160 ಮೆಟ್ರೋ ಪಿಲ್ಲರ್​ಗಳಿಗೆ ಕಲರ್ ಲೈಟಿಂಗ್ಸ್: ದುಂದುವೆಚ್ಚಕ್ಕೆ ಮುಂದಾದ ಬಿಎಂಆರ್​​ಸಿಎಲ್​, ಪ್ರಯಾಣಿಕರು ಆಕ್ರೋಶ

ಬೆಂಗಳೂರು, ಮೇ 17: ನಮ್ಮ ಮೆಟ್ರೋ ನಿರ್ವಹಣಾ ವೆಚ್ಚ ಹೆಚ್ಚಾಗಿದೆ. ಮೆಟ್ರೋ (Namma Metro) ಲಾಸ್​ನಲ್ಲಿದೆ ಎಂದು ಇತ್ತೀಚೆಗೆ ಟಿಕೆಟ್ ದರವನ್ನು ದುಪ್ಪಟ್ಟು ಏರಿಕೆ ಮಾಡಲಾಗಿತ್ತು. ಆದರೆ ಇದೀಗ ಆ ಹಣವನ್ನು ಬಿಎಂಆರ್​ಸಿಎಲ್​​ (BMRCL) ಅಧಿಕಾರಿಗಳು ಪಿಲ್ಲರ್​​ಗಳಿಗೆ ಕಲರ್ ಲೈಟಿಂಗ್ಸ್ ಹಾಕಿಸುವ ಮೂಲಕ ದುಂದುವೆಚ್ಚಕ್ಕೆ ಮುಂದಾಗಿದ್ದಾರೆಂದು ಪ್ರಯಾಣಿಕರು ಆಕ್ರೋಶ ವ್ಯಕ್ತಪಡಿಸುತ್ತಿದ್ದಾರೆ‌.

ನಮ್ಮ ಮೆಟ್ರೋದ ಕಥೆ ಹೇಗಿದೆ ಅಂದರೆ ಹೊಟ್ಟೆಗೆ ಹಿಟ್ಟಿಲ್ಲ, ಜುಟ್ಟಿಗೆ ಮಲ್ಲಿಗೆ ಹೂವು ಅನ್ನೋ ರೀತಿ ಆಗಿದೆ. ಮೆಟ್ರೋ ಪಿಲ್ಲರ್​ಗಳಿಗೆ ಸುಣ್ಣ ಬಣ್ಣ ಮಾಡಲು ನಮ್ಮ ‌ಮೆಟ್ರೋ ಬಳಿ ಹಣವಿಲ್ವಂತೆ, ಆದರೆ ರಾತ್ರಿ ವೇಳೆ ಪಿಲ್ಲರ್​ಗಳು ಚೆನ್ನಾಗಿ ಕಾಣಿಸಲು ಕಲರ್ ಕಲರ್ ಲೈಟಿಂಗ್ಸ್ ಹಾಕಲು ಮಾತ್ರ ಹಣವಿದೆಯಂತೆ.

ಇದನ್ನೂ ಓದಿ: ಸಕಲೇಶಪುರ–ಸುಬ್ರಹ್ಮಣ್ಯ ಮಾರ್ಗ ಕಾಮಗಾರಿ: 6 ತಿಂಗಳು ಬೆಂಗಳೂರು-ಮಂಗಳೂರಿನ ಕೆಲ ರೈಲುಗಳು ರದ್ದು

ಇದನ್ನೂ ಓದಿ

ಕಾರಿಗೆ ಅಪರೇಷನ್ ಸಿಂಧೂರ್ ಚಿತ್ರಗಳು, ಗಮನಸೆಳೆದ ಬಿಜೆಪಿ ನಾಯಕನ ಥಾರ್

ಬೆಂಗಳೂರು ಏರ್ಪೋರ್ಟಲ್ಲಿ ಟರ್ಕಿಯ ಸೆಲೆಬಿ ಏವಿಯೇಷನ್‌ ಕಾರ್ಯಾಚರಣೆ ಸ್ಥಗಿತ

ಬೂಟಾಟಿಕೆಗೆ 4 ಫ್ಲೈಟ್ ಕಳ್ಸಿದ್ದು ಬಿಟ್ರೆ ಏನೂ ಮಾಡಿಲ್ಲ: ಕಾಂಗ್ರೆಸ್ ಶಾಸಕ

ಹೊನ್ನಾವರದ ವೀಳ್ಯದೆಲೆಗೆ ಪಾಕ್ ದೊಡ್ಡ ಮಾರುಕಟ್ಟೆ! ಆದರೂ ಕಳ್ಸಲ್ಲ ರೈತರು

ಹಸಿರು ಮತ್ತು ನೇರಳೆ ಮಾರ್ಗದ 160 ಮೆಟ್ರೋ ಪಿಲ್ಲರ್​ಗಳಿಗೆ ಲೈಟಿಂಗ್ಸ್ ಹಾಕಲು ಬಿಎಂಆರ್​​ಸಿಎಲ್​ ಟೆಂಡರ್ ಕರೆದಿದೆ. ಎಂಜಿ ರೋಡ್, ಬ್ರಿಗೇಡ್ ರೋಡ್, ಅನಿಲ್ ಕುಂಬ್ಳೆ ಸರ್ಕಲ್ ಸೇರಿದಂತೆ ಬೆಂಗಳೂರಿನ ಹತ್ತು ಹೈಟೆಕ್ ಮತ್ತು ಕ್ಲಾಸ್ ಜಂಕ್ಷನ್​ಗಳಲ್ಲಿ ಈ ಲೈಟಿಂಗ್ಸ್ ಅಳವಡಿಸಲು ನಮ್ಮ ಮೆಟ್ರೋ ಮುಂದಾಗಿದೆ.

ಪ್ರಯಾಣಿಕರು ಆಕ್ರೋಶ 

ಇನ್ನೂ ಮೊದಲ ಹಂತದಲ್ಲಿ ನಗರದ ಹತ್ತು ಜಂಕ್ಷನ್​ಗಳಲ್ಲಿನ ಮೆಟ್ರೋ ಪಿಲ್ಲರ್​ಗಳಿಗೆ ಲೈಟಿಂಗ್ಸ್ ಅಳವಡಿಸವುದು, ನಂತರ ನಗರದ ಎಲ್ಲಾ ಮೆಟ್ರೋ ಪಿಲ್ಲರ್​ಗಳಿಗೂ ಲೈಟಿಂಗ್ಸ್ ಅಳವಡಿಸಲು ಟೆಂಡರ್ ಕರೆಯಲು ಬಿಎಂಆರ್ಸಿಎಲ್ ಪ್ಲಾನ್ ನಡೆಸಿದೆ. ಇನ್ನು ನಗರದ ಕೆಲವೊಂದು ಭಾಗದಲ್ಲಿ ಮಾತ್ರ ಮೆಟ್ರೋ ಪಿಲ್ಲರ್​ಗಳಿಗೆ ಸುಣ್ಣಬಣ್ಣ ಮಾಡಲಾಗಿದೆ. ಆದರೆ ಬಹುತೇಕ ಪಿಲ್ಲರ್​ಗಳಿಗೆ ಕಲರ್ ಮಾಡಿಲ್ಲ. ಇಂತಹ ಸಂದರ್ಭದಲ್ಲಿ ಕೋಟ್ಯಂತರ ರೂ ವೆಚ್ಚದಲ್ಲಿ ಈ ಲೈಟಿಂಗ್ಸ್ ಅಳವಡಿಸುವುದು ಬೇಕಿತ್ತಾ ಎಂದು ಮೆಟ್ರೋ ಪ್ರಯಾಣಿಕರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ಇದನ್ನೂ ಓದಿ: ಬೆಂಗಳೂರಿನ ಹೆಬ್ಬಾಳ ಫ್ಲೈಓವರ್​​ ಇಂದಿನಿಂದ ಮೇ 21ರವರೆಗೆ ಪ್ರತಿದಿನ 3 ಗಂಟೆ ಬಂದ್: ಪರ್ಯಾಯ ಮಾರ್ಗಗಳು ಹೀಗಿವೆ

ಒಟ್ಟಿನಲ್ಲಿ ನಮ್ಮ ಮೆಟ್ರೋ, ಇರುವ ಪಿಲ್ಲರ್​ಗಳಿಗೆ ಸರಿಯಾಗಿ ಪೇಂಟಿಂಗ್ ಮಾಡುವ ಮೂಲಕ ಅದರ ಅಂದವನ್ನು ಹೆಚ್ಚಿಸುವುದು ಬಿಟ್ಟು, ರಾತ್ರಿ ವೇಳೆಯಲ್ಲಿ ಪಿಲ್ಲರ್​ಗಳು ಕಲರ್ ಕಲರ್ ಆಗಿ ಕಾಣಲಿ ಎಂದು ಕೋಟ್ಯಂತರ ರೂ. ಖರ್ಚು ಮಾಡಲು ಮುಂದಾಗಿರುವುದು ಆಕ್ರೋಶಕ್ಕೆ ಕಾರಣವಾಗಿದೆ.

ಕರ್ನಾಟಕದ ಮತ್ತಷ್ಟು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.

Published On - 11:34 am, Sat, 17 May 25