KGF 2 Collection: ಯಶ್​ ಅಬ್ಬರಕ್ಕೆ ಹಿಂದಿ ಮಾರ್ಕೆಟ್​ ಕಂಗಾಲು; 4 ದಿನಕ್ಕೆ ಬಾಲಿವುಡ್​ನಲ್ಲಿ 193 ಕೋಟಿ ರೂ. ಗಳಿಸಿದ ‘ಕೆಜಿಎಫ್​ 2’

‘ಕೆಜಿಎಫ್​: ಚಾಪ್ಟರ್​ 2’ (KGF Chapter 2) ಸಿನಿಮಾ ಸೂಪರ್​ ಹಿಟ್​ ಆಗುತ್ತದೆ ಎಂಬುದು ಎಲ್ಲರಿಗೂ ಗೊತ್ತಿತ್ತು. ಆದರೆ ಸುನಾಮಿಯ ರೀತಿಯಲ್ಲಿ ಬಾಕ್ಸ್​ ಆಫೀಸ್​ ಮೇಲೆ ದಾಳಿ ಮಾಡಲಿದೆ ಎಂದು ಹಿಂದಿ ಚಿತ್ರರಂಗದ ಅನೇಕರು ಊಹಿಸಿರಲಿಕ್ಕಿಲ್ಲ. ಅಂಥ ಆರ್ಭಟವನ್ನೇ ಮಾಡುತ್ತಿದೆ ‘ಕೆಜಿಎಫ್​ 2’ (KGF 2 )ಸಿನಿಮಾ. ಗುರುವಾರ (ಏ.14) ಬಿಡುಗಡೆ ಆದ ಈ ಸಿನಿಮಾ ಹಿಂದಿ ಮಾರುಕಟ್ಟೆಯಲ್ಲಿ ಸತತ ನಾಲ್ಕು ದಿನ ಧೂಳೆಬ್ಬಿಸಿದೆ. ಅದರ ಪರಿಣಾಮವಾಗಿ ಬರೋಬ್ಬರಿ 193.99 ಕೋಟಿ ರೂಪಾಯಿ ಕಲೆಕ್ಷನ್​ ಆಗಿದೆ. ಮೂಲ ಹಿಂದಿ ಸಿನಿಮಾಗಳೇ ಇಂಥ ರೆಕಾರ್ಡ್​ ಮಾಡಲು ಒಡ್ಡಾಡುತ್ತಿರುವಾಗ ಒಂದು ಡಬ್ಬಿಂಗ್​ ಸಿನಿಮಾ ಈ ರೀತಿ ಭೋರ್ಗರೆಯುತ್ತಿರುವುದು ಬಾಲಿವುಡ್​ ಮಂದಿಯನ್ನು ಕಂಗಾಲಾಗಿಸಿದೆ. ಹಿಂದಿ ಚಿತ್ರರಂಗದ ಸ್ಟಾರ್​ ನಟರು ‘ಕೆಜಿಎಫ್​ 2’ ಚಿತ್ರದ ಈ ಗಲ್ಲಾಪೆಟ್ಟಿಗೆ (KGF 2 Hindi Box Office Collection) ಸಾಧನೆಯನ್ನು ಕಣ್ಣರಳಿಸಿ ನೋಡುತ್ತಿದ್ದಾರೆ. ಯಶ್​ ಅಭಿಮಾನಿಗಳು ಹಿರಿಹಿರಿ ಹಿಗ್ಗುತ್ತಿದ್ದಾರೆ.

‘ಕೆಜಿಎಫ್​ 2’ ಸಿನಿಮಾದ ಬಾಲಿವುಡ್​ ಬಿಸ್ನೆಸ್​ ಬಗ್ಗೆ ಟ್ರೇಡ್​ ಅನಲಿಸ್ಟ್​ ತರಣ್​ ಆದರ್ಶ್​ ಅವರು ಮಾಹಿತಿ ಹಂಚಿಕೊಂಡಿದ್ದಾರೆ. ಹಿಂದಿ ಬಾಕ್ಸ್​ ಆಫೀಸ್​ನಲ್ಲಿ ಮೊದಲ ದಿನ 53.95 ಕೋಟಿ ರೂಪಾಯಿ, ಎರಡನೇ ದಿನ 46.79 ಕೋಟಿ ರೂಪಾಯಿ, ಮೂರನೇ ದಿನ 42.90 ಕೋಟಿ ರೂಪಾಯಿ ಹಾಗೂ ನಾಲ್ಕನೇ ದಿನ 50.35 ಕೋಟಿ ರೂಪಾಯಿ ಕಲೆಕ್ಷನ್​ ಆಗಿದೆ ಎಂದು ಅವರು ಲೆಕ್ಕ ನೀಡಿದ್ದಾರೆ. ‘ಕೆಜಿಎಫ್​ 2 ಸಿನಿಮಾ ಮತ್ತೆ ಮತ್ತೆ ದಾಖಲೆಗಳನ್ನು ಮಾಡುತ್ತಿದೆ. ರೆಕಾರ್ಡ್​ ಪುಸ್ತಕವನ್ನು ಹೊಸದಾಗಿ ಬರೆಯುತ್ತಿದೆ’ ಎಂದು ಅವರು ಟ್ವೀಟ್​ ಮಾಡಿದ್ದಾರೆ.

R#KGF2 CREATES HISTORY AGAIN… FASTEST TO ENTER ₹ 200 CR CLUB… ⭐ #KGFChapter2: Will cross ₹ 200 cr today [Mon, Day 5] ⭐ #Baahubali2: Day 6#KGF2 is REWRITING RECORD BOOKS… Thu 53.95 cr, Fri 46.79 cr, Sat 42.90 cr, Sun 50.35 cr. Total: ₹ 193.99 cr. #India biz. #Hindi. pic.twitter.com/ysKnW2zIuV

— taran adarsh (@taran_adarsh) April 18, 2022

ನಾಲ್ಕು ದಿನ ಕಳೆದ ಬಳಿಕವೂ ‘ಕೆಜಿಎಫ್​: ಚಾಪ್ಟರ್​ 2’ ಹವಾ ಕಿಂಚಿತ್ತೂ ಕಡಿಮೆ ಆಗಿಲ್ಲ. ಸೋಮವಾರ ಕೂಡ ಬಹುತೇಕ ಎಲ್ಲ ಕಡೆಗಳಲ್ಲಿ ಈ ಸಿನಿಮಾ ಹೌಸ್​ಫುಲ್​ ಪ್ರದರ್ಶನ ಕಾಣುತ್ತಿದೆ. ದಿನದಿಂದ ದಿನಕ್ಕೆ ಚಿತ್ರದ ಮೇಲಿನ ಕ್ರೇಜ್​ ಹೆಚ್ಚುತ್ತಿದೆ. ಫ್ಯಾಮಿಲಿ ಆಡಿಯನ್ಸ್​ ಕೂಡ ಮುಗಿಬಿದ್ದು ಈ ಚಿತ್ರ ನೋಡುತ್ತಿದ್ದಾರೆ. ಸಿನಿಮಾದಲ್ಲಿನ ಅನೇಕ ಅಂಶಗಳು ಜನರಿಗೆ ಇಷ್ಟ ಆಗಿವೆ. ಅದ್ದೂರಿ ಮೇಕಿಂಗ್​, ಮೈನವಿರೇಳಿಸುವ ಆ್ಯಕ್ಷನ್, ತಾಯಿ ಸೆಂಟಿಮೆಂಟ್​ ದೃಶ್ಯ, ಮಾಸ್ ಡೈಲಾಗ್​, ಯಶ್​ ಅವರ ನಟನೆ, ಹಿನ್ನೆಲೆ ಸಂಗೀತ ಸೇರಿದಂತೆ ಹಲವು ಅಂಶಗಳಿಗೆ ಪ್ರೇಕ್ಷಕರು ಫಿದಾ ಆಗಿದ್ದಾರೆ.

ಹಿಂದಿ ಮಾರುಕಟ್ಟೆಯಲ್ಲಿ ‘ಕೆಜಿಎಫ್​ 2’ ಚಿತ್ರದ ಕಲೆಕ್ಷನ್​ ಸೋಮವಾರ (ಏ.18) ಮುಂಜಾನೆಗೆ 200 ಕೋಟಿ ರೂಪಾಯಿ ಗಡಿ ಮುಟ್ಟಿದೆ. ಸೋಮವಾರದ ಪೂರ್ತಿ ಕಲೆಕ್ಷನ್​ ಸೇರಿಸಿದರೆ 238ರಿಂದ 240 ಕೋಟಿ ರೂಪಾಯಿ ಆಗುವ ಸಾಧ್ಯತೆ ಇದೆ. ಆ ಬಗ್ಗೆ ಮಂಗಳವಾರ (ಏ.19) ಪಕ್ಕಾ ಲೆಕ್ಕ ಹೊರಬರಲಿದೆ. ವಿಶ್ವಾದ್ಯಂತ ಎಲ್ಲ ಭಾಷೆಯ ಕಲೆಕ್ಷನ್​ 4 ದಿನಕ್ಕೆ 551 ಕೋಟಿ ರೂಪಾಯಿ ಆಗಿದೆ.

ಇದನ್ನೂ ಓದಿ:

KGF Chapter 2 Collection: ವಿಶ್ವಾದ್ಯಂತ 4 ದಿನಕ್ಕೆ 551 ಕೋಟಿ ರೂ. ಬಾಚಿದ ‘ಕೆಜಿಎಫ್​ 2’; ಹೆಚ್ಚುತ್ತಲೇ ಇದೆ ಯಶ್​ ಟೆರಿಟರಿ

‘ಕೆಜಿಎಫ್​ 2’ಗೆ ಕೆಟ್ಟ ವಿಮರ್ಶೆ ಮಾಡಿ, ಯಶ್​ ಬಗ್ಗೆ ವ್ಯಂಗ್ಯದ ಮಾತಾಡಿದ ‘ದೇಶದ್ರೋಹಿ’ ನಟ:​ ಸಿಡಿದೆದ್ದ ಫ್ಯಾನ್ಸ್​

Published On - 12:36 pm, Mon, 18 April 22