ಸಿಲಿಕಾನ್ ಸಿಟಿಗೆ ಮತ್ತೊಂದು ಗರಿ: ವಿಶ್ವದಲ್ಲೇ ಬೆಂಗಳೂರಿಗೆ 14ನೇ ಸ್ಥಾನ

ಬೆಂಗಳೂರು, ಜೂನ್​ 14: ಸಿಲಿಕಾನ್​ ಸಿಟಿ ಎಂಬ ಖ್ಯಾತಿ ಪಡೆದಿರುವ ರಾಜಧಾನಿ ಬೆಂಗಳೂರು (Bengaluru) ಮತ್ತೊಂದು ಹೆಗ್ಗಳಿಕೆಗೆ ಪಾತ್ರವಾಗಿದೆ. ವಿಶ್ವದ ಟಾಪ್​ 20 ಸಾರ್ಟ್​ಪ್​ ಇಕೋಸಿಸ್ಟಂ (Ecosystem) ನಗರಗಳ ಪಟ್ಟಿಯಲ್ಲಿ ಬೆಂಗಳೂರು 14ನೇ ಸ್ಥಾನ ಪಡೆದಿದೆ. ಕಳೆದ ವರ್ಷಕ್ಕೆ ಹೋಲಿಸಿದರೆ ಬೆಂಗಳೂರು ಈ ಬಾರಿ ಏಳು ಸ್ಥಾನ ಜಿಗಿತ ಕಂಡಿದೆ. ಕಳೆದ ವರ್ಷ ಬೆಂಗಳೂರು 21ನೇ ಸ್ಥಾನದಲ್ಲಿತ್ತು. ವಿಶ್ವದ ಟಾಪ್​ 20 ಸ್ಟಾರ್ಟ್​ಅಪ್​ ನಗರಗಳಲ್ಲಿ ಬೆಂಗಳೂರು ಅತಿದೊಡ್ಡ ಜಿಗಿತ ದಾಖಲಿಸದಂತಾಗಿದೆ ಎಂದು ಸ್ಟಾರ್ಟ್​ ಅಪ್​ ಜಿನೋಮ್​ನ ಗ್ಲೋಬಲ್​ ಸ್ಟಾರ್ಟ್​ಅಪ್​ ಇಕೋಸಿಸ್ಟಂ ರಿಪೋರ್ಟ್​ (GSER) 2025ರ ವರದಿ ನೀಡಿದೆ.

ಈ ವರದಿಯಲ್ಲಿ ಸ್ಥಾನ ಪಡೆದ ಭಾರತೀಯ ನಗರಗಳಲ್ಲಿ, ಬೆಂಗಳೂರು ಅಗ್ರಸ್ಥಾನದಲ್ಲಿದೆ. ದೆಹಲಿ 29ನೇ ಸ್ಥಾನದಲ್ಲಿದೆ ಮತ್ತು ಮುಂಬೈ 40ನೇ ಸ್ಥಾನದಲ್ಲಿದೆ. ಜಿಎಸ್​ಇಅಪ್​ ವರದಿ ಪ್ರಕಾರ ಸಿಲಿಕಾನ್ ವ್ಯಾಲಿ ಮೊದಲ, ನ್ಯೂಯಾರ್ಕ್ ಎರಡನೇ ಮತ್ತು ಲಂಡನ್ ಮೂರನೇ ಸ್ಥಾನ ಪಡೆದಿದೆ. ಜಾಗತಿಕವಾಗಿ ಟಾಪ್ 50 AI ನಗರಗಳಲ್ಲಿ ಬೆಂಗಳೂರು ಐದನೇ ಸ್ಥಾನ ಪಡೆದಿದೆ.

ಇದನ್ನೂ ಓದಿ: ಬೆಂಗಳೂರಿನ ಈ ರಸ್ತೆಯಲ್ಲಿ ಮೂರು ತಿಂಗಳು ಸಂಚಾರ ನಿಷೇಧ!

ಕಳೆದ ವರ್ಷ ಅತಿದೊಡ್ಡ ಐಪಿಒಗಳಲ್ಲಿ ಒಂದಾದ ಸ್ವಿಗ್ಗಿಯ, ಗೋಡಿಜಿಟ್‌, ಇಂಡಿಜೀನ್‌ ಮತ್ತು ಬ್ಲ್ಯಾಕ್‌ಬಕ್‌ ಷೇರುಮಾರುಕಟ್ಟೆ ಪ್ರವೇಶಿಸಿದ್ದು ಹಾಗೂ ಡೀಪ್​ಟೆಕ್​ ಇಕೋಸಿಸ್ಟಂ ವಿಚಾರದಲ್ಲಿ ಕರ್ನಾಟಕ ಸರ್ಕಾರ ನೀಡುತ್ತಿರುವ ಪ್ರೋತ್ಸಹದಿಂದ ಈ ಸಾಧನೆ ಯಶಸ್ವಿಯಾಗಿದೆ.

2024ರಲ್ಲಿ ಭಾರತವು ಶತಕೋಟಿ ಡಾಲರ್ ಮೌಲ್ಯದ ಐಪಿಒಗಳ ಸೃಷ್ಟಿಗೆ ಕಾರಣವಾಗಿದೆ. ಸ್ವಿಗ್ಗಿಯು 96 ಸಾವಿರ ಕೋಟಿ ರೂ., ಗೋಡಿಜಿತ್​ 30 ಸಾವಿರ ಕೋಟಿ ರೂ., ಇಂಡಿಜಿನ್​ 1 11 ಸಾವಿರ ಕೋಟಿ ರೂ., ಬ್ಲ್ಯಾಕ್​​ ಬಕ್​ ಕಂಪನಿ 8600 ಕೋಟಿ ರೂ. ಮೌಲ್ಯದ ಐಪಿಒ ಬಿಡುಗಡೆ ಮಾಡಿತ್ತು. ಈ ಮೂಲಕ ಕಂಪನಿಯಲ್ಲಿ ಆರಂಭದಲ್ಲಿ ಹೂಡಿಕೆ ಮಾಡಿದವರಿಗೆ ಭಾರಿ ಲಾಭವಾಗಿತ್ತು. ಇದು ದೇಶದಲ್ಲಿ ಸ್ಟಾರ್ಟ್​ಅಪ್​ಗಳಿಗೆ ಸಿಗುತ್ತಿರುವ ಅತ್ಯುತ್ತಮ ಇಕೋ ಸಿಸ್ಟಂಗೆ ಸಾಕ್ಷಿಯಾಗಿದೆ ಎಂದು ವರದಿಯಲ್ಲಿದೆ.

ಕರ್ನಾಟಕದ ಮತ್ತಷ್ಟು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ