Tata Motors: ಟಾಟಾ ಪ್ರಯಾಣಿಕರ ವಾಹನಗಳ ಬೆಲೆಯಲ್ಲಿ ಅಲ್ಪ ಪ್ರಮಾಣದ ಏರಿಕೆ ಜ. 19ರಿಂದ ಜಾರಿಗೆ

Tata Motors: ಟಾಟಾ ಪ್ರಯಾಣಿಕರ ವಾಹನಗಳ ಬೆಲೆಯಲ್ಲಿ ಅಲ್ಪ ಪ್ರಮಾಣದ ಏರಿಕೆ ಜ. 19ರಿಂದ ಜಾರಿಗೆ
ಸಾಂದರ್ಭಿಕ ಚಿತ್ರ

ಇನ್​ಪುಟ್​ ವೆಚ್ಚದ ಹೆಚ್ಚಳದ ಹಿನ್ನೆಲೆಯಲ್ಲಿ ಟಾಟಾ ಮೋಟಾರ್ಸ್ ಅಲ್ಪ ಪ್ರಮಾಣದಲ್ಲಿ ಬೆಲೆ ಏರಿಕೆ ಮಾಡಿದೆ. ಜನವರಿ 19, 2022ರಿಂದ ಜಾರಿಗೆ ಬರಲಿದೆ.

TV9kannada Web Team

| Edited By: Srinivas Mata

Jan 18, 2022 | 2:38 PM

ಭಾರತದ ಪ್ರಮುಖ ಕಾರು ತಯಾರಕ ಕಂಪೆನಿಗಳಲ್ಲಿ ಒಂದಾದ ಟಾಟಾ ಮೋಟಾರ್ಸ್ (Tata Motors) ಜನವರಿ 18ನೇ ತಾರೀಕಿನ ಮಂಗಳವಾರದಂದು ತನ್ನ ಪ್ರಯಾಣಿಕ ವಾಹನಗಳಿಗೆ ಅಲ್ಪ ಬೆಲೆ ಏರಿಕೆಯನ್ನು (Price hike) ಘೋಷಿಸಿದ್ದು, ಜನವರಿ 19ನೇ ತಾರೀಕಿನ ಬುಧವಾರದಿಂದ (ನಾಳೆಯಿಂದ) ಜಾರಿಗೆ ಬರುವಂತೆ ಕಂಪೆನಿಯು ಕೆಲವು ಪ್ರಮಾಣದಲ್ಲಿ ಇನ್‌ಪುಟ್ ವೆಚ್ಚಗಳ ಏರಿಕೆಯನ್ನು ಗ್ರಾಹಕರಿಗೆ ವರ್ಗಾಯಿಸುತ್ತದೆ. ವೇರಿಯಂಟ್ ಮತ್ತು ಮಾದರಿಯನ್ನು ಅವಲಂಬಿಸಿ ಸರಾಸರಿ ಶೇಕಡಾ 0.9ರಷ್ಟು ಹೆಚ್ಚಳವನ್ನು ಅಳವಡಿಸಲಾಗುವುದು ಎಂದು ಕಂಪೆನಿಯು ಹೇಳಿಕೆಯಲ್ಲಿ ತಿಳಿಸಿದೆ. ಗ್ರಾಹಕರ ಪ್ರತಿಕ್ರಿಯೆಗೆ ಅನುಗುಣವಾಗಿ ಕಂಪೆನಿಯು ಕೆಲವು ವೇರಿಯಂಟ್​ಗಳ ಬೆಲೆಗಳನ್ನು 10,000 ರೂಪಾಯಿವರೆಗೆ ಕಡಿಮೆ ಮಾಡಿದೆ ಎಂದು ಅದು ಹೇಳಿದೆ.

“ಕಂಪೆನಿಯು ಹೆಚ್ಚಿದ ವೆಚ್ಚಗಳ ಗಮನಾರ್ಹ ಭಾಗವನ್ನು ಭರಿಸುತ್ತಿರುವಾಗ, ಒಟ್ಟಾರೆ ಇನ್​ಪುಟ್ ವೆಚ್ಚಗಳಲ್ಲಿನ ತೀವ್ರ ಏರಿಕೆಯು ಈ ಕನಿಷ್ಠ ಬೆಲೆ ಏರಿಕೆಯ ಮೂಲಕ ಕೆಲವು ಪ್ರಮಾಣವನ್ನು ಗ್ರಾಹಕರಿಗೆ ವರ್ಗಾಯಿಸುವುದು ಅನಿವಾರ್ಯ ಎಂಬಂತೆ ಆಗಿದೆ” ಎಂದು ಸಂಸ್ಥೆಯು ಸೇರಿಸಿದೆ. ಜನವರಿ 18 ಅಥವಾ ಅದಕ್ಕಿಂತ ಮೊದಲು ಮಾಡಿದ ಬುಕಿಂಗ್‌ಗಳ ಮೇಲೆ ಬೆಲೆ ಏರಿಕೆಯ ಯಾವುದೇ ಪರಿಣಾಮ ಬೀರುವುದಿಲ್ಲ ಎಂದು ಕಂಪೆನಿ ಸ್ಪಷ್ಟಪಡಿಸಿದೆ.

ಇತ್ತೀಚೆಗೆ ಜನವರಿ 15ರಂದು ಮಾರುತಿ ಸುಜುಕಿ ಇಂಡಿಯಾ ತನ್ನ ವಿವಿಧ ಕಾರು ಮಾದರಿಗಳ ಬೆಲೆಗಳನ್ನು ಶೇಕಡಾ 4.3ರಷ್ಟು ಹೆಚ್ಚಿಸಿದೆ ಎಂದು ಹೇಳಿದ್ದು, ಇನ್‌ಪುಟ್ ವೆಚ್ಚದಲ್ಲಿನ ಏರಿಕೆಯ ಪರಿಣಾಮವನ್ನು ಭಾಗಶಃ ಸರಿದೂಗಿಸುತ್ತದೆ. ವಿವಿಧ ಇನ್‌ಪುಟ್ ವೆಚ್ಚಗಳ ಹೆಚ್ಚಳದಿಂದಾಗಿ ಕಂಪೆನಿಯು ತನ್ನ ಮಾದರಿಗಳಾದ್ಯಂತ ಬೆಲೆಗಳನ್ನು ಶೇ 0.1ರಿಂದ ಶೇ 4.3ರ ವರೆಗೆ ಹೆಚ್ಚಿಸಿದೆ.

ಇದನ್ನೂ ಓದಿ: Tata Motors: ಟಾಟಾ ಮೋಟಾರ್ಸ್​​ನಿಂದ 2022ರ ಜನವರಿಯಿಂದ ವಾಣಿಜ್ಯ ವಾಹನಗಳ ಬೆಲೆ ಏರಿಕೆ

Follow us on

Related Stories

Most Read Stories

Click on your DTH Provider to Add TV9 Kannada