Liver Health: ಪಿತ್ತಜನಕಾಂಗದ ಆರೋಗ್ಯವನ್ನು ಕಾಪಾಡಲು ವಾರದ 7 ದಿನವನ್ನು ಬಳಸಿ; ಆಹಾರದಲ್ಲಿನ ಈ ಕ್ರಮ ಯಕೃತ್ತಿನ ಕಾಯಿಲೆಯಿಂದ ನಿಮ್ಮನ್ನು ದೂರ ಇಡುತ್ತದೆ
ಡಿಟಾಕ್ಸ್ ಡಯಟ್‌ನ ಮೊದಲ ಕಾರ್ಯವೆಂದರೆ ಕೆಫೀನ್, ನಿಕೋಟಿನ್ ಮತ್ತು ಸಂಸ್ಕರಿಸಿದ ಸಕ್ಕರೆಯಂತಹ ಹಾನಿಕಾರಕ ಪದಾರ್ಥಗಳನ್ನು ಆಹಾರದಿಂದ ತೆಗೆದುಹಾಕುವುದು ಮತ್ತು ಆರೋಗ್ಯಕರ ಆಹಾರ ಸೇವಿಸುವುದಾಗಿದೆ.
ಸಿರೋಸಿಸ್ ರೋಗಿಗಳು ಕೊರೊನಾ ಸೋಂಕಿನಿಂದ ಸಾಯುವ ಅಪಾಯ 30 ಪಟ್ಟು ಹೆಚ್ಚು ಎಂದು ಯುಎಸ್ ಆರೋಗ್ಯ ಸಂಸ್ಥೆ ಸಿಡಿಸಿ ತಿಳಿಸಿದೆ. ಕೊರೊನಾ ಹೆಚ್ಚಾಗುತ್ತಿರುವ ಈ ಕಾಲಘಟ್ಟದಲ್ಲಿ ಪಿತ್ತಜನಕಾಂಗವನ್ನು ಆರೋಗ್ಯವಾಗಿಡುವುದು ಅವಶ್ಯಕವಾಗಿದೆ. ಕೆನಡಿಯನ್ ಲಿವರ್ ಫೌಂಡೇಶನ್ ಪ್ರಕಾರ, ಪಿತ್ತಜನಕಾಂಗವು ದೇಹದಲ್ಲಿ 500 ಕಾರ್ಯಗಳನ್ನು ನಿರ್ವಹಿಸುತ್ತದೆ. ಇದು ದೇಹಕ್ಕೆ ಶಕ್ತಿಯನ್ನು ಒದಗಿಸುವುದು, ಸೋಂಕಿನಿಂದ ರಕ್ಷಿಸುವುದು, ಜೀವಾಣುವಿನ ವಿಷ, ರಕ್ತ ಹೆಪ್ಪುಗಟ್ಟುವುದನ್ನು ತಡೆಯಲು ಸಹಾಯ ಮಾಡುತ್ತದೆ ಮತ್ತು ಹಾರ್ಮೋನುಗಳನ್ನು ನಿಯಂತ್ರಿಸುತ್ತದೆ.
ಪಿತ್ತಜನಕಾಂಗವನ್ನು ಆರೋಗ್ಯವಾಗಿಡಲು 7 ದಿನಗಳ ಆಹಾರ ಪದ್ಧತಿಯನ್ನು ಅನುಸರಿಸಬಹುದು ಅಥವಾ ಡಿಟಾಕ್ಸ್ ಮಾಡಬಹುದು. ಡಿಟಾಕ್ಸ್ ಡಯಟ್‌ನ ಮೊದಲ ಕಾರ್ಯವೆಂದರೆ ಕೆಫೀನ್, ನಿಕೋಟಿನ್ ಮತ್ತು ಸಂಸ್ಕರಿಸಿದ ಸಕ್ಕರೆಯಂತಹ ಹಾನಿಕಾರಕ ಪದಾರ್ಥಗಳನ್ನು ಆಹಾರದಿಂದ ತೆಗೆದುಹಾಕುವುದು ಮತ್ತು ಆರೋಗ್ಯಕರ ಆಹಾರ ಸೇವಿಸುವುದಾಗಿದೆ. ಪಿತ್ತಜನಕಾಂಗವನ್ನು ಆರೋಗ್ಯವಾಗಿಡಲು 7 ದಿನಗಳ ಆಹಾರ ಯೋಜನೆಯನ್ನು ಅನುಸರಿ ಎಂದು ತಜ್ಞರು ಈ ಕೆಳಗಿನ ಸಲಹೆ ನೀಡಿದ್ದಾರೆ.
ಪಿತ್ತಜನಕಾಂಗದ ಶುದ್ಧೀಕರಣಕ್ಕಾಗಿ ಆಹಾರವನ್ನು ಸೇವಿಸಿ (ದಿನ 1) ಹಣ್ಣು, ತರಕಾರಿ ಮತ್ತು ದ್ವಿದಳ ಧಾನ್ಯಗಳನ್ನು ಸೇವಿಸಿ. ಅವು ಗ್ಲುಟಾಥಿಯೋನ್ ಅನ್ನು ಹೊಂದಿರುತ್ತವೆ. ಇದು ಪಿತ್ತಜನಕಾಂಗದ ಟಾಕ್ಸಿನ್-ಕ್ಲಿಯರಿಂಗ್ ಕಿಣ್ವಗಳನ್ನು ಹೆಚ್ಚಿಸುತ್ತದೆ.
ಪಿತ್ತಜನಕಾಂಗವನ್ನು ಪೋಷಿಸಿ (ದಿನ 2) ಎಲೆಕೋಸು, ಹೂಕೋಸು, ಈರುಳ್ಳಿ, ಬೆಳ್ಳುಳ್ಳಿ ಎಲೆಗಳು, ಸಿಟ್ರಸ್ ಹಣ್ಣುಗಳು, ನಟ್ಸ್, ಸೊಪ್ಪು, ತರಕಾರಿಗಳನ್ನು ಸೇವಿಸಿ. ಅವುಗಳಲ್ಲಿ ಆಂಟಿಆಕ್ಸಿಡೆಂಟ್‌ಗಳು ಮತ್ತು ಫೈಬರ್ ಇರುತ್ತದೆ.
ಕರುಳನ್ನು ಬಲಗೊಳಿಸಿ (ದಿನ 3) ಮೊಸರು, ಇಡ್ಲಿ, ಚೀಸ್ ನಂತಹ ಹುದುಗಿಸಿದ ಆಹಾರಗಳಲ್ಲಿ ಪ್ರಯೋಜನಕಾರಿ ಬ್ಯಾಕ್ಟೀರಿಯಾ ಇರುತ್ತದೆ. ಇದು ಜೀರ್ಣಕ್ರಿಯೆ ಮತ್ತು ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ ಮತ್ತು ಪಿತ್ತಜನಕಾಂಗದ ಆರೋಗ್ಯ ಕಾಪಾಡುತ್ತದೆ.
ಜೀವನಶೈಲಿಯಲ್ಲಿ ಬದಲಾವಣೆ (ದಿನ 4) ನಿದ್ರೆ, ದಿನಚರಿ ಮತ್ತು ತಿನ್ನುವ ಸಮಯವನ್ನು ಹೊಂದಿಸಿಕೊಳ್ಳಿ. ದಿನವೂ ವ್ಯಾಯಾಮ ಮಾಡುವುದು ಪಿತ್ತಜನಕಾಂಗದ ಮೇಲಿನ ಒತ್ತಡವನ್ನು ಕಡಿಮೆ ಮಾಡುತ್ತದೆ.
ಸರಿಯಾದ ಸಮಯಕ್ಕೆ ಊಟ ಮಾಡಿ (ದಿನ 5) ಬೆಳಿಗ್ಗೆ 10.30 ಒಳಗೆ ತಿಂಡಿ ತಿನ್ನಿ ಮತ್ತು ಸಂಜೆ 6.30 ಕ್ಕೆ ಮಿತ ಆಹಾರ ಸೇವಿಸಿ. ಸರಿಯಾದ ಸಮಯಕ್ಕೆ ಊಟ ಮಾಡುವ ಅಭ್ಯಾಸ ಮಾಡಿಕೊಳ್ಳಿ. ಇದು ಚಯಾಪಚಯವನ್ನು ಸುಧಾರಿಸುತ್ತದೆ.
ಹಾಲಿಗೆ ಅರಿಶಿಣ ಬೆರೆಸಿ ಕುಡಿಯಿರಿ (ದಿನ 6) ಅರಿಶಿಣವು ಉತ್ಕರ್ಷಣ ನಿರೋಧಕ ಮತ್ತು ಉರಿಯೂತದ ಲಕ್ಷಣವನ್ನು ದೂರ ಮಾಡುತ್ತದೆ. ಇದು ಪಿತ್ತಜನಕಾಂಗವನ್ನು ಸಕ್ರಿಯವಾಗಿರಿಸುತ್ತದೆ. ಅಲ್ಲದೆ ಜೀರ್ಣಕ್ರಿಯೆಯನ್ನು ಸುಧಾರಿಸುತ್ತದೆ.
ಬೆವರು ಹರಿಸಿ (ದಿನ 7) ಬೆವರುವಿಕೆಯನ್ನು ಹೆಚ್ಚಿಸಿ. ಇದಕ್ಕಾಗಿ ವಾಕಿಂಗ್, ಸೈಕ್ಲಿಂಗ್, ಓಡುವುದನ್ನು ಅಭ್ಯಾಸ ಮಾಡಿಕೊಳ್ಳಿ.
ಈ ಯೋಜನೆಯ ಪ್ರಯೋಜನಗಳು ಈ 7 ದಿನದ ಪ್ರಕ್ರಿಯೆಯು ಶಕ್ತಿಯನ್ನು ಹೆಚ್ಚಿಸುತ್ತದೆ. ಚರ್ಮ ಮತ್ತು ಜೀರ್ಣಾಂಗ ವ್ಯವಸ್ಥೆಯನ್ನು ಸುಧಾರಿಸುತ್ತದೆ. ಇದರಿಂದಾಗಿ ಆಮ್ಲಜನಕ ಪಿತ್ತಜನಕಾಂಗ ಮತ್ತು ಹೃದಯವನ್ನು ತಲುಪುತ್ತದೆ. ಬೆವರು ವಿಷವನ್ನು ವೇಗವಾಗಿ ಹೊರಹಾಕುತ್ತದೆ. ಸಂಸ್ಕರಿಸಿದ ಆಹಾರ, ಸಕ್ಕರೆ, ಉಪ್ಪು, ಕೆಫೀನ್ ಕಡಿಮೆ ಮಾಡುತ್ತದೆ. ಅಲ್ಲದೆ ಕೀಲು ಮತ್ತು ಸ್ನಾಯು ನೋವು ಕಡಿಮೆಯಾಗುತ್ತದೆ. ಮಾನಸಿಕ ಮತ್ತು ದೈಹಿಕ ಸಮತೋಲನವನ್ನು ಒಂದು ವಾರದ ಈ ಕ್ರಮ ಸುಧಾರಿಸುತ್ತದೆ.
Health Benefits: ಕಿಡ್ನಿ ಸಮಸ್ಯೆ ಉಂಟಾದ ಮೇಲೆ ಪರಿಹಾರ ಹುಡುಕುವ ಬದಲು, ಪ್ರತಿದಿನ ಡಿಟಾಕ್ಸ್ ಮಾಡಿ ಕುಡಿಯಿರಿ
