ಸ್ಟಾರ್​ ಸುವರ್ಣದಲ್ಲಿ ‘ಲವ್ ಮಾಕ್ಟೇಲ್ 2’ ಸಿನಿಮಾ; ಪ್ರಸಾರ ಯಾವಾಗ?

ಡಾರ್ಲಿಂಗ್ ಕೃಷ್ಣ (Darling Krishna) ನಟಿಸಿ, ನಿರ್ದೇಶಿಸಿದ್ದ ‘ಲವ್ ಮಾಕ್ಟೇಲ್’ ಸಿನಿಮಾ ( (Love Mocktail) ಸೂಪರ್ ಹಿಟ್​ ಆಗಿತ್ತು. ಈ ಚಿತ್ರ ಬಾಕ್ಸ್​ ಆಫೀಸ್​ನಲ್ಲಿ ಒಳ್ಳೆಯ ಕಮಾಯಿ ಮಾಡಿತ್ತು. ಇದೇ ಜೋಶ್​ನಲ್ಲಿ ‘ಲವ್​ ಮಾಕ್ಟೇಲ್​ 2’ (Love Mocktail 2) ಮಾಡಿದ್ದರು ಡಾರ್ಲಿಂಗ್​ ಕೃಷ್ಣ. ಮೊದಲ ಪಾರ್ಟ್​ಗೂ 2ನೇ ಪಾರ್ಟ್​ಗೂ ಲಿಂಕ್​ ಕೊಟ್ಟು, ಸಾಕಷ್ಟು ನಗಿಸುವ ಪಂಚಿಂಗ್​ ಡೈಲಾಗ್​ಗಳನ್ನು ಇಟ್ಟಿದ್ದರು ನಿರ್ದೇಶಕ ಕೃಷ್ಣ. ಚಿತ್ರಮಂದಿರಗಳಲ್ಲಿ, ಒಟಿಟಿಯಲ್ಲೂ ಈ ಸಿನಿಮಾ ಸಾಕಷ್ಟು ಸದ್ದು ಮಾಡಿತ್ತು. ಈಗ ಚಿತ್ರ ಕಿರುತೆರೆಯಲ್ಲಿ ಪ್ರಸಾರವಾಗುತ್ತಿದೆ.

‘ಲವ್​ ಮಾಕ್ಟೇಲ್​​’ ಚಿತ್ರದಲ್ಲಿ ಆದಿ (ಡಾರ್ಲಿಂಗ್​ ಕೃಷ್ಣ) ಹಾಗೂ ನಿಧಿ (ಮಿಲನಾ ನಾಗರಾಜ್​) ಮದುವೆ ಆಗಿತ್ತು. ಆದರೆ, ನಿಧಿ ಕ್ಯಾನ್ಸರ್​ನಿಂದ ಸಾಯುತ್ತಾಳೆ. ಆ ಬಳಿಕ ಆದಿ ಒಂಟಿ ಆಗುತ್ತಾನೆ. ಆದಿಗೆ ಮದುವೆ ಮಾಡಿಸೋ ಪ್ರಯತ್ನವೇ ಪಾರ್ಟ್​ 2ನ ಹೈಲೈಟ್​. ಈ ಚಿತ್ರವನ್ನು ಪ್ರೇಕ್ಷಕರು ಚಿತ್ರಮಂದಿರದಲ್ಲಿ ಮೆಚ್ಚಿಕೊಂಡಿದ್ದರು. ಆ ಬಳಿಕ ಅಮೇಜಾನ್​ ಪ್ರೈಮ್​ ವಿಡಿಯೋದಲ್ಲಿ ರಿಲೀಸ್​ ಆಗಿತ್ತು. ವಿಶೇಷ ಎಂದರೆ ಹಲವು ದಿನಗಳ ಕಾಲ ಅಮೇಜಾನ್​ ಪ್ರೈಮ್​ ವಿಡಿಯೋದಲ್ಲಿ ಟ್ರೆಂಡಿಂಗ್​ನಲ್ಲಿಯೂ ಇತ್ತು. ಸ್ಟಾರ್​ ಸುವರ್ಣದಲ್ಲಿ  ಇಂದು (ಏಪ್ರಿಲ್​ 6) ಸಂಜೆ ಆರು ಗಂಟೆಗೆ ‘ಲವ್​ ಮಾಕ್ಟೇಲ್​ 2’ ಪ್ರಸಾರ ಆಗಲಿದೆ.

ಕೊವಿಡ್​ ನಿಧಾನವಾಗಿ ಕಡಿಮೆ ಆಗಿದೆ. ಆದಾಗ್ಯೂ ಕೆಲ ಫ್ಯಾಮಿಲಿ ಆಡಿಯನ್ಸ್​ ಚಿತ್ರಮಂದಿರಕ್ಕೆ ಹೆಜ್ಜೆ ಹಾಕೋಕೆ ಹಿಂಜರಿದಿದ್ದಾರೆ. ಚಿತ್ರಮಂದಿರದಲ್ಲಿ ಸಿನಿಮಾ ಮಿಸ್​ ಮಾಡಿಕೊಂಡವರು ಚಿತ್ರವನ್ನು ಟಿವಿಯಲ್ಲಿ ವೀಕ್ಷಣೆ ಮಾಡಬಹುದು.

ಡಾರ್ಲಿಂಗ್ ಕೃಷ್ಣ – ಮಿಲನ ನಾಗರಾಜ್ ಅಭಿನಯದ ರೋಮ್ಯಾಂಟಿಕ್ ಹಿಟ್ ಲವ್ ಮಾಕ್ಟೇಲ್ 2 ಈ ಭಾನುವಾರ ಸಂಜೆ 6 ಗಂಟೆಗೆ#LoveMocktail2 #WorldTelevisionPremiere #StarSuvarna pic.twitter.com/3cgDfcnoLG

— Star Suvarna (@StarSuvarna) April 5, 2022

‘ಲವ್ ಮಾಕ್ಟೇಲ್ 2’ನಲ್ಲಿ ಡಾರ್ಲಿಂಗ್ ಕೃಷ್ಣ ನಾಯಕನಾಗಿ ಕಾಣಿಸಿಕೊಂಡಿರುವುದಲ್ಲದೇ ಚಿತ್ರವನ್ನು ನಿರ್ದೇಶಿಸಿದ್ದಾರೆ. ನಿಜ ಜೀವನದ ಜೋಡಿಯಾದ ಮಿಲನಾ ನಾಗರಾಜ್ ಹಾಗೂ ಡಾರ್ಲಿಂಗ್ ಕೃಷ್ಣ ಅವರ ‘ಲವ್ ಮಾಕ್ಟೇಲ್’ ಈ ಹಿಂದೆ ಮೋಡಿ ಮಾಡಿತ್ತು. ಆದ್ದರಿಂದಲೇ ಚಿತ್ರದ ಎರಡನೇ ಭಾಗದ ಬಗ್ಗೆ ನಿರೀಕ್ಷೆಗಳು ಗರಿಗೆದರಿದ್ದವು. ಈ ನಿರೀಕ್ಷೆಯನ್ನು ಚಿತ್ರ ಹುಸಿ ಮಾಡಿಲ್ಲ. ಮೊದಲ ಪಾರ್ಟ್​ನಲ್ಲಿ ಕಳೆದುಕೊಂಡಿದ್ದ ನಿಧಿಯನ್ನು ಪಾರ್ಟ್​ 2ನಲ್ಲಿ ಮತ್ತೆ ತೆರೆಮೇಲೆ ತರೋ ಪ್ರಯತ್ನವೂ ಆಗಿತ್ತು.

ಇದನ್ನೂ ಓದಿ: ಸೀಕ್ರೇಟ್​ ಆಗಿ ಮತ್ತೊಂದು ಸಿನಿಮಾ ಶೂಟಿಂಗ್ ಮುಗಿಸಿದ ‘ದಿ ಕಾಶ್ಮೀರ್​ ಫೈಲ್ಸ್​’ ನಿರ್ದೇಶಕ ವಿವೇಕ್​ ಅಗ್ನಿಹೋತ್ರಿ

ಪುನೀತ್​ ಹೊಸ ಚಿತ್ರ ‘ಲಕ್ಕಿ ಮ್ಯಾನ್​’ ಶೀಘ್ರವೇ ರಿಲೀಸ್​; ಅಪ್ಪು ಅಭಿಮಾನಿಗಳಿಗೆ ಗುಡ್​ ನ್ಯೂಸ್​  

Published On - 8:00 am, Wed, 6 April 22