Toyota: ವಿಶ್ವದ ಅತಿ ದೊಡ್ಡ ಕಾರು ತಯಾರಕ ಆಗಿ ಸತತ ಎರಡನೇ ವರ್ಷ ದಾಖಲೆ ಬರೆದ ಟೊಯೊಟಾ

Toyota: ವಿಶ್ವದ ಅತಿ ದೊಡ್ಡ ಕಾರು ತಯಾರಕ ಆಗಿ ಸತತ ಎರಡನೇ ವರ್ಷ ದಾಖಲೆ ಬರೆದ ಟೊಯೊಟಾ
ಸಾಂದರ್ಭಿಕ ಚಿತ್ರ

ಸತತ ಎರಡನೇ ವರ್ಷ ವಿಶ್ವದ ಅತಿ ದೊಡ್ಡ ಕಾರು ತಯಾರಿಕಾ ಸಂಸ್ಥೆಯಾಗಿ ಟೊಯೊಟಾ ಹೊರಹೊಮ್ಮಿದೆ. ಎರಡನೇ ಸ್ಥಾನದಲ್ಲಿ ಫೋಕ್ಸ್​ವ್ಯಾಗನ್ ಇದೆ.

TV9kannada Web Team

| Edited By: Srinivas Mata

Jan 28, 2022 | 1:45 PM

ಜಪಾನ್​ನ ಟೊಯೊಟಾ (Toyota) ಕಂಪೆನಿಯು ಶುಕ್ರವಾರ ತಿಳಿಸಿರುವ ಪ್ರಕಾರ, ಕಳೆದ ವರ್ಷ ವಾಹನ ಮಾರಾಟ ಶೇ 10.1ರಷ್ಟು ಏರಿಕೆ ಆಗಿದೆ. ಆ ಮೂಲಕ ಸತತ ಎರಡನೇ ವರ್ಷ ವಿಶ್ವದ ಅತಿದೊಡ್ಡ ಕಾರು ತಯಾರಕ ಎನಿಸಿಕೊಂಡಿದೆ. ತನ್ನ ಸಮೀಪ ಪ್ರತಿಸ್ಪರ್ಧಿಯಾದ ಜರ್ಮನಿಯ ಫೋಕ್ಸ್​ವ್ಯಾಗನ್ ಎಜಿ ಜತೆಗಿನ ಅಂತರವನ್ನು ಹೆಚ್ಚಿಸಿಕೊಂಡಿದೆ. ಕಾರು ತಯಾರಿಕೆ ಸಂಸ್ಥೆ ಟೊಯೊಟಾದಿಂದ ಮಾತನಾಡಿ, 2021ರಲ್ಲಿ 10.5 ಮಿಲಿಯನ್ ವಾಹನಗಳ ಮಾರಾಟ ಮಾಡಲಾಗಿದೆ. ಇದರಲ್ಲಿ ದಹಿಟ್ಸು ಮೋಟಾರ್ಸ್ ಮತ್ತು ಹಿನೋ ಮೋಟಾರ್ಸ್ ಸಹ ಒಳಗೊಂಡಿದೆ. ಫೋಕ್ಸ್​ವ್ಯಾಗನ್ ಇದೇ ಅವಧಿಯಲ್ಲಿ 8.9 ಮಿಲಿಯನ್ ಮಾರಾಟ ಮಾಡಿದೆ. 2020ರಲ್ಲಿನ ಮಾರಾಟಕ್ಕೆ ಹೋಲಿಸಿದರೆ ಶೇ 5ರಷ್ಟು ಕಡಿಮೆ ಆಗಿದ್ದು, ಮಾರಾಟವು ಹತ್ತು ವರ್ಷಗಳಲ್ಲೇ ಕನಿಷ್ಠ ಮಟ್ಟಕ್ಕೆ ಇಳಿದಿದೆ.

ಕೊರೊನಾ ಸಾಂಕ್ರಾಮಿಕದ ಹಿನ್ನೆಲೆಯಲ್ಲಿ ಸಪ್ಲೈಚೈನ್ ಅಸ್ತವ್ಯಸ್ತಗೊಂಡಿದ್ದರಿಂದ ಅರೆವಾಹಕಗಳು (ಸೆಮಿಕಂಡಕ್ಟರ್ಸ್​) ಕೊರತೆ ಬಿದ್ದು, ಉತ್ಪಾದನೆ ಕಡಿಮೆ ಮಾಡಬೇಕಾಯಿತು. ಪ್ರಮುಖ ಬಿಡಿ ಭಾಗದ ಬೇಡಿಕೆಯು ಗ್ರಾಹಕ ಎಲೆಕ್ಟ್ರಾನಿಕ್ ಸಾಧನಗಳಿಗೆ ಜಾಸ್ತಿ ಆಗಿದ್ದರಿಂದ ಇಂಥ ಸನ್ನಿವೇಶ ಸೃಷ್ಟಿಯಾಯಿತು. ಅಂದಹಾಗೆ ಸೆಮಿಕಂಡಕ್ಟರ್ಸ್​ಗಳನ್ನು ಎಲೆಕ್ಟ್ರಾನಿಕ್ ಸಾಧನಗಳಲ್ಲೂ ಬಳಸಲಾಗುತ್ತದೆ. ಆದರೆ ಕೊರೊನಾ ಬಿಕ್ಕಟ್ಟಿನ ಸಂದರ್ಭದಲ್ಲಿ ಉಳಿದ ಕಾರು ತಯಾರಕ ಕಂಪೆನಿಗಳಿಗಿಂತ ಈ ಜಪಾನೀಸ್ ಕಂಪೆನಿಯ ಸ್ಥಿತಿ ಉತ್ತಮವಾಗಿದೆ. ಅದಕ್ಕೆ ಕಾರಣವಾಗಿದ್ದು ಅದರ ತವರು ಮಾರುಕಟ್ಟೆ. ಜಪಾನ್ ಮತ್ತು ಏಷ್ಯಾದ ಭಾಗಗಳು ಯುರೋಪ್​ಗಿಂತ ಕಡಿಮೆ ಪ್ರಭಾವಕ್ಕೆ ಒಳಗಾಗಿವೆ.

ಟೊಯೊಟಾ ಮೂರನೇ ತ್ರೈಮಾಸಿಕ ಗಳಿಕೆಯನ್ನು ಫೆಬ್ರವರಿ 9ನೇ ತಾರೀಕಿನಂದು ಬಿಡುಗಡೆ ಮಾಡಿದೆ. ಕೊವಿಡ್​ 19ಗೆ ಸಂಬಂಧಿಸಿದ ಸಮಸ್ಯೆಯ ಕಾರಣಗಳಿಗೆ ಮಾರ್ಚ್​ 31ಕ್ಕೆ ಕೊನೆಯಾಗುವ ಬಿಜಿನೆಸ್​ ವರ್ಷಕ್ಕೆ 90 ಲಕ್ಷದ ಉತ್ಪಾದನೆಯ ಗುರಿಯನ್ನು ಮುಟ್ಟುವುದಿಲ್ಲ ಎಂದು ಹೇಳಿದೆ. ಕೊವಿಡ್19 ಕಾರಣದಿಂದ ಕಳೆದ ಕೆಲ ಸಮಯದಿಂದ ವಾಹನ ಕ್ಷೇತ್ರವು ಸಂಕಷ್ಟ ಎದುರಿಸುತ್ತಿದೆ. ಹೆಚ್ಚುತ್ತಿರುವ ಇನ್​ಪುಟ್​ ವೆಚ್ಚವೂ ಸೇರಿಕೊಂಡು ಪದೇ ಪದೇ ಬೆಲೆ ಏರಿಕೆಯನ್ನು ಮಾಡುವಂತೆ ಆಗಿದೆ.

ಇದನ್ನೂ ಓದಿ: Hilux booking In India: ಟೊಯೊಟಾದಿಂದ ಲೈಫ್ ಸ್ಟೈಲ್ ಯುಟಿಲಿಟಿ ವೆಹಿಕಲ್ – ಹಿಲಕ್ಸ್ ಬುಕ್ಕಿಂಗ್ ಆರಂಭ

Follow us on

Related Stories

Most Read Stories

Click on your DTH Provider to Add TV9 Kannada