Rashmika Mandanna: ಜೂನ್ 10 ರಶ್ಮಿಕಾ ಮಂದಣ್ಣ ಪಾಲಿಗೆ ವಿಶೇಷ ದಿನ; ಈಡೇರುತ್ತಿದೆ ಹಲವು ವರ್ಷಗಳ ಕನಸು
‘ಕಿರಿಕ್ ಪಾರ್ಟಿ’ ಸಿನಿಮಾದಿಂದ ರಶ್ಮಿಕಾ ಕರ್ನಾಟಕ ಕ್ರಶ್ ಆದರು. ಆ ಬಳಿಕ ಅವರು ಹೆಜ್ಜೆ ಹಾಕಿದ್ದು ಟಾಲಿವುಡ್ನತ್ತ. ಅಲ್ಲಿಗೆ ಅವರು ಸುಮ್ಮನಾಗಲಿಲ್ಲ. ಕಾಲಿವುಡ್ನತ್ತ ರಶ್ಮಿಕಾ ಹೆಜ್ಜೆ ಹಾಕಿದರು. ಈಗ ಅವರು ಬಾಲಿವುಡ್ಗೂ ಕಾಲಿಟ್ಟಿದ್ದು, ಸಿನಿಮಾ ರಿಲೀಸ್ಗಾಗಿ ಕಾಯುತ್ತಿದ್ದಾರೆ.
Updated on: Mar 09, 2022 | 1:40 PM
ನಟಿ ರಶ್ಮಿಕಾ ಮಂದಣ್ಣ (Rashmika Mandanna) ಅವರು ಚಿತ್ರರಂಗದಲ್ಲಿ (Cinema Industry) ಸಾಕಷ್ಟು ಬೇಡಿಕೆ ಸೃಷ್ಟಿಮಾಡಿಕೊಂಡಿದ್ದಾರೆ. ಅವರಿಗೆ ದೊಡ್ಡ ಅಭಿಮಾನಿ ಬಳಗ ಇದೆ. ‘ಪುಷ್ಪ’ ಸಿನಿಮಾ (Pushpa Movie) ಯಶಸ್ಸಿನ ನಂತರ ಅವರಿಗೆ ಡಿಮ್ಯಾಂಡ್ ಹೆಚ್ಚಿದೆ. ಅವರ ಅಭಿಮಾನಿ ಬಳಗ ಕೂಡ ದೊಡ್ಡದಾಗಿದೆ. ಈಗ ರಶ್ಮಿಕಾ ಮಂದಣ್ಣ ಪಾಲಿಗೆ ಮುಂಬರುವ ಜೂನ್ ತಿಂಗಳು ವಿಶೇಷವಾಗಿರಲಿದೆ. ಈ ದಿನಕ್ಕಾಗಿ ಅವರು ಹಲವು ವರ್ಷಗಳಿಂದ ಕಾಯುತ್ತಿದ್ದರು. ಅವರ ಕನಸು ಈಡೇರುವ ದಿನ ಹತ್ತಿರವಾಗಿದೆ. ಹಾಗಾದರೆ, ಜೂನ್ ತಿಂಗಳು ರಶ್ಮಿಕಾ ಪಾಲಿಗೆ ಏಕೆ ವಿಶೇಷವಾಗಿರಲಿದೆ? ಆ ಪ್ರಶ್ನೆಗೆ ಇಲ್ಲಿದೆ ಉತ್ತರ.
‘ಕಿರಿಕ್ ಪಾರ್ಟಿ’ ಸಿನಿಮಾದಿಂದ ರಶ್ಮಿಕಾ ಕರ್ನಾಟಕ ಕ್ರಶ್ ಆದರು. ಆ ಬಳಿಕ ಅವರು ಹೆಜ್ಜೆ ಹಾಕಿದ್ದು ಟಾಲಿವುಡ್ನತ್ತ. ಅಲ್ಲಿಗೆ ಅವರು ಸುಮ್ಮನಾಗಲಿಲ್ಲ. ಕಾಲಿವುಡ್ನತ್ತ ರಶ್ಮಿಕಾ ಹೆಜ್ಜೆ ಹಾಕಿದರು. ಈಗ ಅವರು ಬಾಲಿವುಡ್ಗೂ ಕಾಲಿಟ್ಟಿದ್ದು, ಸಿನಿಮಾ ರಿಲೀಸ್ಗಾಗಿ ಕಾಯುತ್ತಿದ್ದಾರೆ. ಸಾಕಷ್ಟು ಹೀರೋ/ಹೀರೋಯಿನ್ಗಳಿಗೆ ಬಾಲಿವುಡ್ನಲ್ಲಿ ಮಿಂಚಬೇಕು ಎಂಬ ಕನಸು ಇರುತ್ತದೆ. ಇದು ಅನೇಕ ಪಾಲಿಗೆ ಕನಸಾಗಿಯೇ ಇರುತ್ತದೆ. ಆದರೆ, ರಶ್ಮಿಕಾ ಜೀವನದಲ್ಲಿ ಈ ಕನಸು ನನಸಾಗುತ್ತಿದೆ. ಅವರ ನಟನೆಯ ಮೊದಲ ಬಾಲಿವುಡ್ ಚಿತ್ರ ‘ಮಿಷನ್ ಮಜ್ನು’ ರಿಲೀಸ್ ದಿನಾಂಕ ಘೋಷಣೆ ಆಗಿದ್ದು, ಜೂನ್ 10ರಂದು ಸಿನಿಮಾ ತೆರೆಗೆ ಬರುತ್ತಿದೆ. ಈ ಕಾರಣಕ್ಕೆ ಅವರ ಪಾಲಿಗೆ ಈ ದಿನ ವಿಶೇಷವಾಗಲಿದೆ.
‘ಪುಷ್ಪ’ ಸಿನಿಮಾ ಹಿಂದಿಗೆ ಡಬ್ ಆಗಿ ತೆರೆಕಂಡು 100 ಕೋಟಿ ಬಾಚಿಕೊಂಡಿದೆ. ಇದರಿಂದ ರಶ್ಮಿಕಾಗೆ ಹಿಂದಿ ಚಿತ್ರರಂಗದಲ್ಲಿ ಬೇಡಿಕೆ ಹೆಚ್ಚಿದೆ. ಅವರ ಮೊದಲ ಬಾಲಿವುಡ್ ಸಿನಿಮಾ ಕಣ್ತುಂಬಿಕೊಳ್ಳೋಕೆ ಅಭಿಮಾನಿಗಳು ಕಾದಿದ್ದಾರೆ. ರಶ್ಮಿಕಾ ಕೂಡ ಸಖತ್ ಎಗ್ಸೈಟ್ ಆಗಿದ್ದಾರೆ. ಈ ಚಿತ್ರದ ಮೂಲಕ ಬಾಲಿವುಡ್ನಲ್ಲಿ ರಶ್ಮಿಕಾ ಖಾತೆ ತೆರೆಯಲಿದ್ದಾರೆ. ಇದಲ್ಲದೆ, ಅಮಿತಾಭ್ ಬಚ್ಚನ್ ನಟನೆಯ ‘ಗುಡ್ ಬೈ’ ಸಿನಿಮಾದಲ್ಲೂ ರಶ್ಮಿಕಾ ನಟಿಸುತ್ತಿದ್ದು, ಈ ಚಿತ್ರದ ರಿಲೀಸ್ ದಿನಾಂಕ ಇನ್ನಷ್ಟೇ ಘೋಷಣೆ ಆಗಬೇಕಿದೆ.
A mission that will make every Indian proud! Get ready to experience an untold chapter of our history, #MissionMajnu releasing on 10th June 2022 ?@SidMalhotra @RonnieScrewvala #ShantanuBagchi @RSVPMovies #GarimaMehta @Sumit_Batheja #ParveezShaikh pic.twitter.com/9qmrgIx8hE
— Rashmika Mandanna (@iamRashmika) March 9, 2022
‘ಮಿಷನ್ ಮಜ್ನು’ ಸಿನಿಮಾದಲ್ಲಿ ಸಿದ್ದಾರ್ಥ್ ಮಲ್ಹೋತ್ರಾಗೆ ಜತೆಯಾಗಿ ರಶ್ಮಿಕಾ ಕಾಣಿಸಿಕೊಂಡಿದ್ದಾರೆ. ಮೊದಲ ಸಿನಿಮಾದಲ್ಲೇ ಸ್ಟಾರ್ ನಟನ ಜತೆ ತೆರೆ ಹಂಚಿಕೊಳ್ಳುವ ಅವಕಾಶ ಅವರಿಗೆ ಸಿಕ್ಕಿದೆ. ಈ ಸಿನಿಮಾದಲ್ಲಿ ಅವರ ಪಾತ್ರ ಹೇಗಿದೆ ಎಂಬ ಕುತೂಹಲ ಸದ್ಯದ್ದು.
ಇದನ್ನೂ ಓದಿ: ರಶ್ಮಿಕಾ ಮಂದಣ್ಣ, ಪೂಜಾ ಬಳಿಕ ಅಲ್ಲು ಅರ್ಜುನ್ ಜತೆ ತೆರೆ ಹಂಚಿಕೊಂಡ ಮತ್ತೋರ್ವ ಕನ್ನಡದ ನಟಿ
‘ದಳಪತಿ’ ವಿಜಯ್ 66ನೇ ಚಿತ್ರಕ್ಕೆ ರಶ್ಮಿಕಾ ನಾಯಕಿ? ಬಾಲಿವುಡ್ ನಟಿಯರನ್ನು ಹಿಂದಿಕ್ಕಿದ ಕೊಡಗಿನ ಹುಡುಗಿ
