‘ಮಾರ್ಚ್​ 16ರ ಮಧ್ಯರಾತ್ರಿ ನಾನು ಊರಲ್ಲಿ ಇರಲ್ಲ’; ವೈರಲ್​ ಆಯ್ತು ಅಪ್ಪು ಹಳೇ ವಿಡಿಯೋ

ಪುನೀತ್​ ರಾಜ್​ಕುಮಾರ್ (Puneeth Rajkumar) ಅವರನ್ನು ನಾವು ಕಳೆದುಕೊಂಡಿದ್ದೇವೆ. ಅವರು ಮತ್ತೆ ಮರಳುವುದಿಲ್ಲ ಎನ್ನುವ ಕಟುಸತ್ಯವನ್ನು ನಾವು ಒಪ್ಪಿಕೊಳ್ಳಲೇ ಬೇಕಿದೆ. ಅವರ ಹುಟ್ಟುಹಬ್ಬವನ್ನು (Puneeth Birthday) ಮಾರ್ಚ್​ 17ರಂದು ಅಭಿಮಾನಿಗಳು ನೋವಿನಲ್ಲೇ ಆಚರಿಸುತ್ತಿದ್ದಾರೆ. ಹಲವು ಸಾಮಾಜಿಕ ಕೆಲಸಗಳನ್ನು ಮಾಡೋಕೆ ಅಭಿಮಾನಿಗಳು ಭರದ ಸಿದ್ಧತೆ ಮಾಡಿಕೊಂಡಿದ್ದಾರೆ. ಈ ಮಧ್ಯೆ ಅಪ್ಪು ಕುರಿತ ಹಲವು ಹಳೆಯ ವಿಡಿಯೋಗಳು ವೈರಲ್ ಆಗುತ್ತಿವೆ. ಬರ್ತ್​ಡೇ ದಿನ ಫ್ಯಾನ್ಸ್​ಗೆ ಅಪ್ಪು ನೀಡಿದ್ದ ಸಂದೇಶದ ವಿಡಿಯೋ ಒಂದು ಈಗ ಮತ್ತೆ ಹರಿದಾಡುತ್ತಿದ್ದು, ಅಭಿಮಾನಿಗಳ ನೋವನ್ನು ಹೆಚ್ಚು ಮಾಡಿದೆ.

ಬೆಂಗಳೂರಿನ ಸದಾಶಿವ ನಗರದಲ್ಲಿ ಪುನೀತ್​ ರಾಜ್​ಕುಮಾರ್ ಅವರ ನಿವಾಸ ಇದೆ. ಪ್ರತಿ ವರ್ಷ ಮಾರ್ಚ್​ 16ರ ರಾತ್ರಿ ಅಭಿಮಾನಿಗಳು ಇಲ್ಲಿಗೆ ಆಗಮಿಸುತ್ತಿದ್ದರು. ಅಭಿಮಾನಿಗಳು ಮಧ್ಯರಾತ್ರಿವರೆಗೂ ಅಲ್ಲಿಯೇ ಇದ್ದು, ಪುನೀತ್​ ಜತೆ ಕೇಕ್​ ಕತ್ತರಿಸುತ್ತಿದ್ದರು. ಆದರೆ, ಈ ಬಾರಿ ಪುನೀತ್​ ಜತೆ ಬರ್ತ್​ಡೇ ಆಚರಿಸಿಕೊಳ್ಳೋಕೆ ಅವರು ನಮ್ಮ ಜತೆ ಇಲ್ಲ. ಈಗ ಪುನೀತ್​ ಮನೆಯ ಬಳಿ ಬರಬೇಡಿ ಎಂಬ ಹಳೇ ವಿಡಿಯೋ ವೈರಲ್​ ಆಗಿದೆ.

‘ಮಾರ್ಚ್​ 16ರ ಮಧ್ಯರಾತ್ರಿ ಯಾರೂ ಮನೆ ಸಮೀಪ ಬರಬೇಡಿ. ನಾನು ಊರಲ್ಲಿ ಇರುವುದಿಲ್ಲ. ಮಾರ್ಚ್​ 17ರ ಬೆಳಗ್ಗೆ ಬರುತ್ತೇನೆ’ ಎಂದು ಪುನೀತ್​ ರಾಜ್​ಕುಮಾರ್ ಹೇಳಿದ್ದರು. ಪುನೀತ್​ ಮಾತನಾಡಿದ ವಿಡಿಯೋ ಕೊನೆಯಲ್ಲಿ ಅಭಿಮಾನಿಗಳು ಕಣ್ಣೀರು ಇಡುವುದನ್ನು ಸೇರಿಸಲಾಗಿದೆ.

View this post on Instagram

A post shared by Allu Raghu (@allu__raghu)

ವಾಯ್ಸ್​ ನೋಟ್​ ವೈರಲ್​:

ಚೇತನ್​ ಕುಮಾರ್  ನಿರ್ದೇಶನದ ‘ಜೇಮ್ಸ್​’ ಸಿನಿಮಾ ಬಗ್ಗೆ ಪುನೀತ್​ ರಾಜ್​ಕುಮಾರ್​ ಅಪಾರ ನಿರೀಕ್ಷೆ ಇಟ್ಟುಕೊಂಡಿದ್ದರು. ಈ ಸಿನಿಮಾದಲ್ಲಿ ಸಖತ್​ ಆ್ಯಕ್ಷನ್ ದೃಶ್ಯಗಳಲ್ಲಿ ಅವರು ಕಾಣಿಸಿಕೊಂಡಿದ್ದಾರೆ ಎನ್ನಲಾಗಿದೆ. ಇದೇ ಮೊದಲ ಬಾರಿಗೆ ಪುನೀತ್ ಸೈನಿಕನ ಗೆಟಪ್​ನಲ್ಲಿ ಕಾಣಿಸಿಕೊಂಡಿದ್ದರು. ಈ ಚಿತ್ರಕ್ಕೆ ರವಿ ವರ್ಮ ಸ್ಟಂಟ್​ ಡೈರೆಕ್ಟರ್​. ಶೂಟಿಂಗ್​ ಸಂದರ್ಭದಲ್ಲಿ ಈ ಸಿನಿಮಾದ ಆ್ಯಕ್ಷನ್​ ದೃಶ್ಯ ನೋಡಿ ಪುನೀತ್​ ಸಖತ್​ ಖುಷಿ ಆಗಿದ್ದರು. ಈ ಬಗ್ಗೆ ರವಿವರ್ಮ ಅವರಿಗೆ ಅಪ್ಪು ವಾಯ್ಸ್​ನೋಟ್​ ಕಳಿಸಿದ್ದರು. ಅದು​ ಈಗ ಸಖತ್​ ವೈರಲ್​ ಆಗುತ್ತಿದೆ. ‘ಮಾಸ್ಟರ್​ ಸೂಪರ್ ಆಗಿದೆ. ಸೌಂಡ್​ ಎಫೆಕ್ಟ್​ ಸಿಕ್ಕರೆ ಇನ್ನೂ ಸಖತ್​ ಆಗಿ ಕಾಣುತ್ತದೆ. ಒಳ್ಳೆಯ ಕೆಲಸ. ಚೇಸಿಂಗ್​ ಸ್ಟೈಲ್​ ಅದ್ಭುತವಾಗಿ ಬಂದಿದೆ. ಗ್ರಾಫಿಕ್ಸ್​ ಆದ್ಮೇಲೆ ಇನ್ನೂ ಚೆನ್ನಾಗಿ’ ಕಾಣುತ್ತದೆ ಎಂದು ಪುನೀತ್​​ ಹೇಳಿದ್ದರು. ಈ ಸಿನಿಮಾ ಮಾರ್ಚ್​ 17ರಂದು ತೆರೆಗೆ ಬರುತ್ತಿದೆ.

ಇದನ್ನೂ ಓದಿ: ಪುನೀತ್​ ರಾಜ್​ಕುಮಾರ್​ ಜನ್ಮದಿನದ ಪ್ರಯುಕ್ತ 202 ಕಿ.ಮೀ. ಸೈಕಲ್​ ಜಾಥಾ ಹೊರಟ ಅಪ್ಪು ಫ್ಯಾನ್ಸ್​

ಹೆಲ್ಮೆಟ್​ ಜಾಗೃತಿ: ಪುನೀತ್​ ರಾಜ್​ಕುಮಾರ್​ ವಿಡಿಯೋ ನೋಡಿ ಪೊಲೀಸರ ಎದುರು ಅಶ್ವಿನಿ ಭಾವುಕ

Published On - 7:30 pm, Wed, 16 March 22