ಭಾವಿ ಪತಿ ಜತೆ ಅದಿತಿ ಪ್ರಭುದೇವ ಹೊಸ ವರ್ಷದ ಸೆಲೆಬ್ರೇಷನ್​; ಫೋಟೋ ವೈರಲ್​

ಅಭಿಮಾನಿಗಳಿಗೆ ಸಣ್ಣ ಸುಳಿವನ್ನೂ ನೀಡದೇ ನಿಶ್ಚಿತಾರ್ಥ ಮಾಡಿಕೊಂಡವರು ನಟಿ ಅದಿತಿ ಪ್ರಭುದೇವ (Aditi Prabhudeva). ಭಾವಿ ಪತಿ ಯಶಸ್​ (Yashas Patla) ಜತೆ ಇರುವ ಕೆಲವು ಫೋಟೋಗಳನ್ನು ಅವರು ಹಂಚಿಕೊಂಡ ಬಳಿಕವೇ ಎಂಗೇಜ್​ಮೆಂಟ್ (Aditi Prabhudeva Engagement)​ ವಿಚಾರ ಜಗಜ್ಜಾಹೀರಾಗಿದ್ದು. ಈಗ ಅವರು ಇನ್ನೊಂದು ಫೋಟೋವನ್ನು ತಮ್ಮ ಇನ್​ಸ್ಟಾಗ್ರಾಮ್​ ಸ್ಟೋರಿಯಲ್ಲಿ ಹಂಚಿಕೊಂಡಿದ್ದಾರೆ. ಆ ಮೂಲಕ ಎಲ್ಲರಿಗೂ ಹೊಸ ವರ್ಷದ ಶುಭಕೋರಿದ್ದಾರೆ. ಆ ಫೋಟೋ ಕೂಡ ಅಭಿಮಾನಿಗಳ ವಲಯದಲ್ಲಿ ವೈರಲ್​ ಆಗುತ್ತಿವೆ. ಹೊಸ ಜೀವನಕ್ಕೆ ಕಾಲಿಡಲು ಸಜ್ಜಾಗಿರುವ ಈ ಜೋಡಿಗೆ ಎಲ್ಲರೂ ವಿಶ್​ ಮಾಡುತ್ತಿದ್ದಾರೆ.

ಹಲವು ಸಿನಿಮಾಗಳಲ್ಲಿ ಅದಿತಿ ಪ್ರಭುದೇವ ಬ್ಯುಸಿ ಆಗಿದ್ದಾರೆ. ಈ ನಡುವೆಯೇ ಅವರು ನಿಶ್ಚಿತಾರ್ಥ ಮಾಡಿಕೊಂಡಿರುವುದು ಎಲ್ಲರಿಗೂ ಅಚ್ಚರಿ ಮೂಡಿಸಿರುವುದಂತೂ ನಿಜ. ಇಷ್ಟು ದಿನ ಈ ಬಗ್ಗೆ ರಹಸ್ಯ ಕಾಯ್ದುಕೊಂಡಿದ್ದ ಅವರು ಈಗ ಫೋಟೋಗಳ ಮೂಲಕ ವಿಷಯ ಹಂಚಿಕೊಳ್ಳುತ್ತಿದ್ದಾರೆ. ಉದ್ಯಮಿ ಮತ್ತು ಕಾಫಿ ಪ್ಲಾಂಟರ್​ ಆಗಿರುವ ಯಶಸ್​ ಜತೆ ಅದಿತಿ ಪ್ರಭುದೇವ ಬಾಳ ಪಯಣ ಸಾಗುತ್ತಿದೆ.

ಹಾಸನದ ಸಮೀಪ ಇರುವ ಸಂಬಂಧಿಕರ ಮನೆಯಲ್ಲಿ ಅದಿತಿ ಪ್ರಭುದೇವ-ಯಶಸ್​ ಅವರ ನಿಶ್ಚಿತಾರ್ಥ ನೆರವೇರಿತು. ಚಿತ್ರೀಕರಣದ ಬ್ಯುಸಿ ಶೆಡ್ಯೂಲ್​ ನಡುವೆಯೇ ಈ ಸಮಾರಂಭ ನಡೆದಿದೆ. ಎಂಗೇಜ್​ಮೆಂಟ್​ ಆದ ಕೂಡಲೇ ಅವರು ನೇರವಾಗಿ ಶೂಟಿಂಗ್​ ಸೆಟ್​ಗೆ ತೆರಳಿದರು. ಕೊಡಗು ಮೂಲದ ಯಶಸ್​ ಅವರ ಅನೇಕ ಗುಣಗಳು ಅದಿತಿಗೆ ಮ್ಯಾಚ್​ ಆಗುತ್ತವೆಯಂತೆ. ಆ ಕಾರಣಕ್ಕೆ ಇಬ್ಬರೂ ಜೋಡಿ ಆಗಿದ್ದಾರೆ.

ಅದಿತಿ ಅವರನ್ನು ಮೊದಲು ಇಷ್ಟಪಟ್ಟವರು ಯಶಸ್​. ನಂತರ ಕುಟುಂಬದ ಹಿರಿಯರ ಮೂಲಕ ಅದಿತಿಗೆ ಈ ವಿಷಯ ತಿಳಿಯಿತು. ಎರಡೂ ಕುಟುಂಬದ ಒಪ್ಪಿಗೆ ಮೇರೆಗೆ ನಿಶ್ಚಿತಾರ್ಥ ನಡೆದಿದೆ. ಮದುವೆ ದಿನಾಂಕದ ಬಗ್ಗೆ ಇನ್ನೂ ನಿರ್ಧಾರ ತೆಗೆದುಕೊಂಡಿಲ್ಲ. ಇಲ್ಲಸಲ್ಲದ ಗಾಸಿಪ್​ ಹಬ್ಬುವುದಕ್ಕಿಂತ ಮುನ್ನವೇ ಎಂಗೇಜ್​ಮೆಂಟ್​ ಮಾಡಿಕೊಳ್ಳುವುದು ಸೂಕ್ತ ಎಂಬ ಕಾರಣಕ್ಕೆ ಅದಿತಿ ಮತ್ತು ಯಶಸ್​ ಈ ತೀರ್ಮಾನಕ್ಕೆ ಬಂದಿದ್ದಾರೆ.

ಅದಿತಿ ಪ್ರಭುದೇವ ಕೈಯಲ್ಲಿ ಈಗ ಅನೇಕ ಸಿನಿಮಾಗಳಿವೆ. ಕನ್ನಡ ಚಿತ್ರರಂಗದಲ್ಲಿ ಅವರು ಬಹುಬೇಡಿಕೆಯ ನಟಿಯಾಗಿ ಗುರುತಿಸಿಕೊಂಡಿದ್ದಾರೆ. ತೋತಾಪುರಿ, ಒಂಭತ್ತನೇ ದಿಕ್ಕು, ಗಜಾನನ ಆ್ಯಂಡ್​ ಗ್ಯಾಂಗ್​, ಓಲ್ಡ್​ ಮಾಂಕ್​ ಸೇರಿದಂತೆ ಹಲವು ಸಿನಿಮಾಗಳು ಬಿಡುಗಡೆಗೆ ಸಜ್ಜಾಗಿವೆ. ಮಾಫಿಯಾ, 5ಡಿ, ತ್ರಿಬಲ್​ ರೈಡಿಂಗ್​ ಸೇರಿದಂತೆ ಅನೇಕ ಚಿತ್ರಗಳಲ್ಲಿ ಅದಿತಿ ನಟಿಸುತ್ತಿದ್ದಾರೆ. ಅವರ ಸಿನಿಮಾ ಜರ್ನಿಗೆ ಯಶಸ್​ ಮತ್ತು ಅವರ ಕುಟುಂಬದವರು ಬೆಂಬಲವಾಗಿ ನಿಂತಿದ್ದಾರೆ.

ಇದನ್ನೂ ಓದಿ:

ಆ ಸಿನಿಮಾ ನೋಡದೆಯೂ ಅದಿತಿಗೆ ಫ್ಯಾನ್​ ಆದ ಮೇಘನಾ ರಾಜ್ ಸರ್ಜಾ​; ಯಾವುದು ಆ ಚಿತ್ರ?

ಗುಟ್ಟಾಗಿ ಮದುವೆ ಆದ ಸೀರಿಯಲ್​ ನಟ; ಫೋಟೋ ವೈರಲ್​ ಆದ ಬಳಿಕ ಅಚ್ಚರಿಪಟ್ಟ ಫ್ಯಾನ್ಸ್​