ಮೊದಲ ದಿನ ಥಿಯೇಟರ್​​ಗೆ ಹೋಗಿ ದರ್ಶನ್ ಸಿನಿಮಾ ನೋಡುತ್ತಿರಲಿಲ್ಲವೇಕೆ? ಇಲ್ಲಿದೆ ಉತ್ತರ

ನಟ ದರ್ಶನ್ ಅವರು ದೊಡ್ಡ ಅಭಿಮಾನಿ ಬಳಗವನ್ನು ಹೊಂದಿದ್ದಾರೆ. ಅವರ ಅಭಿನಯದ ‘ಡೆವಿಲ್’ ಚಿತ್ರವು ಇಂದು (ಡಿಸೆಂಬರ್ 11) ರಿಲೀಸ್ ಆಗಿದೆ. ಈ ಚಿತ್ರವನ್ನು ಅವರ ಪತ್ನಿ ವಿಜಯಲಕ್ಷ್ಮೀ ದರ್ಶನ್, ಮಗ ವಿನೀಶ್, ದರ್ಶನ್ ಅವರ ಆಪ್ತ ಎನಿಸಿಕೊಂಡಿರುವ ಧನ್ವೀರ್ ವೀಕ್ಷಣೆ ಮಾಡಿದರು. ಬೆಂಗಳೂರಿನ ನರ್ತಕಿ ಥಿಯೇಟರ್​​ನಲ್ಲಿ ಚಿತ್ರವನ್ನು ವೀಕ್ಷಿಸಿದ್ದಾರೆ. ದರ್ಶನ್ ಅವರು ತಮ್ಮ ಚಿತ್ರವನ್ನು ನೋಡಲು ಎಂದಿಗೂ ಥಿಯೇಟರ್​ಗೆ ಹೋಗುತ್ತಿರಲಿಲ್ಲ. ಇದಕ್ಕೆ ಕಾರಣವನ್ನು ಹೇಳಿದ್ದರು.

ದರ್ಶನ್ ಅವರ ಅಭಿಮಾನಿ ಬಳಗ ಎಷ್ಟು ದೊಡ್ಡದಿದೆ ಎಂದು ಹೇಳಬೇಕಿಲ್ಲ. ಅವರು ಇನ್ನೂ ಜೈಲಿಗೆ ಹೋಗದೆ ಇರುವಾಗ ಅವರ ಮನೆಯ ಹೊರಗೆ ಒಂದಷ್ಟು ಅಭಿಮಾನಿಗಳು ಸದಾ ನೆರೆದಿರುತ್ತಿದ್ದರು. ಅವರು ದರ್ಶನ್​ಗಾಗಿ ಕಾದು ಕುಳಿತುರುತ್ತಿದ್ದರು. ಅವರು ಬಂದ ತಕ್ಷಣ ಹೋಗಿ ಸೆಲ್ಫಿ ತೆಗೆದುಕೊಳ್ಳುತ್ತಿದ್ದರು. ಹೀಗಿರುವಾಗ ಅವರು ಥಿಯೇಟರ್​ಗೆ ಹೋದರೆ ಜನರನ್ನು ನಿಯಂತ್ರಿಸಲು ಎಲ್ಲಾದರೂ ಸಾಧ್ಯವೇ? ಈ ಕಾರಣಕ್ಕೆ ಅವರು ಥಿಯೇಟರ್​ಗೆ ಹೋಗುತ್ತಾ ಇರಲಿಲ್ಲ.

ದರ್ಶನ್ ಬರುತ್ತಾರೆ ಎಂಬ ವಿಷಯ ತಿಳಿದರೆ ಫ್ಯಾನ್ಸ್ ದೊಡ್ಡ ಸಂಖ್ಯೆಯಲ್ಲಿ ನೆರೆಯುತ್ತಾರೆ. ಅವರನ್ನು ನಿಯಂತ್ರಿಸಲು ಪೊಲೀಸರು ಹರಸಾಹಸ ಪಡಬೇಕಾಗಿ ಬರಹುದು. ಇಷ್ಟೇ ಅಲ್ಲ, ದರ್ಶನ್ ಅವರು ಬಂದರೆ ಅಭಿಮಾನಿಗಳು ಸಾಕಷ್ಟು ಸಂಖ್ಯೆಯಲ್ಲಿ ನೆರೆದು ಥಿಯೇಟರ್​ಗೆ ಹಾನಿ ಮಾಡುವ ಸಾಧ್ಯತೆ ಇರುತ್ತದೆ. ನುಗ್ಗಾಟದಲ್ಲಿ ಗಾಜು ಒಡೆಯಬಹುದು, ಕುರ್ಚಿ ಹಾಳಾಗಬಹುದು. ಇದರಿಂದ ಚಿತ್ರಮಂದಿದವರಿಗೆ ನಷ್ಟ ಆಗುತ್ತದೆ. ಈ ಕಾರಣದಿಂದ ದರ್ಶನ್ ಅವರು ಥಿಯೇಟರ್​ಗೆ ಹೋಗುತ್ತಾ ಇರಲಿಲ್ಲ ಎಂಬುದು ಇಲ್ಲಿ ಗಮನಿಸಬೇಕಾದ ವಿಷಯ.

ಇದನ್ನೂ ಓದಿ:  ‘ನಾವು ಗೆದ್ವಿ’; ‘ಡೆವಿಲ್’ ಸಿನಿಮಾ ನೋಡಿ ವಿಮರ್ಶೆ ತಿಳಿಸಿದ ಫ್ಯಾನ್ಸ್

‘ಡೆವಿಲ್’ ಚಿತ್ರವನ್ನು ಅಭಿಮಾನಿಗಳು ಅದ್ದೂರಿಯಾಗಿ ಸ್ವಾಗತಿಸಿದ್ದಾರೆ. ಥಿಯೇಟರ್​​ನ ಸಿಂಗರಿಸಿಲಾಗಿದೆ. ದೊಡ್ಡ ದೊಡ್ಡ ಕಟೌಟ್​ಗಳನ್ನು ಹಾಕಲಾಗಿದೆ. ದರ್ಶನ್ ಕಟೌಟ್​ಗೆ ಹಾಲಿನ ಅಭಿಷೇಕದ ದೃಶ್ಯಗಳು ಸರ್ವೇ ಸಾಮಾನ್ಯ ಎಂಬಂತಾಗಿತ್ತು. ದರ್ಶನ್ ಅವರ ಈ ಚಿತ್ರ ಹಿಟ್ ಆಗುವ ಎಲ್ಲಾ ಸಾಧ್ಯತೆ ಇದೆ. ಈ ಸಿನಿಮಾ ಬಗ್ಗೆ ಫ್ಯಾನ್ಸ್ ಹೆಚ್ಚಿನ ನಿರೀಕ್ಷೆ ಇಟ್ಟುಕೊಂಡಿದ್ದಾರೆ. ಈ ಚಿತ್ರವನ್ನು ಮಿಲನ ಪ್ರಕಾಶ್ ನಿರ್ದೇಶನ ಮಾಡಿದ್ದಾರೆ. ಚಿತ್ರಕ್ಕೆ ಪಾಸಿಟಿವ್ ವಿಮರ್ಶೆಗಳು ಸಿಗುತ್ತಿವೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.