭೀರ ಎನಿಸಿಕೊಳ್ಳುವುದಿಲ್ಲ. ನಾನು ಬಾಲಿವುಡ್‌ನ ಭಾಗವಾಗಿಲ್ಲ. ಆದರೆ ನನ್ನ ಬಳಿ ಬಂದ ಪ್ರಕರಣಗಳನ್ನು ಆಧರಿಸಿ ಹೇಳುತ್ತಿದ್ದೇನೆ’ ಎಂದಿದ್ದಾರೆ ಅವರು.

Vandana Shah, one of India’s top divorce lawyer talks about celebrity marriages. Any guesses about the South Indian film star she is referring to? byu/Moviebuff1233 inBollyBlindsNGossip

ರೆಹಮಾನ್ ಅವರ ವಿಚ್ಛೇದನಕ್ಕೆ ಅವರದ್ದೇ ಬ್ಯಾಂಡ್​ನಲ್ಲಿರುವ ಮೋಹಿನಿ ಡೇ ಕಾರಣ ಎಂದು ಹೇಳಲಾಗಿತ್ತು. ರೆಹಮಾನ್ ಅವರು ವಿಚ್ಛೇದನ ಘೋಷಿಸಿದ ಬೆನ್ನಲ್ಲೇ ಮೋಹಿನಿ ಕೂಡ ಡಿವೋರ್ಸ್ ಘೋಷಣೆ ಮಾಡಿದ್ದರು. ಆದರೆ, ಎರಡೂ ಪ್ರಕರಣಕ್ಕೆ ಯಾವುದೇ ಸಂಬಂಧ ಇಲ್ಲ, ಇದು ಕಾಕತಾಳೀಯ ಎಂಬ ಸ್ಪಷ್ಟನೆ ಸಿಕ್ಕಿತ್ತು.

ಇದನ್ನೂ ಓದಿ: ಮತ್ತೊಂದು ಹುಡುಗಿಯ ಜೊತೆ ರೆಹಮಾನ್ ಹೆಸರು ಲಿಂಕ್; ಇಲ್ಲಿದೆ ಅಸಲಿ ವಿಚಾರ

ಬಾಲಿವುಡ್​ನಲ್ಲಿ ಸಾಕಷ್ಟು ವಿಚ್ಛೇದನಗಳು ನಡೆದು ಹೋಗಿವೆ. ಇದಕ್ಕೆ ಕಾರಣಗಳು ಹಲವು. ಆದರೆ, ಯಾವ ಕಾರಣವೂ ಹೊರಕ್ಕೆ ಬಂದಿಲ್ಲ. ಐಶ್ವರ್ಯಾ ಹಾಗೂ ಅಭಿಷೇಕ್ ಕೂಡ ವಿಚ್ಛೇದನ ಪಡೆದಿದ್ದಾರೆ ಎನ್ನಲಾಗಿದೆ. ಇದಕ್ಕೆ ಅಮಿತಾಭ್ ಬಚ್ಚನ್ ಸ್ಪಷ್ಟನೆ ನೀಡಿದ್ದಾರೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.

Published On - 11:53 am, Fri, 22 November 24