ಆ ಒಂದು ಘಟನೆ ಶ್ರುತಿ ಹಾಸನ್ ಧೃತಿಗೆಡಿಸಿತು

ಬಾಲಿವುಡ್ ನಟಿ ಮತ್ತು ಕಮಲ್ ಹಾಸನ್ ಅವರ ಪುತ್ರಿ, ನಟಿ ಶ್ರುತಿ ಹಾಸನ್ ಸದಾ ಸುದ್ದಿಯಲ್ಲಿರುವ ಹೆಸರು. ಶ್ರುತಿ ಹಾಸನ್ ತಮಿಳು ಚಿತ್ರಗಳಲ್ಲಿ ಮಾತ್ರವಲ್ಲದೆ ಬಾಲಿವುಡ್ ಚಿತ್ರಗಳಲ್ಲಿಯೂ ದೊಡ್ಡ ಸದ್ದು ಮಾಡಿದ್ದಾರೆ. ಅವರು ಚಿತ್ರರಂಗದಲ್ಲಿ ವಿಶಿಷ್ಟ ಗುರುತನ್ನು ಗಳಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಅವರು ತಮ್ಮ ತಂದೆಯನ್ನು ಅವಲಂಬಿಸದೆ ಹಗಲಿರುಳು ಶ್ರಮಿಸಿದ್ದಾರೆ. ಈಗ ಅವರು ತಂದೆ-ತಾಯಿ ಬೇರ್ಪಟ್ಟ ಬಗ್ಗೆ ಮಾತನಾಡಿದ್ದಾರೆ.

ಶ್ರುತಿ ಹಾಸನ್ ಅವರ ಚಿತ್ರಗಳು ಅಭಿಮಾನಿಗಳಿಂದ ಅಪಾರ ಪ್ರೀತಿಯನ್ನು ಪಡೆದಿವೆ. ಇತ್ತೀಚೆಗೆ, ಒಂದು ಸಂದರ್ಶನದಲ್ಲಿ, ಶ್ರುತಿ ಹಾಸನ್ ತಮ್ಮ ವೈಯಕ್ತಿಕ ಜೀವನದ ಬಗ್ಗೆ ಮಾತನಾಡಿದ್ದಾರೆ. ಅವರು ತಮ್ಮ ಬಾಲ್ಯ ಹೇಗಿತ್ತು ಮತ್ತು ಅವರ ಪೋಷಕರು ಬೇರ್ಪಟ್ಟ ನಂತರ ಅದರ ಪರಿಣಾಮ ಏನಾಯಿತು ಎಂಬುದನ್ನು ಬಹಿರಂಗಪಡಿಸಿದ್ದಾರೆ. ಅವರ ಮನೆಯಲ್ಲಿ ದೇವರ ಫೋಟೋ ಇಲ್ಲ ಎಂಬ ಅಂಶದ ಬಗ್ಗೆಯೂ ಅವರು ಪ್ರತಿಕ್ರಿಯಿಸಿದ್ದಾರೆ. ಶ್ರುತಿ ಹಾಸನ್ ಅವರ ಈ ಸಂದರ್ಶನವು ಬಹಳಷ್ಟು ಚರ್ಚೆಯಾಗುತ್ತಿದೆ.

ರಣವೀರ್ ಅಲಹಾಬಾದಿಯಾ ಜೊತೆ ಮಾತನಾಡಿದ ಶ್ರುತಿ ಹಾಸನ್, ‘ಮಕ್ಕಳ ಮೇಲೆ ತಾಯಿಯ ಪ್ರಭಾವ ಹೆಚ್ಚು. ನಾವು ಹೆಚ್ಚಾಗಿ ಹಿಂದಿ ಮತ್ತು ಇಂಗ್ಲಿಷ್‌ನಲ್ಲಿ ಮಾತನಾಡುತ್ತಿದ್ದೆವು. ನಾನು ಹಿಂದಿ ಕಲಿಯುವುದಿಲ್ಲ, ತಮಿಳು ಮಾತ್ರ ಕಲಿಯುತ್ತೇನೆ ಎಂದು ನನ್ನ ತಾಯಿ ಹೆದರುತ್ತಿದ್ದರು. ನಾನು ಇಂಗ್ಲಿಷ್ ಮಾಧ್ಯಮಕ್ಕೆ ಹೋಗಿದ್ದರಿಂದ ನನ್ನ ತಮಿಳು ಎಲ್ಲೋ ದುರ್ಬಲವಾಯಿತು’ ಎಂದಿದ್ದಾರೆ ಅವರು.

‘ನನ್ನ ಹೆತ್ತವರು ಬೇರ್ಪಟ್ಟಾಗ, ನಾನು ಮುಂಬೈಗೆ ಬಂದೆ. ನನ್ನ ಹೆತ್ತವರು ಎಂದಿಗೂ ನನ್ನ ಶಾಲೆಗೆ ಬರಲಿಲ್ಲ. ನನಗೆ ಸಾಮಾನ್ಯ ಮಕ್ಕಳಂತೆ ಬಾಲ್ಯವಿರಲಿಲ್ಲ. ಮೂಲತಃ ನನ್ನ ಕುಟುಂಬವು ಧರ್ಮ ಮತ್ತು ದೇವರನ್ನು ನಂಬುವುದಿಲ್ಲ. ನಾವು ನಾಸ್ತಿಕರು. ನಾನು ಧರ್ಮವಿಲ್ಲದ ಕುಟುಂಬದಲ್ಲಿ ಬೆಳೆದೆ’ ಎಂದರು ಅವರು.

ಇದನ್ನೂ ಓದಿ: ನಿಂತು ಹೋಗಿದ್ದ ವಿಷ್ಣುವರ್ಧನ್ ಸಿನಿಮಾನ ರಿಲೀಸ್ ಮಾಡಲು ಮುಂದಾದ ಕಮಲ್ ಹಾಸನ್

ಕಮಲ್ ಹಾಸನ್ ದೇವರು ಮತ್ತು ದೇವತೆಗಳನ್ನು ಎಂದಿಗೂ ನಂಬುವುದಿಲ್ಲ ಎಂದು ಶ್ರುತಿ ಹಾಸನ್ ಹೇಳಿದರು. ಶ್ರುತಿ ಹಾಸನ್ ಸಾಮಾಜಿಕ ಮಾಧ್ಯಮದಲ್ಲಿ ಅಪಾರ ಅಭಿಮಾನಿಗಳನ್ನು ಹೊಂದಿದ್ದಾರೆ. ಹಲವು ಚಿತ್ರಗಳಲ್ಲಿ ನಟಿಸುತ್ತಿದ್ದಾರೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.