ಹದ್ದಾದ ರವಿತೇಜ! ಸಂಕ್ರಾಂತಿ ರೇಸ್​ಗೆ ರೆಡಿಯಾದ ಮಾಸ್ ಮಹಾರಾಜ

ರವಿತೇಜ (Ravi Teja) ತೆಲುಗಿನ (Tollywood) ಪಕ್ಕಾ ಪೈಸಾ ವಲೂಸ್ ನಟ. ಆಕ್ಷನ್​ಮಯ ಹಾಸ್ಯ ಸಿನಿಮಾಗಳನ್ನು ದಶಕದಿಂದ ಮಾಡುತ್ತಾ ಬಂದಿರುವ ರವಿತೇಜ ಒಂದೇ ಮಾದರಿಯ ಸಿನಿಮಾಗಳಲ್ಲಿ ನಟಿಸುತ್ತಿದ್ದರೂ ಸತತ ಯಶಸ್ಸು ಪಡೆಯುತ್ತಲೇ ಬಂದಿದ್ದಾರೆ. ಒಂದೇ ರೀತಿಯ ಮ್ಯಾನರಿಸಂನಲ್ಲಿ ನಟಿಸುತ್ತಲೇ ದೊಡ್ಡ ಅಭಿಮಾನಿವರ್ಗ ಸಂಪಾದಿಸಿರುವ ರವಿತೇಜ. ಇದೀಗ ತುಸು ಭಿನ್ನವಾದ ಸಿನಿಮಾವೊಂದನ್ನು ಒಪ್ಪಿಕೊಂಡಂತಿದೆ.

ಈ ಹಿಂದೆ ಪೀಪಲ್ ಮೀಡಿಯಾ ಫ್ಯಾಕ್ಟರಿ ಅಡಿ, ಟಿಜೆ ವಿಶ್ವ ಪ್ರಸಾದ್‌ ‌ನಿರ್ಮಾಣ ಮಾಡಿದ್ದ ಧಮಾಕ ಸಿನಿಮಾದಲ್ಲ ರವಿತೇಜ ನಟಿಸಿದ್ದರು. ಆ ಸಿನಿಮಾ ಬಾಕ್ಸಾಫೀಸ್ ನಲ್ಲಿ ದೊಡ್ಡ ಹಿಟ್ ಆಗಿತ್ತು. ರವಿತೇಜ ಸಿನಿಕರಿಯರ್​ನ ದೊಡ್ಡ ಹಿಟ್ ಎನಿಸಿಕೊಂಡಿತ್ತು. ಧಮಾಕ ಯಶಸ್ಸಿನ ಬೆನ್ನಲ್ಲೇ ಮಾಸ್ ಮಹಾರಾಜ ಮತ್ತೊಮ್ಮೆ ಪೀಪಲ್ಸ್ ಮೀಡಿಯಾ ಫ್ಯಾಕ್ಟರಿ ಜೊತೆ ಕೈ ಜೋಡಿಸಿದ್ದಾರೆ. ಛಾಯಾಗ್ರಹಕರಾಗಿದ್ದ ಕಾರ್ತಿಕ್ ಕಟ್ಟಿಮನೆ ಡೈರೆಕ್ಟರ್ ಕ್ಯಾಪ್ ತೊಟ್ಟು ಆಕ್ಷನ್ ಕಟ್ ಹೇಳಿರುವ ಸಿನಿಮಾಗೆ ಈಗಲ್ ಎಂಬ ಕ್ಯಾಚಿ ಟೈಟಲ್ ಇಡಲಾಗಿದೆ. ಸಣ್ಣ ಗ್ಲಿಂಪ್ಸ್ ಮೂಲಕ ಈಗಲ್ ಲೋಕವನ್ನು ಪರಿಚಯ ಮಾಡಿಕೊಡಲಾಗಿದೆ.

ರವಿತೇಜ ಚಿತ್ರಕಾರನಾಗಿ, ಹತ್ತಿ ಕೃಷಿನಾಗಿ ಹೀಗೆ ನಾನಾ ಅವತಾರದಲ್ಲಿ ಕಾಣಿಸಿಕೊಂಡಿದ್ದಾರೆ ಈಗಲ್ ಸಿನಿಮಾದಲ್ಲಿ ಕಾಣಿಸಿಕೊಂಡಿದ್ದಾರೆ. ರವಿತೇಜ ಪಾತ್ರದ ಸುತ್ತ ಹಲವು ಕತೆಗಳಿದ್ದು ಅವುಗಳಲ್ಲಿ ಯಾವುದು ನಿಜ, ನಿಜವಾಗಿಯೂ ರವಿತೇಜ ಯಾರು? ಈಗಲ್ ಹೆಸರು ರವಿತೇಜಗೆ ಏಕೆ ಬಂದಿದೆ ಎಂಬುದು ಸಿನಿಮಾದ ಕತೆ. ಇದೀಗ ಬಿಡುಗಡೆ ಆಗಿರುವ ಸಿನಿಮಾದ ಟೀಸರ್​ನಲ್ಲಿ ರವಿತೇಜ ಅವರು ಲುಕ್ ರಿವೀಲ್ ಮಾಡಿಲ್ಲ ಅವರ ಭಾಗಶಃ ಮಾತ್ರ ಅವರ ಮುಖವನ್ನು ಚಿತ್ರತಂಡ ತೋರಿಸಿ ಸಸ್ಪೆನ್ಸ್ ಕಾಯ್ದುಕೊಂಡಿದೆ.

ಸಿನಿಮಾದ ಪೋಸ್ಟರ್, ಟೀಸರ್ ನೋಡಿದರೆ ಈ ಸಿನಿಮಾದಲ್ಲಿ ರಿವತೇಜ ಸ್ನೈಪರ್ ಪಾತ್ರದಲ್ಲಿ ನಟಿಸಿದ್ದಾರೆ ಎಂಬುದು ಬಹುತೇಕ ಖಾತ್ರಿಯಾಗುತ್ತಿದೆ. ದೂರದಲ್ಲೆಲ್ಲೋ ಅಡಗಿ ಕುಳಿತು ಕಿಲೋ ಮೀಟರ್ ಗಟ್ಟಲೆ ದೂರದಲ್ಲಿರುವ ಶತ್ರುವನ್ನು ಹೊಡೆದು ಉರುಳಿಸುವ ಸ್ನೈಪರ್​ಗಳು ಯುದ್ಧ ಸಂದರ್ಭದಲ್ಲಿ ಸೈನ್ಯದ ಆಸ್ತಿ. ಈಗಾಗಲೇ

ಅನುಪಮಾ ಪರಮೇಶ್ವರನ್, ನವದೀಪ್, ಮಧುಬಾಲ, ಕಾವ್ಯ ಥಾಪರ್ ಟೈಟಲ್ ಝಲಕ್ ನಲ್ಲಿ ಕಾಣಿಸಿಕೊಂಡಿದ್ದಾರೆ. ಭಾರೀ ಬಜೆಟ್ ನಲ್ಲಿ ನಿರ್ಮಾಣವಾಗುತ್ತಿರುವ ಈಗಲ್ ಸಿನಿಮಾಗೆ ಕಾರ್ತಿಕ್ ಗಟ್ಟಿಮನ್ನಿ ನಿರ್ದೇಶನದ ಜೊತೆಗೆ ಸಂಕಲನ ಹಾಗೂ ಛಾಯಾಗ್ರಹಣದ ಜವಾಬ್ದಾರಿ ಹೊತ್ತುಕೊಂಡಿದ್ದಾರೆ‌. ಮಣಿಬಾಬು ಕರಣಂ ಸಂಭಾಷಣೆ, ದಾವ್ಜಂಡ್ ಟ್ಯೂನ್ ಚಿತ್ರಕ್ಕಿದೆ. ಹೈದರಾಬಾದ್ ಚಿತ್ರೀಕರಣ ಭರದಿಂದ ಸಾಗುತ್ತಿದ್ದು, 2024ರ ಸಂಕ್ರಾಂತಿ ಹಬ್ಬ ಸಿನಿಮಾ ತೆರೆಗೆ ಬರಲಿದೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

Published On - 9:46 pm, Tue, 13 June 23