ಋತುಚಕ್ರ ಸಮಸ್ಯೆಯಿಂದ ಹೊರಬರಲು ಈ 5 ಯೋಗಾಸನಗಳು ಸಹಕಾರಿ

ಋತುಚಕ್ರದ ಸಮಸ್ಯೆಯಿಂದ ಹೊರಬರಲು ಸಹಾಯವಾಗುವ ಐದು ಯೋಗಾಸನಗಳ ಪಟ್ಟಿಯನ್ನು ಈ ಕೆಳಗೆ ಕೊಡಲಾಗಿದೆ. ಈ ಯೋಗಾಸನಗಳನ್ನು ಮಾಡುವುದರಿಂದ ಋತುಚಕ್ರ ಸಮಸ್ಯೆಗೆ ಪರಿಹಾರ ಕಂಡುಕೊಳ್ಳಬಹುದು.

ಸಾಂದರ್ಭಿಕ ಚಿತ್ರ

TV9 Web | Updated By: ganapathi bhat
Updated on:Apr 06, 2022 | 7:19 PM

ಬಹಳಷ್ಟು ಮಹಿಳೆಯರು ಋತುಚಕ್ರ ಸಂದರ್ಭದಲ್ಲಿ ನೋವು, ಕಿರಿಕಿರಿ ಅನುಭವಿಸುತ್ತಾರೆ. ಕೆಲವೊಮ್ಮೆ ಋತುಚಕ್ರ ಸರಿಯಾದ ಸಮಯದಲ್ಲಿ ಆಗದೆ ಸಮಸ್ಯೆ ಅನಿಸುವುದು ಕೂಡ ಇದೆ. ಸಾಮಾನ್ಯವಾಗಿ ಋತುಚಕ್ರವು 28 ದಿನಗಳ ಆವರ್ತದಲ್ಲಿ ಆಗುತ್ತದೆ. ಆದರೆ, ಕೆಲವೊಮ್ಮೆ 21ರಿಂದ 38 ದಿನಗಳವರೆಗೆ ವ್ಯತ್ಯಾಸ ಉಂಟಾಗುವುದು ಕೂಡ ಇದೆ. 35 ದಿನಗಳಿಗೂ ಹೆಚ್ಚು ಕಾಲ ಋತುಚಕ್ರ ಸಂಭವಿಸದಿದ್ದರೆ ಅಥವಾ 21 ದಿನಗಳಲ್ಲೇ ಋತುಚಕ್ರ ಸಂಭವಿಸಿದರೆ ಸಮಸ್ಯೆ ಎನ್ನಬಹುದು ಎಂದು ತಜ್ಞರು ವಿವರಿಸಿದ್ದಾರೆ.

ಇಂತಹ ವ್ಯತ್ಯಾಸಗಳು ಅಪರೂಪಕ್ಕೊಮ್ಮೆ ಕಂಡುಬಂದರೆ ಅದನ್ನು ಸಹಜ ಎಂದು ಪರಿಗಣಿಸಬಹುದು. ಆದರೆ, ಪ್ರತಿಬಾರಿ ಹೀಗೆಯೇ ಆದರೆ ವೈದ್ಯರನ್ನು ಸಂಪರ್ಕಿಸುವುದು ಉತ್ತಮ. ಋತುಚಕ್ರದಲ್ಲಿ ಸಮಸ್ಯೆ ಹಾರ್ಮೋನುಗಳ ವ್ಯತ್ಯಾಸದಿಂದ ಆಗಬಹುದು. ಬರ್ತ್ ಕಂಟ್ರೋಲ್ ಔಷಧ ಮತ್ತಿತರ ಮಾತ್ರೆಗಳನ್ನು ಸ್ವೀಕರಿಸುವುದರಿಂದಲೂ ಆಗಬಹುದು. ಥೈರಾಯ್ಡ್ ಸಮಸ್ಯೆ, ಅತಿಯಾದ ಒತ್ತಡದಿಂದಲೂ ಋತುಚಕ್ರದ ತೊಂದರೆ ಆಗಬಹುದು.

ಈ ಎಲ್ಲಾ ಸಮಸ್ಯೆಗಳನ್ನು ಸರಿದೂಗಿಸಲು ಯೋಗಾಭ್ಯಾಸದಿಂದ ಸಾಧ್ಯ ಎಂಬುದು ತಜ್ಞರ ಅಭಿಪ್ರಾಯ. ಅಸಮರ್ಪಕ ಋತುಚಕ್ರದಿಂದ ಹೊರಬರಲು ಸಹಾಯವಾಗುವ ಐದು ಯೋಗಾಸನಗಳ ಪಟ್ಟಿಯನ್ನು ಈ ಕೆಳಗೆ ಕೊಡಲಾಗಿದೆ. ಈ ಯೋಗಾಸನಗಳನ್ನು ಮಾಡುವುದರಿಂದ ಋತುಚಕ್ರ ಸಮಸ್ಯೆಗೆ ಪರಿಹಾರ ಕಂಡುಕೊಳ್ಳಬಹುದು.

View this post on Instagram

A post shared by Dr Dixa Bhavsar (@drdixa_healingsouls)

ಸೂರ್ಯ ನಮಸ್ಕಾರ ಸೂರ್ಯ ನಮಸ್ಕಾರವು ದೇಹದ ಸ್ನಾಯುಗಳು, ಮೂಳೆ ಮತ್ತು ಸ್ನಾಯು ಸಂಧಿಗಳಿಗೆ ವ್ಯಾಯಾಮ ಆಗುವುದಲ್ಲದೆ ಹಾರ್ಮೋನುಗಳನ್ನೂ ನಿಯಂತ್ರಿಸುತ್ತದೆ. ನಿಯಮಿತವಾಗಿ ಸೂರ್ಯ ನಮಸ್ಕಾರ ಯೋಗಾಭ್ಯಾಸ ಮಾಡುವುದರಿಂದ ಋತುಚಕ್ರ ಸಮಸ್ಯೆಯನ್ನು ದೂರೀಕರಿಸಬಹುದು. ಸೂರ್ಯನಮಸ್ಕಾರದ 12 ಆಸನಗಳನ್ನು ಸರಿಯಾಗಿ ಅಭ್ಯಾಸ ಮಾಡಿ, ಅಳವಡಿಸುವುದು ಅವಶ್ಯಕ.

ಸೂರ್ಯನಮಸ್ಕಾರ

ಕಪಾಲಭಾತಿ ಪ್ರಾಣಾಯಾಮ ಅಥವಾ ಪ್ರಾಣಾಯಾಮದ ಒಂದು ಅಂಗವಾದ ಕಪಾಲಭಾತಿಯು ಋತುಚಕ್ರ ಸಂಬಂಧಿ ಸಮಸ್ಯೆಗಳನ್ನು ದೂರೀಕರಿಸಲು ಸೂಕ್ತ ಅಂಶವಾಗಿದೆ. ನಿಧಾನವಾಗಿ, ಸಹಜವಾಗಿ ಉಸಿರನ್ನು ಒಳಗೆ ತೆಗೆದುಕೊಳ್ಳುವುದು ಮತ್ತು ವೇಗವಾಗಿ, ಬಲವಾಗಿ ಉಸಿರು ಹೊರಹಾಕುವುದನ್ನು ಕಪಾಲಭಾತಿ ಎನ್ನುತ್ತಾರೆ. ಈ ವಿಧಾನವನ್ನು ಕೂಡ ಸರಿಯಾಗಿ ಕಲಿತು, ಅಳವಡಿಸಿಕೊಳ್ಳುವುದು ಅವಶ್ಯಕ.

ಪ್ರಾಣಾಯಾಮ

ಭದ್ರಾಸನ ಅಥವಾ ಬಟರ್ಫ್ಲೈ ಪೋಸ್ ಕಾಲುಗಳನ್ನು ಮಡಚಿ ಚಿಟ್ಟೆಯ ರೆಕ್ಕೆ ಕಾಣುವಂತೆ ಕೂರುವ ಕ್ರಮವನ್ನು ಭದ್ರಾಸನ ಅಥವಾ ಬಟರ್ಫ್ಲೈ ಪೋಸ್ ಎನ್ನುತ್ತಾರೆ. ಹೀಗೆ ಮಾಡುವುದರಿಂದ ಕಾಲು, ಬೆನ್ನುಮೂಳೆ ಆರೋಗ್ಯ ವೃದ್ಧಿಯಾಗುತ್ತದೆ.

ಭದ್ರಾಸನ

ಧನುರ್ಆಸನ ಧನುರ್ಆಸನ ಬೆನ್ನುಮೂಳೆಯನ್ನು ಬೆಂಡಾಗಿಸುವ ಬಹುಮುಖ್ಯ ಯೋಗಾಸನ ಪ್ರಕಾರವಾಗಿದೆ. ನಿಯಮಿತವಾಗಿ ಧನುರ್ಆಸನ ಅಭ್ಯಾಸ ಮಾಡುವುದರಿಂದ ಬೆನ್ನುಮೂಳೆಗೆ ವ್ಯಾಯಾಮ ಸಿಗುತ್ತದೆ. ಋತುಚಕ್ರದ ಸಂದರ್ಭದಲ್ಲಿ ಉಂಟಾಗುವ ಸಮಸ್ಯೆಗಳು ದೂರಾಗುತ್ತವೆ.

ಧನುರ್ಆಸನ

ವಜ್ರಾಸನ ವಜ್ರಾಸನವು ಗ್ಯಾಸ್ ಟ್ರಬಲ್ ಅಥವಾ ಅಸಿಡಿಟಿ ಮತ್ತು ಪಚನಕ್ರಿಯೆಯ ಸಮಸ್ಯೆಗಳನ್ನು ದೂರಮಾಡುತ್ತದೆ. ಜತೆಗೆ, ಋತುಚಕ್ರದ ವಿಚಾರಕ್ಕೆ ಸಂಬಂಧಪಟ್ಟ ಸಮಸ್ಯೆಗಳು ಕೂಡ ಕಡಿಮೆಯಾಗುತ್ತದೆ.