ಸಿನಿಮಾಗೆ ಸೂಕ್ತ ಟೈಟಲ್​ ನೀಡುವವರಿಗೆ ನಗದು ಬಹುಮಾನ ಘೋಷಿಸಿದ ಚಿತ್ರತಂಡ

ಕನ್ನಡ ಚಿತ್ರರಂಗದಲ್ಲಿ (Kannada Film Industry) ಹೊಸ ಹೊಸ ಪ್ರಯೋಗಗಳು, ಪ್ರಯತ್ನಗಳು ನಡೆಯುತ್ತಲೇ ಇರುತ್ತವೆ. ಟೈಟಲ್​ ಮೂಲಕವೇ ಗಮನ ಸೆಳೆದ ಅನೇಕ ಸಿನಿಮಾಗಳಿವೆ. ಪ್ರತಿ ಚಿತ್ರಕ್ಕೆ ಶೀರ್ಷಿಕೆ ತುಂಬ ಮುಖ್ಯ ಆಗುತ್ತದೆ. ಕಥೆಗೆ ಸೂಕ್ತವಾಗಿ ಹೊಂದಿಕೆ ಆಗುವಂತಹ ಟೈಟಲ್​ ಸಲುವಾಗಿ ಜಗಳಗಳು ನಡೆದ ಉದಾಹರಣೆ ಕೂಡ ಚಂದನವನದಲ್ಲಿ (Sandalwood) ಇದೆ. ಹಾಗಾಗಿ ಸಿನಿಮಾಗೆ ಶೀರ್ಷಿಕೆ ಆಯ್ಕೆ ಮಾಡುವಾಗ ಪ್ರತಿ ತಂಡಗಳು ಕೂಡ ಸಾಕಷ್ಟು ಕಾಳಜಿ ವಹಿಸುತ್ತವೆ. ಈಗ ಇಲ್ಲೊಂದು ಹೊಸ ಸಿನಿಮಾ ಟೀಮ್​ ಟೈಟಲ್​ಗಾಗಿ ಹುಡುಕಾಟ ನಡೆಸಿದೆ. ಪ್ರೇಕ್ಷಕರೇ ಸೂಕ್ತ ಶೀರ್ಷಿಕೆ (Cinema Title) ಸೂಚಿಸಲಿ ಎಂದು ಕೇಳಲಾಗಿದೆ. ಒಂದು ಪೋಸ್ಟರ್​ ಮೂಲಕ ಕೌತುಕ ಹುಟ್ಟಿಸಲಾಗಿದೆ. ಅದನ್ನು ನೋಡಿ ಸರಿಯಾದ ಟೈಟಲ್​ ಸೂಚಿಸುವವರಿಗೆ ನಗದು ಬಹುಮಾನ ನೀಡುವುದಾಗಿಯೂ ಚಿತ್ರತಂಡ ಹೇಳಿಕೊಂಡಿದೆ.

‘ಸ್ಟಾಕರ್’ ಸಿನಿಮಾಗೆ ಬಂಡವಾಳ ಹೂಡಿದ್ದ ಎಸ್‌ಎಂಎಲ್ ಪ್ರೊಡಕ್ಷನ್ ಸಂಸ್ಥೆಯಿಂದ ಈಗ 2ನೇ ಚಿತ್ರಕ್ಕಾಗಿ ಸಕಲ ತಯಾರಿ ನಡೆದಿದೆ. ಈ ಪ್ರಾಜೆಕ್ಟ್​ಗೆ ತಾತ್ಕಾಲಿಕವಾಗಿ ‘ಪ್ರೊಡಕ್ಷನ್ ನಂ.2’ ಎಂದು ಕರೆಯಲಾಗುತ್ತಿದೆ. ಈ ಸಿನಿಮಾಗೆ ಹೆಸರನ್ನು ಸೂಚಿಸಲು ಸಿನಿಪ್ರಿಯರಿಗೆ ಅವಕಾಶ ನೀಡಲಾಗಿದೆ. ಸೂಕ್ತ ಶೀರ್ಷಿಕೆ ನೀಡಿದವರಿಗೆ 21 ಸಾವಿರ ರೂಪಾಯಿ ಬಹುಮಾನ ನೀಡುವುದಾಗಿ ಹೇಳಿಕೊಂಡಿದೆ. ಇದಕ್ಕಾಗಿ ಫಸ್ಟ್ ಲುಕ್ ಪೋಸ್ಟರ್‌ ರಿಲೀಸ್​ ಮಾಡಲಾಗಿದೆ.

ಈ ಸಿನಿಮಾದ ಮುಖ್ಯ ಪಾತ್ರದಲ್ಲಿ ರಮೇಶ್ ನಟಿಸಲಿದ್ದಾರೆ. ಹೇಮಂತ್ ನಿರ್ದೇಶನ, ಸುಧೀರ್ ಛಾಯಾಗ್ರಹಣ ಮಾಡಲಿದ್ದಾರೆ. ‘10 ಅರ್ಥಪೂರ್ಣ ಹೆಸರು ನೀಡಿದವರಿಗೆ ಸಿನಿಮಾದಲ್ಲಿ ಅವಕಾಶ ನೀಡಲಾಗುವುದು. ಕನ್ನಡ, ತೆಲುಗು ಮತ್ತು ಹಿಂದಿಯಲ್ಲಿ ಸಿದ್ಧಗೊಳ್ಳುತ್ತಿರುವುದರಿಂದ 3 ಭಾಷೆಗೆ ಹೊಂದುವಂತೆ ಟೈಟಲ್ ಇರತಕ್ಕದು ಹಾಗೂ ಸಣ್ಣದೊಂದು ವಿವರಣೆ ನೀಡಬೇಕು. ಒಂದೇ ಶೀರ್ಷಿಕೆಯನ್ನು ಹೆಚ್ಚು ಜನ ನೀಡಿದಲ್ಲಿ ಲಾಟರಿ ಮೂಲಕ ಆಯ್ಕೆ ಮಾಡಲಾಗುವುದು. ಸೆಲೆಬ್ರಿಟಿಗಳು ಲಾಟರಿ ತೆಗೆದು ಹೆಸರನ್ನು ಹೇಳುವರು. ಹೆಚ್ಚಿನ ವಿವರಗಳಿಗೆ www.smlproductions.com, sml productions Facebook page, info@smlproductions.com ಅಥವಾ ಮೊಬೈಲ್ ಸಂಖ್ಯೆ 8867579595 ಗೆ ಕರೆ ಮಾಡಿ ಮಾಹಿತಿ ತಿಳಿಯಬಹುದು’ ಎಂದು ಚಿತ್ರತಂಡ ತಿಳಿಸಿದೆ.

ಇದನ್ನೂ ಓದಿ

Kantara: ಧೂಳೆಬ್ಬಿಸಿದ ‘ಕಾಂತಾರ’ ಟ್ರೇಲರ್​; ಹೇಗಿದೆ ರಿಷಬ್​ ಶೆಟ್ಟಿ-ಕಿಶೋರ್​ ಮುಖಾಮುಖಿ?

ಮಲ್ಟಿಪ್ಲೆಕ್ಸ್​ನಲ್ಲಿ ಸಿನಿಮಾ ಟಿಕೆಟ್​ ಬೆಲೆ 75 ರೂಪಾಯಿ ಮಾತ್ರ; ವಿಶೇಷ ದಿನಕ್ಕೆ ಇಲ್ಲಿದೆ ಮಸ್ತ್​ ಆಫರ್​

Sai Pallavi: ಚಿತ್ರಮಂದಿರದಲ್ಲಿ ಸೋತ ಸಾಯಿ ಪಲ್ಲವಿ ನಟನೆಯ ‘ಗಾರ್ಗಿ’ ಚಿತ್ರಕ್ಕೆ ಈಗ ಅಂತಾರಾಷ್ಟ್ರೀಯ ಮನ್ನಣೆ

Kannadathi Serial: ಕನ್ನಡಿಗರಿಗೆ ಟಾಸ್ಕ್ ಕೊಟ್ಟ ಕನ್ನಡತಿ ಧಾರಾವಾಹಿ ಖ್ಯಾತಿಯ ರಂಜನಿ ರಾಘವನ್

ಈ ಸಿನಿಮಾ ತಂಡದವರು ಹಂಚಿಕೊಂಡಿರುವ ಪೋಸ್ಟರ್​ ಗಮನ ಸೆಳೆಯುತ್ತಿದೆ. ಕತ್ತಲೆಯ ಹಿನ್ನೆಲೆಯಲ್ಲಿ ಹೀರೋ ನಿಂತಿದ್ದಾನೆ. ಕ್ಯಾಮೆರಾಗೆ ಬೆನ್ನು ತೋರಿಸಿ ನಿಂತಿರುವ ಆತನ ಕೈಯಲ್ಲಿ ಕತ್ತಿ ಇದೆ. ಆ ಕತ್ತಿಯಿಂದ ರಕ್ತ ಸುರಿಯುತ್ತಿದೆ. ಕಪ್ಪು ಬಿಳುಪಿನ ಪೋಸ್ಟರ್​ನಲ್ಲಿ ರಕ್ತ ಮಾತ್ರ ಕೆಂಪಾಗಿ ಹೈಲೈಟ್​ ಆಗಿದೆ. ಅಂತಿಮವಾಗಿ ಈ ಚಿತ್ರಕ್ಕೆ ಯಾವ ಟೈಟಲ್​ ಆಯ್ಕೆ ಆಗಲಿದೆ ಎಂಬುದನ್ನು ತಿಳಿಯುವ ಕೌತುಕ ಮೂಡಿದೆ.

ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.

Published On - 7:37 pm, Mon, 5 September 22