‘ಉರಿ’ ನಿರ್ದೇಶಕನ ಆಫರ್ ರಿಜೆಕ್ಟ್ ಮಾಡಿದ ಯಶ್? ಸ್ಟಾರ್ ಹೀರೋ ಸಿಗದೆ ನಿಂತೋಯ್ತು ಸಿನಿಮಾ

ಆದಿತ್ಯ ಧಾರ್ ಅವರು ‘ಇಮ್ಮಾರ್ಟಲ್​ ಅಶ್ವತ್ಥಾಮ್’ ಸಿನಿಮಾ (Immortal Ashwatthama) ನಿರ್ದೇಶನ ಮಾಡಬೇಕಿತ್ತು. ಈ ಸಿನಿಮಾದ ಪ್ರೀ-ಪ್ರೊಡಕ್ಷನ್ ಹಂತದಲ್ಲೇ 30 ಕೋಟಿ ರೂಪಾಯಿ ನಷ್ಟ ಆಗಿದೆ ಎಂದು ವರದಿ ಆಗಿದೆ. ಈ ಮಧ್ಯೆ ಸಿನಿಮಾ ಹೀರೋಗಳ ವಿಚಾರದಲ್ಲಿ ಸಾಕಷ್ಟು ಚರ್ಚೆಗಳು ಹುಟ್ಟಿಕೊಳ್ಳುತ್ತಿವೆ. ಈ ಚಿತ್ರವನ್ನು ಯಶ್ ಅವರಿಗೆ ಆಫರ್ ಮಾಡಲಾಗಿತ್ತು. ಆದರೆ, ಅವರು ಸಿನಿಮಾ ಆಫರ್​​ನ ರಿಜೆಕ್ಟ್ ಮಾಡಿದರು ಎಂದು ವರದಿ ಆಗಿದೆ. ಇದು ಸೂಪರ್ ಹೀರೋ ಕಾನ್ಸೆಪ್ಟ್​ನಲ್ಲಿ ಮೂಡಿ ಬರುತ್ತಿದೆ. ಈ ಕಾರಣಕ್ಕೆ ಯಶ್ (Yash) ಅವರು ಸಿನಿಮಾ ಮಾಡಲು ನಿರಾಕರಿಸಿದ್ದಾರೆ ಎನ್ನಲಾಗಿದೆ. ಯಾವುದೇ ದೊಡ್ಡ ಹೀರೋ ಸಿಗದೆ ಸಿನಿಮಾ ನಿಂತೇ ಹೋಗಿದೆ.

ಯಶ್ ಅವರ 19ನೇ ಸಿನಿಮಾ ಬಗ್ಗೆ ಸಾಕಷ್ಟು ಕುತೂಹಲ ಮೂಡಿದೆ. ದೊಡ್ಡದೊಡ್ಡ ನಿರ್ದೇಶಕರ ಹೆಸರು ಯಶ್​ ಜೊತೆ ತಳುಕು ಹಾಕಿಕೊಂಡಿದೆ. ಆದರೆ, ಯಾವ ವಿಚಾರವೂ ಅಧಿಕೃತವಾಗಿಲ್ಲ. ಈಗ ಯಶ್ ಹೆಸರು ಆದಿತ್ಯ ಧಾರ್ ಜೊತೆ ಸೇರಿಕೊಂಡಿದೆ. ‘ಇಮ್ಮಾರ್ಟಲ್ ಅಶ್ವತ್ಥಾಮ’ ಸೈನ್ಸ್​ ಫಿಕ್ಷನ್ ಸಿನಿಮಾ ಆಗಿದ್ದು, ಯಶ್ ಕಾಲ್​ಶೀಟ್ ಪಡೆಯಲು ಆದಿತ್ಯ ಧಾರ್ ವಿಫಲರಾಗಿದ್ದಾರೆ.

ಪಾತ್ರದ ಆಯ್ಕೆ ಹಾಗೂ ಇತರ ಕೆಲಸಕ್ಕಾಗಿ ಈಗಾಗಲೇ 30 ಕೋಟಿ ರೂಪಾಯಿ ಖರ್ಚಾಗಿದೆ. ಮೊದಲಿದ್ದ ನಿರ್ಮಾಪಕರು ಹಿಂದೆ ಸರಿದಿರುವುದರಿಂದ ಜಿಯೋ ಸ್ಟುಡಿಯೋಸ್ ಈ ಚಿತ್ರವನ್ನು ಕೈಗೆತ್ತಿಕೊಂಡಿತ್ತು. ಇದರ ಜೊತೆ ಜೊತೆಗೆ ಹೀರೋ ಆಯ್ಕೆ ಪ್ರಕ್ರಿಯೆ ಪ್ರಗತಿಯಲ್ಲಿತ್ತು. ವಿಕ್ಕಿ ಕೌಶಲ್ ಅವರನ್ನು ಆಯ್ಕೆ ಮಾಡಿಕೊಳ್ಳಬೇಕು ಎಂಬುದು ಆದಿತ್ಯ ಧಾರ್ ಆಲೋಚನೆ ಆಗಿತ್ತು. ಆದರೆ, ನಿರ್ಮಾಣ ಸಂಸ್ಥೆ ಇದಕ್ಕೆ ಒಪ್ಪುತ್ತಿಲ್ಲ.

‘ಇಮ್ಮಾರ್ಟಲ್ ಅಶ್ವತ್ಥಾಮ್​ ಬಿಗ್ ಬಜೆಟ್ ಸಿನಿಮಾ. ವಿಕ್ಕಿ ಕೌಶಲ್​ಗೆ ದೊಡ್ಡ ಸ್ಟಾರ್​ಡಂ ಇಲ್ಲ. ಹೀಗಾಗಿ, ನಷ್ಟ ಉಂಟಾದರೂ ಆಗಬಹುದು ಎಂಬುದು ನಿರ್ಮಾಣ ಸಂಸ್ಥೆಯ ಆಲೋಚನೆ. ಹೀಗಾಗಿ, ಆದಿತ್ಯ ಧಾರ್ ಅವರು ಜೂ.ಎನ್​​ಟಿಆರ್ ಅವರನ್ನು ಭೇಟಿ ಮಾಡಿದರು. ಅವರು ನೋ ಎಂದ ಬಳಿಕ ಯಶ್ ಬಳಿ ತೆರಳಿದರು. ಅವರೂ ನೋ ಎಂದರು. ರಣವೀರ್ ಸಿಂಗ್ ಅವರನ್ನು ಅಪ್ರೋಚ್ ಮಾಡಲಾಯಿತಾದರೂ ಅವರು ಇದರಲ್ಲಿ ನಟಿಸಲು ನಿರಾಕರಿಸಿದರು.

ಇದನ್ನೂ ಓದಿ: Alia Bhatt: ರಣಬೀರ್​ ಬಿಟ್ಟು ರಣವೀರ್ ಜೊತೆ ಕಾಶ್ಮೀರದಲ್ಲಿ ಸುತ್ತಾಡಿದ ನಟಿ ಆಲಿಯಾ ಭಟ್  

ಈ ಎಲ್ಲಾ ಕಾರಣಕ್ಕೆ ಜಿಯೋ ಸ್ಟುಡಿಯೋಸ್ ಸಿನಿಮಾನ ಕೈಬಿಡಲು ಆಲೋಚಿಸಿದೆ. ಈ ಚಿತ್ರದ ಬಜೆಟ್ 350 ಕೋಟಿ ರೂಪಾಯಿ ಮೀರಲಿದೆ. ಸಾಮಾನ್ಯ ಹೀರೋನ ಹಾಕಿಕೊಂಡು ದೊಡ್ಡ ನಷ್ಟ ಉಂಟು ಮಾಡಿಕೊಳ್ಳುವ ಬದಲು ಸಿನಿಮಾನ ಈಗಲೇ ಕೈಬಿಡೋದು ಒಳ್ಳೆಯದು ಎನ್ನುವ ನಿರ್ಧಾರಕ್ಕೆ ಜಿಯೋ ಸ್ಟುಡಿಯೋಸ್ ಬಂದಿದೆ ಎನ್ನಲಾಗಿದೆ.

ಇನ್ನಷ್ಟು ಸಿನಿಮಾ ಸುದ್ದಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ