Are You A Virgin ಎಂದು ಕೇಳಿದ್ರು ನಟ ಪವನ್​ ಕಲ್ಯಾಣ್​!

2018ರಲ್ಲಿ ತೆರೆಕಂಡ ‘ಅಜ್ಞಾತವಾಸಿ’ ಸಿನಿಮಾ ನಂತರ ಪವನ್​ ಕಲ್ಯಾಣ್​ ಚಿತ್ರರಂಗದಿಂದ ದೂರವೇ ಉಳಿದುಕೊಂಡಿದ್ದರು. ಈಗ ಅವರು ಚಿತ್ರರಂಗಕ್ಕೆ ಮತ್ತೆ ಕಂಬ್ಯಾಕ್​ ಮಾಡುತ್ತಿದ್ದಾರೆ. ಅವರ ನಟನೆಯ ‘ವಕೀಲ್​ ಸಾಬ್​’ ಸಿನಿಮಾದ ಟ್ರೇಲರ್​ ಕೂಡ ರಿಲೀಸ್​ ಆಗಿದ್ದು, ಪವನ್​ ಕಲ್ಯಾಣ್​ ವಕೀಲರಾಗಿ ಕಾಣಿಸಿಕೊಂಡಿದ್ದಾರೆ. ಇಂದು ಸಂಜೆ ವಕೀಲ್​ ಸಾಬ್​ ಚಿತ್ರದ ಟ್ರೇಲರ್​ ರಿಲೀಸ್​ ಆಗಿದೆ. ಮಹಿಳೆಯರ ಮೇಲೆ ನಿರಂತರವಾಗಿ ನಡೆಯುತ್ತಿರುವ ದಬ್ಬಾಳಿಕೆ, ಅತ್ಯಾಚಾರ, ಕಿರುಕುಳದ ಬಗ್ಗೆ ಹೇಗೆ ಧ್ವನಿ ಎತ್ತಬೇಕು ಎನ್ನುವ ಬಗ್ಗೆ ಈ ಸಿನಿಮಾದಲ್ಲಿ ಹೇಳಲಾಗುತ್ತಿದೆ ಎಂಬುದನ್ನು ಟ್ರೇಲರ್​ನಲ್ಲಿ ಸೂಕ್ಷ್ಮವಾಗಿ ಹೇಳಲಾಗಿದೆ.

ಮೂರು ಯುವತಿಯರು ಯುವಕರ ಜತೆ ಪಾರ್ಟಿಗೆ ತೆರಳುತ್ತಾರೆ. ಅಲ್ಲಿ ಅವರು ಲೈಂಗಿಕ ಕಿರುಕುಳ ಎದುರಿಸುತ್ತಾರೆ. ಈ ಪ್ರಕರಣ ಕೋರ್ಟ್​ ಮೆಟ್ಟಿಲೇರುತ್ತದೆ. ಸಂತ್ರಸ್ತೆಯರ ಪರವಾಗಿ ಪವನಲ್​ ಕಲ್ಯಾಣ್​ ವಾದ ಮಂಡಿಸುತ್ತಾರೆ. ಇದಿಷ್ಟು ವಿಚಾರಗಳನ್ನು ಟ್ರೇಲರ್​ ಕಟ್ಟಿಕೊಡುತ್ತಿದೆ.

ಪವನ್​ ಕಲ್ಯಾಣ್​ ಖಡಕ್​ ವಕೀಲರಾಗಿ ಕಾಣಿಸಿಕೊಂಡಿದ್ದಾರೆ. ಅವರ ಚಿತ್ರ ಎಂದರೆ ಆ್ಯಕ್ಷನ್​ಗಳಿಗೆ ಬರ ಇರುವುದಿಲ್ಲ. ಈ ಸಿನಿಮಾದಲ್ಲೂ ಸಾಕಷ್ಟು ಆ್ಯಕ್ಷನ್​ಗಳು ಇರಲಿವೆ ಎನ್ನಲಾಗಿತ್ತು. ಟ್ರೇಲರ್​ನಲ್ಲಿ ಈ ಬಗ್ಗೆ ಮಾಹಿತಿ ಸಿಕ್ಕಿದೆ. ಸಂತ್ರಸ್ತೆಗೆ ಪ್ರತಿವಾದಿ ವಕೀಲರು Are You A Virgin ಎಂದು ಕೇಳಿರುತ್ತಾರೆ. ಅದೇ ರೀತಿ, ಕಿರುಕುಳ ನೀಡಿದ ಆರೋಪಿಗೆ ಇದೇ ಪ್ರಶ್ನೆ ಕೇಳಿದ್ದಾರೆ ಪವನ್​ ಕಲ್ಯಾಣ್​. ಟ್ರೇಲರ್ ರಿಲೀಸ್​ ಆದ ಎರಡೇ ಗಂಟೆಗೆ  ಸುಮಾರು 15 ಲಕ್ಷ ವೀಕ್ಷಣೆ ಕಂಡಿರುವುದು ವಿಶೇಷ.

Pawan Kalyan hits out of the park with #VakeelSaabTrailer. pic.twitter.com/3K9C6pExRF

— LetsOTT GLOBAL (@LetsOTT) March 29, 2021

ಹಿಂದಿಯಲ್ಲಿ ತೆರೆಕಂಡಿದ್ದ ಪಿಂಕ್​ ಸಿನಿಮಾದ ರಿಮೇಕ್​ ವಕೀಲ್​ ಸಾಬ್​ ಚಿತ್ರ. ಅಮಿತಾಭ್​ ಮುಖ್ಯಭೂಮಿಕೆ ನಿರ್ವಹಿಸಿದ್ದ ಈ ಚಿತ್ರವನ್ನು ವೇಣು ಶ್ರೀರಾಮ್​ ತೆಲುಗಿಗೆ ರಿಮೇಕ್​ ಮಾಡಿದ್ದಾರೆ. ಪವನ್​ ಕಲ್ಯಾಣ್​ ಹಾಗೂ ಪ್ರಕಾಶ್​ ರೈ ವಕೀಲರಾಗಿ ಕಾಣಿಸಿಕೊಂಡಿದ್ದಾರೆ. ಏಪ್ರಿಲ್​ 09ರಂದು ಸಿನಿಮಾ ತೆರೆಗೆ ಬರುತ್ತಿದೆ. ಸದ್ಯ ಟ್ರೇಲರ್​ಗೆ ಎಲ್ಲ ಕಡೆಗಳಿಂದ ಮೆಚ್ಚುಗೆ ವ್ಯಕ್ತವಾಗಿದೆ.

“Kurchondi nandaji!!!” What a smashing trailer ?????? ??? feels like power power power… this is simply awesome…@harish2you Anna… Please note all these..@ganeshbandla Where are youuuuuu….?#VakeelSaabTrailer #VakeelSaabOnApril9th

— Prasad (@PESSUPRASAD) March 29, 2021

ಇದನ್ನೂ ಓದಿ: ನೆಚ್ಚಿನ ನಟ ಪವನ್ ಕಲ್ಯಾಣ್‌ ಹುಟ್ಟುಹಬ್ಬಕ್ಕೆ ಪೋಸ್ಟರ್ ಹಾಕಲು ಹೋಗಿ ಮೂವರ ಸಾವು