ಶ್ವೇತಾ ಚಂಗಪ್ಪ ಮನೆಯಲ್ಲಿ ರವಿಚಂದ್ರನ್; ಮಜಾ ಟಾಕೀಸ್ ರಾಣಿ ಮಗನ ಜತೆ ‘ಕ್ರೇಜಿ ಸ್ಟಾರ್’ ವಿಡಿಯೋ ವೈರಲ್
ಶ್ವೇತಾ ಚಂಗಪ್ಪ ನಿವಾಸಕ್ಕೆ ಭೇಟಿ ನೀಡಿದ ರವಿಚಂದ್ರನ್ ಅವರು ಜಿಯಾನ್ಗಾಗಿ ಚಾಕೊಲೇಟ್ ತಂದಿದ್ದರು. ಪುಟ್ಟ ಬಾಲಕನ ಜೊತೆ ತಾವು ಕೂಡ ಮಗುವಾಗಿ ಕೆಲವು ಸಮಯ ಕಳೆದರು.
Updated on: Oct 03, 2021 | 8:44 AM
ಕಿರುತೆರೆಯ ನಟಿ ಶ್ವೇತಾ ಚಂಗಪ್ಪ ಹಲವು ಧಾರಾವಾಹಿಗಳಲ್ಲಿ ನಟಿಸಿದ್ದಾರೆ. ‘ಮಜಾ ಟಾಕೀಸ್’ ಕಾರ್ಯಕ್ರಮದಲ್ಲಿ ಅವರಿಗೆ ರಾಣಿ ಪಾತ್ರದ ಮೂಲಕ ಹೆಚ್ಚು ಜನಪ್ರಿಯತೆ ಸಿಕ್ಕಿತು. ಮಗು ಮತ್ತು ಸಂಸಾರದ ಕಡೆಗೆ ಈಗ ಅವರು ಹೆಚ್ಚು ಗಮನ ನೀಡುತ್ತಿದ್ದಾರೆ. ಪುತ್ರ ಜಿಯಾನ್ ಅಯ್ಯಪ್ಪ ಫೋಟೋಗಳನ್ನು ಶ್ವೇತಾ ಆಗಾಗ ಅಪ್ಲೋಡ್ ಮಾಡುತ್ತಲೇ ಇರುತ್ತಾರೆ. ಈಗ ಜಿಯಾನ್ನನ್ನು ನೋಡಲು ‘ಕ್ರೇಜಿ ಸ್ಟಾರ್’ ರವಿಚಂದ್ರನ್ ಅವರು ಶ್ವೇತಾ ಚಂಗಪ್ಪ ಅವರ ಮನೆಗೆ ಬಂದಿರುವುದು ವಿಶೇಷ. ಆ ವಿಡಿಯೋವನ್ನು ಸೋಶಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿಕೊಂಡಿರುವ ಶ್ವೇತಾ ಅವರು ಸಖತ್ ಸಂಭ್ರಮಿಸಿದ್ದಾರೆ.
ಶ್ವೇತಾ ಚಂಗಪ್ಪ ನಿವಾಸಕ್ಕೆ ಭೇಟಿ ನೀಡಿದ ರವಿಚಂದ್ರನ್ ಅವರು ಜಿಯಾನ್ಗಾಗಿ ಚಾಕೊಲೇಟ್ ತಂದಿದ್ದರು. ಪುಟ್ಟ ಬಾಲಕನ ಜೊತೆ ತಾವು ಕೂಡ ಮಗುವಾಗಿ ಕೆಲವು ಸಮಯ ಕಳೆದರು. ಆ ಕ್ಷಣಗಳನ್ನು ತಮ್ಮ ಕ್ಯಾಮೆರಾದಲ್ಲಿ ಶ್ವೇತಾ ಚಂಗಪ್ಪ ಸೆರೆ ಹಿಡಿದಿದ್ದಾರೆ. ಒಟ್ಟಾರೆ ಆ ಸಮಯ ಹೇಗಿತ್ತು ಎಂಬುದನ್ನು ಅವರು ವಿವರಿಸಿದ್ದಾರೆ.
‘ನಿಮ್ಮೆಲ್ಲರೊಂದಿಗೆ ಈ ಸ್ಪೆಷಲ್ ವಿಡಿಯೋ ಹಂಚಿಕೊಳ್ಳುತ್ತಿದ್ದೇನೆ. ಜನರ ಜೊತೆ ಬೆರೆಯಲು ಜಿಯಾನ್ ಹೆಚ್ಚು ಸಮಯ ತೆಗೆದುಕೊಳ್ಳುತ್ತಾನೆ. ಅಚ್ಚರಿ ಎಂದರೆ ರವಿ ಸರ್ ಜೊತೆ ಅವನು ತುಂಬ ಕಂಫರ್ಟಬಲ್ ಆಗಿದ್ದ. ಅವರನ್ನು ರವಿ ಮಾಮ ಎಂದು ಕೂಡ ಕರೆದ. ಅವರು ತಂದ ಚಾಕೊಲೇಟ್ ಅನ್ನು ಅವರಿಗೆ ತಿನಿಸಿದ. ಜಿಯಾನ್ ಜನಿಸಿದಾಗ ರವಿ ಸರ್ ಬಂದು ನೋಡಿದ್ದರು. ಈಗ ಎರಡು ವರ್ಷಗಳ ಬಳಿಕ ಮತ್ತೆ ಭೇಟಿ ಮಾಡಿದ್ದಾರೆ. ಬಿಡುವು ಮಾಡಿಕೊಂಡು ಬಂದಿದ್ದಕ್ಕೆ ಪ್ರೀತಿಪೂರ್ವಕ ಧನ್ಯವಾದಗಳು ರವಿ ಸರ್’ ಎಂದು ಶ್ವೇತಾ ಚಂಗಪ್ಪ ಬರೆದುಕೊಂಡಿದ್ದಾರೆ.
View this post on Instagram
ಮಕ್ಕಳೊಂದಿಗೆ ಮಗುವಾಗಿ ಬೆರೆಯುವ ರವಿಚಂದ್ರನ್ ಅವರ ಇನ್ನೊಂದು ಮುಖವನ್ನು ಪರಿಚಯ ಮಾಡಿಕೊಟ್ಟಿದ್ದಕ್ಕೆ ಧನ್ಯವಾದಗಳು ಎಂದು ಅಭಿಮಾನಿಗಳು ಕಮೆಂಟ್ ಮಾಡಿದ್ದಾರೆ. ಎರಡು ಲಕ್ಷಕ್ಕೂ ಅಧಿಕ ಮಂದಿ ಈ ವಿಡಿಯೋ ಕಂಡು ಮೆಚ್ಚಿಕೊಂಡಿದ್ದಾರೆ. ಸೋಶಿಯಲ್ ಮೀಡಿಯಾದಲ್ಲಿ ಶ್ವೇತಾ ಚಂಗಪ್ಪ ಪುತ್ರ ಜಿಯಾನ್ ಅಯ್ಯಪ್ಪ ಫೇಮಸ್ ಆಗಿದ್ದಾನೆ. ಆತನ ಹೆಸರಿನಲ್ಲಿ ಇರುವ ಇನ್ಸ್ಟಾಗ್ರಾಮ್ ಖಾತೆಯನ್ನು 28 ಸಾವಿರಕ್ಕೂ ಅಧಿಕ ಮಂದಿ ಫಾಲೋ ಮಾಡುತ್ತಿದ್ದಾರೆ.
ಇದನ್ನೂ ಓದಿ:
‘ಮೆಗಾ ಸ್ಟಾರ್’ ಚಿರಂಜೀವಿ ಮತ್ತು ರವಿಚಂದ್ರನ್ ನಡುವಿನ ಸ್ನೇಹ ವಿವರಿಸಲು ಈ ಒಂದು ಘಟನೆ ಸಾಕು
ಪ್ರೇಮಲೋಕ ಸೃಷ್ಟಿಸಿದ ರವಿಚಂದ್ರನ್ಗೆ ಕಾಡಿತ್ತು ಏಕಾಂಗಿತನ? ಕ್ರೇಜಿ ಸ್ಟಾರ್ ಬಿಚ್ಚು ಮಾತು
