ಮದುವೆಗೆ ರೆಡಿ ಆದ ತೆಲುಗಿನ ಸ್ಟಾರ್ ಹೀರೋ: ಮುಂದಿನ ವರ್ಷವೇ ಕಲ್ಯಾಣ

ಸದ್ಯ ಟಾಲಿವುಡ್​ನಲ್ಲಿ (Tollywood) ಮದುವೆಯ ಸುಗ್ಗಿ ನಡೆಯುತ್ತಿದೆ ಎಂದರೂ ತಪ್ಪಾಗಲಾರದು. ಸದ್ಯದಲ್ಲೇ ಅಲ್ಲು ಅರ್ಜುನ್ ತಮ್ಮ ಹಾಗೂ ನಟ ಅಲ್ಲು ಸಿರಿಶ್ ವಿವಾಹ ನೆರವೇರಲಿದೆ. ಮುಂದಿನ ವರ್ಷ ವಿಜಯ್ ದೇವರಕೊಂಡ ಹಾಗೂ ರಶ್ಮಿಕಾ ಮಂದಣ್ಣ ಮದುವೆ ನಡೆಯಲಿದೆಯಂತೆ. ಇದರ ಮಧ್ಯೆ ಮತ್ತೋರ್ವ ಹೀರೋ ತಾವು ವಿವಾಹ ಆಗೋದಾಗಿ ಘೋಷಣೆ ಮಾಡಿದ್ದಾರೆ. ಈ ವಿಷಯ ಫ್ಯಾನ್ಸ್ ಖುಷಿಗೆ ಕಾರಣ ಆಗಿದೆ. ಅಷ್ಟಕ್ಕೂ ಯಾರು ಅವರು? ಸಾಯಿ ಧರಮ್ ತೇಜ್.

ಸಾಯಿ ತೇಜ್ ಅವರು ಕಳೆದ 11 ವರ್ಷಗಳಿಂದ ಚಿತ್ರರಂಗದಲ್ಲಿ ಆ್ಯಕ್ಟೀವ್ ಆಗಿದ್ದಾರೆ. ಅವರು 28ನೇ ವಯಸ್ಸಿಗೆ ಬಣ್ಣದ ಲೋಕಕ್ಕೆ ಕಾಲಿಟ್ಟರು. ಈಗ ಅವರಿಗೆ 39 ವರ್ಷ. ಸಿನಿಮಾಗಳನ್ನು ಮಾಡುತ್ತಿದ್ದಾರೆ. ಆದರೆ, ವಿವಾಹ ಸುದ್ದಿ ಬಂದಾಗ ಅವರು ಸೈಲೆಂಟ್ ಆಗಿ ಇದ್ದಿದ್ದೇ ಹೆಚ್ಚು. ಅವರು ಈಗ ಮದುವೆ ಆಗುತ್ತಿದ್ದಾರೆ ಎಂಬುದು ತಿಳಿದು ಬಂದಿದೆ.

ಇತ್ತೀಚೆಗೆ ಸಾಯಿ ಧರಮ್ ತೇಜ್ ತಮ್ಮ ಮದುವೆಯ ಬಗ್ಗೆ ಸ್ಪಷ್ಟನೆ ನೀಡಿದ್ದಾರೆ. ದೇವರ ದರ್ಶನ ಪಡೆಯಲು ತಿರುಮಲಕ್ಕೆ ಬಂದಿದ್ದ ಸಾಯಿ, ಮದುವೆಯ ವಿಷಯವನ್ನು ಪ್ರಸ್ತಾಪಿಸಿದರು. ದೇವರ ಆಶೀರ್ವಾದ ಪಡೆದ ನಟ, ದೇವಾಲಯದ ಮುಂದೆ ಮಾಧ್ಯಮಗಳೊಂದಿಗೆ ಮಾತನಾಡಿದರು. ಮದುವೆಗೆ ಪ್ರತಿಕ್ರಿಯಿಸಿದ ಸಾಯಿ ದುರ್ಗಾ ತೇಜ್, ಮುಂದಿನ ವರ್ಷ ತಮ್ಮ ಮದುವೆ ನಡೆಯಲಿದೆ ಎಂದು ಸ್ಪಷ್ಟಪಡಿಸಿದರು.

ಇದನ್ನೂ ಓದಿ:ಟಾಲಿವುಡ್​ಗೆ 50 ಕೆಜಿ ಚಿನ್ನ ಧರಿಸಿ ಬಂದ ನಟಿ ಸೋನಾಕ್ಷಿ ಸಿನ್ಹಾ

‘ಒಳ್ಳೆಯ ಸಿನಿಮಾಗಳು ಮತ್ತು ಒಳ್ಳೆಯ ಜೀವನವನ್ನು ನೀಡಿದ್ದಕ್ಕಾಗಿ ಭಗವಂತನಿಗೆ ಧನ್ಯವಾದ ಹೇಳಲು ಬಂದಿದ್ದೇನೆ. ಹೊಸ ವರ್ಷ, ಹೊಸ ಜೀವನಕ್ಕಾಗಿ ಭಗವಂತನ ಆಶೀರ್ವಾದ ಪಡೆದಿದ್ದೇನೆ’ ಎಂದು ಅವರು ಹೇಳಿದರು. ಮುಂದಿನ ವರ್ಷ ‘ಸಂಬರಲ ಯೇತ್ತಿ ಗಟ್ಟು’ ಚಿತ್ರ ಬರಲಿದೆ ಎಂದು ಸಾಯಿ ದುರ್ಗಾ ತೇಜ ಹೇಳಿದರು. ಸಾಯಿ ಧರಮ್ ತೇಜ್ ತಮ್ಮ ತಾಯಿಯ ಗೌರವಾರ್ಥವಾಗಿ ತಮ್ಮ ಹೆಸರನ್ನು ಸಾಯಿ ದುರ್ಗಾ ತೇಜ್ ಎಂದು ಬದಲಾಯಿಸಿಕೊಂಡಿದ್ದಾರೆ.

2021ರಲ್ಲಿ ಸಾಯಿ ಅವರಿಗೆ ಭೀಕರ ರಸ್ತೆ ಅಪಘಾತ ಆಯಿತು. ಸೂಪರ್ ಬೈಕ್ ಚಾಲನೆ ಮಾಡುವಾಗ ಅಪಘಾತ ಆಯಿತು. ಅವರು ಆ ಬಳಿಕ ಸಾವು-ಬದುಕಿನ ಮಧ್ಯೆ ಹೋರಾಡಿದರು. ಕೊನೆಗೂ ಅವರು ಸಾವನ್ನು ಗೆದ್ದು ಬದುಕಿದರು. ಆರು ತಿಂಗಳು ಬ್ರೇಕ್ ಪಡೆದು ಬಂದರು.

ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ