ಸಂಚಿತ್​ಗೆ ವೆಲ್​ಕಮ್​ ಟು ‘S’​ ಗ್ರೂಪ್ ಎಂದ ಶಿವಣ್ಣ, ರವಿಚಂದ್ರನ್ ಬೇಸರ; ಪ್ರಿಯಾ ಕೊಟ್ರು ಉತ್ತರ

ಕಿಚ್ಚ ಸುದೀಪ್ (Kichcha Sudeep) ಅಕ್ಕನ ಮಗ ಸಂಚಿತ್ ಸಂಜೀವ್ ಅವರು ಚಿತ್ರರಂಗಕ್ಕೆ ಕಾಲಿಡೋಕೆ ರೆಡಿ ಆಗಿದ್ದಾರೆ. ‘ಜಿಮ್ಮಿ’ ಚಿತ್ರದ ಮೂಲಕ ಅವರು ಪರಿಚಯಗೊಳ್ಳುತ್ತಿದ್ದಾರೆ. ನಟನೆಯ ಜೊತೆಗೆ ನಿರ್ದೇಶನ ಕೂಡ ಅವರದೇ. ಈ ಚಿತ್ರಕ್ಕೆ ಸುದೀಪ್ ಪತ್ನಿ ಪ್ರಿಯಾ ಕೂಡ ನಿರ್ಮಾಪಕಿ. ಈಗಾಗಲೇ ಹೀರೋ ಇಂಟ್ರೋಡಕ್ಷನ್ ಟೀಸರ್ ರಿಲೀಸ್ ಮಾಡಲಾಗಿದೆ. ಇದಕ್ಕಾಗಿ ಅದ್ದೂರಿ ಕಾರ್ಯಕ್ರಮ ಆಯೋಜನೆಗೊಂಡಿತ್ತು. ಈ ಕಾರ್ಯಕ್ರಮಕ್ಕೆ ಶಿವರಾಜ್​ಕುಮಾರ್, ರವಿಚಂದ್ರನ್, ಸುದೀಪ್ (Sudeep) ಆಗಮಿಸಿದ್ದರು. ಸುದೀಪ್ ತಂದೆ-ತಾಯಿ ಕೂಡ ಆಗಮಿಸಿ ಆಶೀರ್ವಾದ ಮಾಡಿದರು. ಈ ಕಾರ್ಯಕ್ರಮದಲ್ಲಿ ಶಿವಣ್ಣ ಆಡಿದ ಮಾತು ಗಮನ ಸೆಳೆಯಿತು. ಇದಕ್ಕೆ ರವಿಚಂದ್ರನ್ ಬೇಸರ ಮಾಡಿಕೊಂಡರು. ಪ್ರಿಯಾ ಸುದೀಪ್ ಸಮಾಧಾನ ಆಗುವಂಥ ಉತ್ತರ ಕೊಟ್ಟರು.

ವೆಲ್​ಕಮ್​ ಟು ಎಸ್ ಗ್ರೂಪ್ ಎಂದ ಶಿವಣ್ಣ

ವೇದಿಕೆ ಏರಿದ ಶಿವರಾಜ್​ಕುಮಾರ್ ಅವರು ಸಂಚಿತ್ ಬಗ್ಗೆ ಮೆಚ್ಚುಗೆಯ ಮಾತುಗಳನ್ನು ಆಡಿದರು. ಸಂಚಿತ್ ಬಗ್ಗೆ ಅವರು ಮೆಚ್ಚುಗೆ ಸೂಚಿಸಿದರು. ಶಿವರಾಜ್​ಕುಮಾರ್, ಸಂಚಿತ್ ಹಾಗೂ ಸುದೀಪ್ ಎಲ್ಲರ ಹೆಸರೂ ಆರಂಭ ಆಗೋದು ‘ಎಸ್​’ನಿಂದ. ಹೀಗಾಗಿ, ‘ವೆಲ್​ಕಮ್​ ಟು ಎಸ್​ ಗ್ರೂಪ್’ ಎಂದರು ಶಿವಣ್ಣ. ಈ ಮಾತಿಗೆ ಸುದೀಪ್ ಮೆಚ್ಚುಗೆ ಸೂಚಿಸಿದರು.

ರವಿಚಂದ್ರನ್ ಏನಂದ್ರು?

‘ಶಿವಣ್ಣ ಹೇಳಿದ್ರು S ಗ್ರೂಪ್ ಅಂತ. R ಮಾತನಾಡೋದು ವೇಸ್ಟ್​. ಸಂಚಿತ್, ಸುದೀಪ್​ ಹೆಸರಲ್ಲಿ ‘ಆರ್​’ ಕೂಡ ಇಲ್ಲ’ ಎಂದರು. ‘ಆರ್​ ಅಕ್ಷರದಲ್ಲಿ ರಾಜ್​ಕುಮಾರ್ ಇದಾರೆ, ಇನ್ನೇನು ಬೇಕು’ ಎಂದರು ಶಿವಣ್ಣ. ಇದಕ್ಕೆ ಸಖತ್ ಚಪ್ಪಾಳೆ, ಸಿಳ್ಳೆ ಬಿತ್ತು.

ಇದನ್ನೂ ಓದಿ: Kichcha Sudeep: ‘K46’ ಟೀಸರ್​ ಬಗ್ಗೆ ದೊಡ್ಡ ಅಪ್​ಡೇಟ್ ನೀಡಿದ ನಟ ಕಿಚ್ಚ ಸುದೀಪ್  

ಪ್ರಿಯಾ ಕೊಟ್ರು ಉತ್ತರ

ಪ್ರಿಯಾ ಅವರು ಸಂಚಿತ್ ಬಗ್ಗೆ ಮಾತನಾಡೋಕೆ ವೇದಿಕೆ ಏರಿದರು. ಈ ವೇಳೆ ಅವರು ‘ಎಸ್​ ಹಾಗೂ ಆರ್’ ಗ್ರೂಪ್ ಬಗ್ಗೆ ಮಾತನಾಡಿದರು. ಈ ಚಿತ್ರ ನಿರ್ಮಾಣ ಆಗುತ್ತಿರುವುದು ‘Supriyanvi Picture Studio’ ಮೂಲಕ. ‘ರವಿಚಂದ್ರನ್ ಅವರೇ Supriyanvi ಅಲ್ಲಿ ಎಸ್ ಹಾಗೂ ಆರ್​ ಎರಡೂ ಇದೆ’ ಎಂದರು. ಪ್ರಿಯಾ ಮಾತಿಗೂ ಎಲ್ಲರೂ ಮೆಚ್ಚುಗೆ ಸೂಚಿಸಿದರು.

ನಿರ್ದೇಶನದ ಜೊತೆ ನಟನೆ

ಲಹರಿ ಫಿಲ್ಸ್ಮ್ಸ್​, ವೇನಸ್ ಎಂಟರ್​ಟೇನರ್ ಹಾಗೂ ಸುಪ್ರಿಯಾನ್ವಿ ಪಿಕ್ಚರ್ ಸ್ಟುಡಿಯೋ ಮೂಲಕ ಈ ಸಿನಿಮಾ ಸಿದ್ಧಗೊಳ್ಳುತ್ತಿದೆ. ಈ ಚಿತ್ರವನ್ನು ನಿರ್ಮಾಣ ಮಾಡುವುದರ ಜೊತೆಗೆ ನಿರ್ದೇಶನವನ್ನೂ ಮಾಡುತ್ತಿದ್ದಾರೆ ಸಂಚಿತ್. ಶೀಘ್ರವೇ ತಂಡದ ಇತರರ ಬಗ್ಗೆ ಮಾಹಿತಿ ಸಿಗಬೇಕಿದೆ.

ಇನ್ನಷ್ಟು ಸಿನಿಮಾ ಸುದ್ದಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ