ಒಂದು ಎಪಿಸೋಡ್ಗೆ 12 ಕೋಟಿ ಸಂಭಾವನೆ: ಯಾರು ಈ ಟಿವಿ ಸ್ಟಾರ್?
Tv Stars: ಸಿನಿಮಾ ತಾರೆಯರು ದೊಡ್ಡ ದೊಡ್ಡ ಸಂಭಾವನೆ ಪಡೆಯುತ್ತಾರೆ ಎಂಬ ಸುದ್ದಿಗಳು ಹರಿದಾಡುತ್ತಿರುತ್ತವೆ, ಆದರೆ ಟಿವಿ ಲೋಕದಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆವ ನಟ ಯಾರು?
Updated on:Jun 14, 2023 | 12:00 AM
ಸಿನಿಮಾ ತಾರೆಯರು (Cinema) ಒಂದೊಂದು ಸಿನಿಮಾಕ್ಕೆ ನೂರಾರು ಕೋಟಿ ಸಂಭಾವನೆ (Remuneration) ಪಡೆಯುವ ಸುದ್ದಿ ಆಗಾಗ್ಗೆ ಕೇಳುತ್ತಲೇ ಇರುತ್ತವೆ. ಶಾರುಖ್ 100 ಕೋಟಿ ಪಡೆದರಂತೆ, ಪ್ರಭಾಸ್ 150 ಅಂತೆ, ರಜನೀಕಾಂತ್ 200 ಅಂತೆ ಎಂಬ ಸುದ್ದಿಗಳು ಹರಿದಾಡುತ್ತಲೇ ಇರುತ್ತವೆ. ಸಿನಿಮಾ ತಾರೆಯರು ಮಾತ್ರವಲ್ಲ ಟಿವಿ ತಾರೆಯರ (Tv Celebrity) ಸಂಭಾವನೆ ಸಹ ಕಡಿಮೆ ಏನಿಲ್ಲ. ಪ್ರತಿ ಎಪಿಸೋಡ್ಗೂ ಕೋಟ್ಯಂತರ ರೂಪಾಯಿ ಸಂಭಾವನೆ ಪಡೆವ ನಟರು ಭಾರತದಲ್ಲಿದ್ದಾರೆ. ಆದರೆ ಅತಿ ಹೆಚ್ಚು ಸಂಭಾವನೆ ಪಡೆವ ನಟ ಯಾರು ಗೊತ್ತೆ? ಟಿವಿ ಲೋಕದಲ್ಲಿಯೂ ಸಿನಿಮಾ ತಾರೆಯರೇ ಪ್ರಾಬಲ್ಯ ಸಾಧಿಸಿದ್ದಾರೆ.
ದಿ ಕಪಿಲ ಶರ್ಮಾ ಶೋನ ನಿರೂಪಕ ಕಪಿಲ್ ಶರ್ಮಾ ಪ್ರತಿ ಎಪಿಸೋಡ್ಗೆ ಒಂದು ಕೋಟಿ ಸಂಭಾವನೆ ಪಡೆಯುತ್ತಾರೆ ಎನ್ನಲಾಗುತ್ತಿದೆ. ಕೆಲವು ಜನಪ್ರಿಯ ಧಾರಾವಾಹಿಯ ಮುಖ್ಯ ನಟರು ಪ್ರತಿ ಎಪಿಸೋಡ್ಗೆ ಲಕ್ಷಾಂತರ ರೂಪಾಯಿ ಸಂಭಾವನೆ ಪಡೆಯುತ್ತಾರಂತೆ. ಆದರೆ ಇವರ್ಯಾರೂ ಸಹ ಅತಿ ಹೆಚ್ಚು ಸಂಭಾವನೆ ಪಡೆವ ನಟರ ಪಟ್ಟಿಯಲ್ಲಿಲ್ಲ.
ಟಿವಿ ಲೋಕದಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆವ ನಟ ಸಲ್ಮಾನ್ ಖಾನ್. ಬಿಗ್ಬಾಸ್ ಟಿವಿ ರಿಯಾಲಿಟಿ ಶೋ ನಿರೂಪಣೆ ಮಾಡುವ ಸಲ್ಮಾನ್ ಖಾನ್ ಪ್ರತಿ ಎಪಿಸೋಡ್ಗೆ ಬರೋಬ್ಬರಿ 12.50 ಕೋಟಿ ರೂಪಾಯಿ ಸಂಭಾವನೆ ಪಡೆಯುತ್ತಾರಂತೆ. ಸಲ್ಮಾನ್ ಖಾನ್ ಮಾತ್ರವೇ ಅಲ್ಲದೆ ಕೌನ್ ಬನೇಗಾ ಕರೋಡ್ಪತಿ ಶೋ ನಡೆಸಿಕೊಡುವ ಅಮಿತಾಬ್ ಬಚ್ಚನ್ ಸಹ ಪ್ರತಿ ಎಪಿಸೋಡ್ಗೆ ಸುಮಾರು 10 ಕೋಟಿ ಸಂಭಾವನೆ ಪಡೆಯುತ್ತಾರೆ. ಕಾಫಿ ವಿತ್ ಕರಣ್ ಜೋಹರ್ ಸಹ ಪ್ರತಿ ಎಪಿಸೋಡ್ ಕೋಟಿಗಳಲ್ಲಿ ಸಂಭಾವನೆ ಪಡೆಯುತ್ತಾರೆ. ಲಾಕ್ ಅಪ್ ಶೋ ನಡೆಸಿಕೊಟ್ಟಿದ್ದ ಕಂಗನಾ ರನೌತ್ ಸಹ ಭಾರಿ ಮೊತ್ತದ ಹಣವನ್ನು ಸಂಭಾವನೆಯನ್ನಾಗಿ ಪಡೆದಿದ್ದಾರೆ.
ಇದನ್ನೂ ಓದಿ:Tejasswi Prakash: ಒಂದು ಎಪಿಸೋಡ್ಗೆ 2 ಲಕ್ಷ ರೂಪಾಯಿ ಸಂಭಾವನೆ; ಈ ಕಿರುತೆರೆ ನಟಿಗೆ ಸಖತ್ ಬೇಡಿಕೆ
ಬಾಲಿವುಡ್ನ ಹಲವು ನಟರು ಟಿವಿಗಳಲ್ಲಿಯೂ ಶೋಗಳನ್ನು ನಡೆಸಿಕೊಡುತ್ತಾರೆ. ಶಾರುಖ್ ಖಾನ್ ಸಹ ಕೌನ್ ಬನೇಗಾ ಕರೋಡ್ಪತಿ ಸೇರಿದಂತೆ ಇನ್ನೂ ಕೆಲವು ಶೋಗಳನ್ನು ನಡೆಸಿಕೊಟ್ಟಿದ್ದರು. ಡ್ಯಾನ್ಸ್, ಸಿಂಗಿಂಗ್ ರಿಯಾಲಿಟಿ ಶೋಗಳು ಜನಪ್ರಿಯತೆ ಪಡೆದ ಬಳಿಕ ಹಲವು ಬಾಲಿವುಡ್ ನಟರು ಶೋಗಳ ಜಡ್ಜ್ಗಳಾಗಿ ಕಾಣಿಸಿಕೊಳ್ಳುತ್ತಿದ್ದು ಅವರು ಸಹ ಭಾರಿ ಮೊತ್ತದ ಸಂಭಾವನೆಯನ್ನು ಪಡೆಯುತ್ತಿದ್ದಾರೆ. ಸೀಸನ್ಗೆ 15 ಕೋಟಿ ಸಂಭಾವನೆಯನ್ನು ನಟಿ ಶಿಲ್ಪಾ ಶೆಟ್ಟಿ ತೆಗೆದುಕೊಳ್ಳುತ್ತಾರಂತೆ.
ಕನ್ನಡದಲ್ಲಿಯೂ ಸಹ ಬಿಗ್ಬಾಸ್ ನಿರೂಪಣೆ ಮಾಡುವ ಸುದೀಪ್ ಅವರು ಅತಿ ದೊಡ್ಡ ಮೊತ್ತದ ಸಂಭಾವನೆ ಪಡೆಯುತ್ತಾರೆ ಎನ್ನಲಾಗುತ್ತದೆ. ಸುದೀಪ್ ಸಹ ವಾರದ ಲೆಕ್ಕದಲ್ಲಿ ಸಂಭಾವನೆ ಪಡೆಯುತ್ತಾರೆ. ನಟ ಜಗ್ಗೇಶ್, ನಟಿ ರಕ್ಷಿತಾ, ಪ್ರೇಮ್, ವಿಜಯ್ ರಾಘವೇಂದ್ರ ಇನ್ನೂ ಕೆಲವು ತಾರೆಯರು ರಿಯಾಲಿಟಿ ಶೋ ಜಡ್ಜ್ಗಳಾಗಿದ್ದು ಅವರೂ ಸಹ ಭಾರಿ ಮೊತ್ತದ ಸಂಭಾವನೆಯನ್ನು ಪಡೆಯುತ್ತಾರೆ.
ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
Published On - 11:58 pm, Tue, 13 June 23
