ಅಲ್​ಝೈಮರ್​, ಕ್ಯಾನ್ಸರ್​ ನಿಯಂತ್ರಣಕ್ಕೆ ಅಣಬೆ!

ಬೆಂಗಳೂರು, ಫೆಬ್ರವರಿ 26: ಮನುಷ್ಯನ ನೆನಪಿನ ಶಕ್ತಿ ಕುಂದಿಸುವ ಅಲ್​ಝೈಮರ್​ (Alzheimer), ಕ್ಯಾನ್ಸರ್ (Cancer) ನಿಯಂತ್ರಣಕ್ಕೆ ಮತ್ತು ಕ್ಯಾಲ್ಸಿಯಂ ಕೊರತೆ ನೀಗಿಸಲು ಬಹು ಔಷಧೀಯ ಗುಣಗಳುಳ್ಳ ಅಣಬೆ (Mushroom) ಬಂದಿವೆ. ಮೆದುಳಿನ ನರ ಕೋಶಗಳು ಸತ್ತಾಗ ಮೆದುಳು ಮತ್ತು ನರಮಂಡಲದ ಮೇಲೆ ಪರಿಣಾಮ ಬೀರಿ ಉಂಟಾಗುವ ಮರೆವಿನ ಕಾಯಿಲೆಯಾದ ಆಲ್​ಝೈಮರ್​ ಅನ್ನು ನಿಯಂತ್ರಣದಲ್ಲಿಡುವುದು ಹಾಗೂ ನರ ಕೋಶಗಳನ್ನು ತೀರಾ ಹಾನಿಗೊಳಗಾದಂತೆ ತಡೆಯಲು ಲಯನ್ಸ್​ ಮೇನ್​ ಹೆಸರಿನ ಅಣಬೆಯನ್ನು ಭಾರತೀಯ ತೋಟಗಾರಿಕಾ ಸಂಶೋಧನಾ ಸಂಸ್ಥೆ  (ಐಐಹೆಚ್​ಆರ್)​ ಅಭಿವೃದ್ಧಿಪಡಿಸಿದೆ.

ಹಾನಿಗೊಳಗಾಗುವ ನಗರಗಳಿಗೆ ಬಲ ತುಂಬ ಪೋಷಕಾಂಶಗಳು ಈ ಅಣಬೆಯಲ್ಲಿವೆ. ಇನ್ನು, ದೇಹದಲ್ಲಿ ಕ್ಯಾಲ್ಸಿಯಂ ಕೊರತೆ ಕುಂಡುಬಂದಲ್ಲಿ ಎಲ್ಮ್​ಆಯಿಸ್ಟರ್​​ ಎಂಬ ಅಣಬೆಗಳನ್ನು ನಿಯಮಿತವಾಗಿ ಸೇವಿಸಿದರೆ ಕ್ಯಾಲ್ಸಿಯಂ ಸಮ ಸ್ಥಿತಿಗೆ ಬರುತ್ತದೆ ಎಂದು ವರದಿಯಾಗಿದೆ.

ಕ್ಯಾನ್ಸರ್​ ಅನ್ನು ನಿಯಂತ್ರಣದಲ್ಲಿಡುವ ಹಾಗೂ ಕ್ಯಾನ್ಸರ್​ ರೋಗಿಗಳಿಗೆ ರೋಗ ನಿರೋಧಕ ಶಕ್ತಿ ಹೆಚ್ಚಿಸುವ ವಿಶಿಷ್ಟ ಗುಣಗಳುಳ್ಳ, ಜೊತೆಗೆ ದೇಹದಲ್ಲಿನ ಕೊಬ್ಬನ್ನು ನಿಯಂತ್ರಿಸುವ ಅಣಬೆ ಶಿಥಾಕೆ. ಕೀಮೋಥೆರಪಿ ಮಾಡಿಸಿಕೊಳ್ಳವ ಕ್ಯಾನ್ಸರ್​ ರೋಗಗಳಲ್ಲಿ ರೋಗ ನಿರೋಧಕ ಶಕ್ತಿ ಹೆಚ್ಚಿಸಲು ಇದು ಸಹಕಾರಿಯಾಗಿದೆ. ಇನ್ನು, ಅಣಬೆಯಲ್ಲಿ ಡಿ ವಿಟಮಿನ್​ ಇದ್ದು, ಡಯಾಬಿಟೀಸ್​ ನಿಯಂತ್ರಣಕ್ಕೂ ಉತ್ತಮವಾಗಿದೆ. ಇದರ ಜೊತೆಗೆ ಕಿಂಗ್​ ಆಯಿಸ್ಟ್ರರ್​ ಹೆಸರಿನ ಅಣಬೆಯೂ ಎಲ್ಲರಿಗೆ ಅಚ್ಚುಮೆಚ್ಚಾಗಿದೆ.

ಇದನ್ನೂ ಓದಿ: ಮಕ್ಕಳಲ್ಲಿ ಮಧುಮೇಹ ಬರದಂತೆ ತಡೆಯಲು ಈ ಸಲಹೆಗಳನ್ನು ಪಾಲಿಸಿ

ಸಾಮಾನ್ಯವಾಗಿ ಎಲ್ಲ ಬಗೆಯ ಅಣಬೆಗಳಲ್ಲಿ ಆರೋಗ್ಯಕ್ಕೆ ಪೂರಕವಾದ ಔಷಧೀಯ ಗುಣಗಳಿವೆ. ನಾರಿನಾಂಶ, ಪೊಟ್ಯಾಸಿಯಣ, ವಿಟಮಿನ್​ ಡಿ ಮತ್ತು ಪ್ರೊಟೀನ್​ಗಳು ಹೇರಳವಾಗಿವೆ.

ಆರೋಗ್ಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ

Published On - 12:32 pm, Wed, 26 February 25