ತಣ್ಣೀರು ಕುಡಿಯುವುದರಿಂದಾಗುವ ಅಪಾಯ – ಪ್ರಯೋಜನಗಳೇನು? ಇಲ್ಲಿದೆ ಮಾಹಿತಿ

ತಣ್ಣೀರು ನಮ್ಮ ದೇಹಕ್ಕೆ ಪ್ರಯೋಜನಕಾರಿಯೇ ಅಥವಾ ಹಾನಿಕಾರಕವೇ ಎಂಬ ಹಳೆಯ ಚರ್ಚೆ ಇನ್ನೂ ಬಗೆಹರಿಯದೆ ಉಳಿದಿದೆ. ಅನೇಕ ಜನರು ತಣ್ಣೀರನ್ನು ಕುಡಿಯುವುದಿಲ್ಲ. ಯಾವಾಗಲೂ ಅದರಿಂದ ದೂರವಿರುತ್ತಾರೆ. ಇದು ಅವರ ಆರೋಗ್ಯಕ್ಕೆ ಹಾನಿ ಮಾಡುತ್ತದೆ ಅಥವಾ ಅವರ ತೂಕ ಇಳಿಸುವ ಪ್ರಯತ್ನಗಳಿಗೆ ಅಡ್ಡಿಯಾಗುತ್ತದೆ ಎಂದು ಕೆಲವರು ಭಾವಿಸುತ್ತಾರೆ. ತಣ್ಣೀರು ನಿರ್ದಿಷ್ಟ ಸಂದರ್ಭಗಳಲ್ಲಿ ಕೆಲವು ಅಪಾಯಗಳನ್ನು ಉಂಟುಮಾಡಬಹುದು, ಆದರೆ ಹಲವಾರು ಆರೋಗ್ಯ ಪ್ರಯೋಜನಗಳನ್ನು ಸಹ ನೀಡುತ್ತದೆ.

ತಣ್ಣೀರು ಕುಡಿಯುವುದರ ಸಾಧಕ -ಬಾಧಕಗಳೇನು?

ತಣ್ಣೀರು ಕುಡಿಯುವುದರಿಂದ ಆಗುವ ಪ್ರಯೋಜನಗಳು:

1. ಚಯಾಪಚಯ ಕ್ರಿಯೆಯನ್ನು ಹೆಚ್ಚಿಸುತ್ತದೆ: ತಣ್ಣೀರುಕುಡಿಯುವುದರಿಂದ ಚಯಾಪಚಯ ಕ್ರಿಯೆಯಲ್ಲಿ ತಾತ್ಕಾಲಿಕ ಹೆಚ್ಚಳಕ್ಕೆ ಕಾರಣವಾಗಬಹುದು ಎಂದು ಹಲವಾರು ಅಧ್ಯಯನಗಳು ತಿಳಿಸಿವೆ.

2. ಜಲಸಂಚಯನಕ್ಕೆ ಸೂಕ್ತವಾಗಿದೆ: ನಿಮ್ಮ ದೇಹದ ಒಟ್ಟಾರೆ ಕಾರ್ಯಕ್ಷಮತೆಗೆ ಸರಿಯಾದ ಜಲಸಂಚಯನ ಕಾಪಾಡಿಕೊಳ್ಳುವುದು ನಿರ್ಣಾಯಕವಾಗಿದೆ. ಹಾಗಾಗಿ ತಣ್ಣೀರು ಕುಡಿಯುವುದರಿಂದ ನಿಮ್ಮ ದೇಹ ಡಿಹೈಡ್ರೇಟ್ ಆಗುವುದಿಲ್ಲ.

3. ತೂಕ ಹೆಚ್ಚಾಗುವ ಅಪಾಯವಿಲ್ಲ: ಜನರಲ್ ಆಫ್ ಹ್ಯೂಮನ್ ನ್ಯೂಟ್ರಿಷನ್ ಅಂಡ್ ಡಯಟೆಟಿಕ್ಸ್ ಪ್ರಕಾರ, ತಣ್ಣೀರು ಕುಡಿಯುವುದರಿಂದ ದಿನವಿಡೀ ಕಡಿಮೆ ಕೊಬ್ಬಿನ ಸೇವನೆಗೆ ಸಹಾಯ ಮಾಡುವ ಮೂಲಕ ತೂಕ ಇಳಿಸುವ ಪ್ರಕ್ರಿಯೆಯನ್ನು ಬೆಂಬಲಿಸುತ್ತದೆ. ನೀರು ತಂಪಾಗಿರಲಿ, ಬೆಚ್ಚಗಿರಲಿ ಅದು ಯಾವುದೇ ಕ್ಯಾಲೊರಿಗಳನ್ನು ಹೊಂದಿರುವುದಿಲ್ಲ. ಆದ್ದರಿಂದ, ನೀವು ತಣ್ಣೀರನ್ನು ಆರಿಸಿಕೊಂಡರೂ ಸಹ, ತೂಕ ಹೆಚ್ಚಾಗುವುದಿಲ್ಲ.

4. ಶಾಖ ತಡೆಯಲು ಸಹಕಾರಿ: ಬಿಸಿಲು ಅಥವಾ ತೀವ್ರವಾದ ವ್ಯಾಯಾಮದ ನಂತರ, ತಣ್ಣೀರಿನ ಗುಟುಕಿನಷ್ಟು ಉಲ್ಲಾಸಕರವಾದುದು ಯಾವುದೂ ಇಲ್ಲ. ತಣ್ಣೀರು ನಿಮ್ಮ ದೇಹದ ಉಷ್ಣತೆ, ಹೃದಯ ಬಡಿತ ಮತ್ತು ದೇಹದ ಶ್ರಮವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಇದರ ಪರಿಣಾಮವು ನಿಮಗೆ ತ್ವರಿತ ಚೇತರಿಕೆ ಪಡೆದುಕೊಳ್ಳಲು ಸಹಾಯ ಮಾಡುತ್ತದೆ.

5. ನೋವು ನಿವಾರಣೆಗೆ ನೆರವು: ತಲೆನೋವು ಅಥವಾ ಸ್ನಾಯು ನೋವಿನಿಂದ ಉಂಟಾಗುವ ಅಸ್ವಸ್ಥತೆಯನ್ನು ನಿವಾರಿಸಲು ತಣ್ಣೀರು ಸಹಕಾರಿಯಾಗಿದೆ. ತಂಪಾದ ನೀರು ರಕ್ತನಾಳಗಳನ್ನು ಸಂಕುಚಿತಗೊಳಿಸಲು, ಉರಿಯೂತವನ್ನು ಕಡಿಮೆ ಮಾಡಲು ಮತ್ತು ನೋವಿನ ಸಂವೇದನೆಗಳನ್ನು ಮಂದಗೊಳಿಸಲು ಸಹಾಯ ಮಾಡುತ್ತದೆ.

ಇದನ್ನೂ ಓದಿ: ಬೆಳಗ್ಗಿನ ಉಪಹಾರಕ್ಕೆ ತಯಾರಿಸಿ ಆರೋಗ್ಯಕರ ಓಟ್ಸ್ ರೆಸಿಪಿ

ತಣ್ಣೀರು ಕುಡಿಯುವುದರಿಂದ ಉಂಟಾಗುವ ಸಂಭಾವ್ಯ ಅಪಾಯಗಳು:

1. ಜೀರ್ಣಕಾರಿ ತೊಂದರೆ: ತಂಪಾದ ಪಾನೀಯವು ನಿಮ್ಮನ್ನು ತಂಪಾಗಿಸುತ್ತಿದ್ದರೂ, ಇದು ನಿಮ್ಮ ಜೀರ್ಣಾಂಗ ವ್ಯವಸ್ಥೆಯನ್ನು ಸಂಕುಚಿತಗೊಳಿಸಲು ಕಾರಣವಾಗಬಹುದು, ವಿಶೇಷವಾಗಿ ನಿಮ್ಮ ಜೀರ್ಣಕ್ರಿಯೆ ಸೂಕ್ಷ್ಮವಾಗಿರುತ್ತದೆ. ತಣ್ಣೀರು ಹೊಟ್ಟೆಯಲ್ಲಿರುವ ರಕ್ತನಾಳಗಳನ್ನು ಸಂಕುಚಿತಗೊಳಿಸುತ್ತದೆ, ಜೀರ್ಣಕ್ರಿಯೆಯನ್ನು ನಿಧಾನಗೊಳಿಸುತ್ತದೆ ಮತ್ತು ಕೆಲವರಿಗೆ ಅಸ್ವಸ್ಥತೆಯನ್ನು ಉಂಟುಮಾಡುತ್ತದೆ.

2. ಮೂತ್ರಪಿಂಡಗಳಿಗೆ ಹಾನಿಕಾರಕ: ಪೌಷ್ಟಿಕ ತಜ್ಞೆ ಶಿಲ್ಪಾ ಅರೋರಾ ಅವರ ಪ್ರಕಾರ, “ತಣ್ಣೀರು ಮೂತ್ರಪಿಂಡಗಳನ್ನು ದುರ್ಬಲಗೊಳಿಸುತ್ತದೆ. ಈ ಪರಿಸ್ಥಿತಿಯನ್ನು ತಪ್ಪಿಸಲು, ಊಟದ ಜೊತೆಯಲ್ಲಿ ತಣ್ಣೀರು ಕುಡಿಯುವುದನ್ನು ತಪ್ಪಿಸಿ, ಏಕೆಂದರೆ ಇದು ಎಣ್ಣೆಯುಕ್ತ ಆಹಾರವನ್ನು ಗಟ್ಟಿಗೊಳಿಸುತ್ತದೆ, ದೇಹದ ಸಮತೋಲನಕ್ಕೆ ಅಡ್ಡಿಪಡಿಸುತ್ತದೆ.

3. ಶೀತದ ಲಕ್ಷಣಗಳನ್ನು ಉಲ್ಬಣಗೊಳಿಸುತ್ತದೆ: ನ್ಯಾಷನಲ್ ಲೈಬ್ರರಿ ಆಫ್ ಮೆಡಿಸಿನ್ ನಲ್ಲಿ ಪ್ರಕಟವಾದ ಅಧ್ಯಯನವು ತಣ್ಣೀರು ಕುಡಿಯುವುದರಿಂದ ಮೂಗಿನ ಲೋಳೆ ದಪ್ಪವಾಗಲು ಕಾರಣವಾಗಬಹುದು ಎಂದು ಹೇಳುತ್ತದೆ. ಹೀಗಾಗಿ, ನಿಮಗೆ ಶೀತ ಅಥವಾ ಕೆಮ್ಮಿದ್ದಲ್ಲಿ ತಣ್ಣೀರಿನಿಂದ ದೂರವಿರುವುದು ಒಳ್ಳೆಯದು.

ಆದ್ದರಿಂದ, ನೀವು ತಣ್ಣೀರನ್ನು ಕುಡಿಯಬೇಕೇ ಅಥವಾ ಬೇಡವೇ? ಇಲ್ಲಿಯವರೆಗೆ, ತಣ್ಣೀರು ಆರೋಗ್ಯಕ್ಕೆ ಹಾನಿಕಾರಕ ಎಂದು ಖಚಿತವಾಗಿ ಹೇಳುವ ಯಾವುದೇ ವೈಜ್ಞಾನಿಕ ಪುರಾವೆಗಳಿಲ್ಲ. ವಿವಿಧ ಅಧ್ಯಯನಗಳ ಆಧಾರದ ಮೇಲೆ, ಶೀತ ಅಥವಾ ಕೆಮ್ಮು ಅಥವಾ ತಣ್ಣೀರಿಗೆ ಸರಿಯಾಗಿ ಪ್ರತಿಕ್ರಿಯಿಸದ ವೈದ್ಯಕೀಯ ಸ್ಥಿತಿಯನ್ನು ಹೊಂದಿದ್ದರೆ ತಣ್ಣೀರನ್ನು ತಪ್ಪಿಸುವುದು ಒಳ್ಳೆಯದು.

ಈ ವಿಷಯವು ಸಾಮಾನ್ಯ ಮಾಹಿತಿಯನ್ನು ಮಾತ್ರ ಒದಗಿಸುತ್ತದೆ. ಇದು ಯಾವುದೇ ರೀತಿಯಲ್ಲಿ ಅರ್ಹ ವೈದ್ಯಕೀಯ ಅಭಿಪ್ರಾಯಕ್ಕೆ ಪರ್ಯಾಯವಲ್ಲ. ಹೆಚ್ಚಿನ ಮಾಹಿತಿಗಾಗಿ ವೈದ್ಯರನ್ನು ಸಂಪರ್ಕಿಸಿ.

ಆರೋಗ್ಯಕ್ಕೆ ಸಂಬಂಧಿಸಿದ ಇನ್ನಷ್ಟು ಸುದ್ದಿಗಾಗಿ ಇಲ್ಲಿ ಕ್ಲಿಕ್ ಮಾಡಿ