ಟರ್ಕಿ ಹಾಗೂ ಅಜರ್ಬೈಜನ್ಗೆ ಶಾಕ್ ಕೊಟ್ಟ ಬೆಂಗಳೂರಿನ ಬಟ್ಟೆ ವ್ಯಾಪಾರಿಗಳು: ಆಮದು, ರಫ್ತು ನಿಷೇಧ
ಪಾಕ್ಗೆ ಬೆಂಬಲ ನೀಡುವ ಮೂಲಕ ಟರ್ಕಿ ಹಾಗೂ ಅಜರ್ಬೈಜಾನ್ ರಾಷ್ಟ್ರೀಯ ಭಾವನೆಗೆ ಧಕ್ಕೆ ತಂದ ಹಿನ್ನಲೆ ಇತ್ತ ಬೆಂಗಳೂರಿನ ಬಟ್ಟೆ ವ್ಯಾಪಾರಿಗಳು ಬಟ್ಟೆ ವಸ್ತುಗಳ ಆಮದು ಮತ್ತು ರಫ್ತು ವ್ಯವಹಾರ ತಕ್ಷಣದಿಂದಲೇ ಸಂಪೂರ್ಣ ರದ್ದು ಮಾಡುವ ಮೂಲಕ ಮಹತ್ವದ ನಿರ್ಧಾರ ಕೈಗೊಂಡಿದ್ದಾರೆ. ಆ ಮೂಲಕ ಎರಡು ದೇಶಗಳಿಗೆ ಶಾಕ್ ನೀಡಿದ್ದಾರೆ.
Updated on:May 17, 2025 | 1:05 PM
ಬೆಂಗಳೂರು, ಮೇ 17: ಭಾರತದ ವಿರುದ್ಧ ದಾಳಿ ಮಾಡಿದ ಪಾಕಿಸ್ತಾನದ (Pakistan) ಜತೆ ಕೈಜೋಡಿಸಿರುವ ರಾಷ್ಟ್ರಗಳಿಗೆ ಬ್ಯಾನ್ ಬಿಸಿ ತಟ್ಟುತ್ತಿದೆ. ಟರ್ಕಿ ಮೇಲೆ ಭಾರತ ಟ್ರೇಡ್ ವಾರ್ ಸಾರಿದೆ. ಇನ್ನು ಪಾಕಿಸ್ತಾನಕ್ಕೆ ಸಪೋರ್ಟ್ ಮಾಡಿದ್ದರಿಂದ ಈಗಾಗಲೇ ಅಜರ್ಬೈಜನ್ (Azerbaijan) ವಿರುದ್ಧ ಬಾಯ್ಕಾಟ್ ಅಭಿಯಾನ ಶುರುವಾಗಿದೆ. ಹಾಗಾಗಿ ಟರ್ಕಿ ಹಾಗೂ ಅಜರ್ಬೈಜನ್ ಜತೆಗಿನ ವ್ಯಾಪಾರ ವಹಿವಾಟಕ್ಕೆ ಬಹಿಷ್ಕಾರ ವಿಧಿಸಲಾಗಿದೆ. ಇದರ ಬೆನ್ನಲ್ಲೇ ಇದೀಗ ಬಟ್ಟೆ ವಸ್ತುಗಳ ಆಮದು ಮತ್ತು ರಫ್ತು ವ್ಯವಹಾರ ರದ್ದು ಮಾಡುವ ಮೂಲಕ ಬೆಂಗಳೂರಿನ ಬಟ್ಟೆ ವ್ಯಾಪಾರಿಗಳಿಂದ ಆ ಎರಡು ದೇಶಗಳಿಗೆ ಶಾಕ್ ನೀಡಲಾಗಿದೆ.
ಟರ್ಕಿ ಹಾಗೂ ಅಜರ್ಬೈಜಾನ್ ಯುದ್ಧದಲ್ಲಿ ಪಾಕಿಸ್ತಾನಕ್ಕೆ ಸಾಥ್ ನೀಡಿದ್ದ ಹಿನ್ನೆಲೆ ಆ ದೇಶಗಳ ಹೋಲ್ ಸೇಲ್ ವ್ಯಾಪರಕ್ಕೆ ಬಾಯ್ಕಾಟ್ ಹೇಳಲಾಗುತ್ತಿದೆ. ಈ ನಿಟ್ಟಿನಲ್ಲಿ ದಿ ಬೆಂಗಳೂರು ಹೋಲ್ಸೇಲ್ ಕ್ಲಾಥ್ ಮರ್ಚೆಂಟ್ ಅಸೋಸಿಯೇಶನ್ನಿಂದ ಟರ್ಕಿ ಹಾಗೂ ಅಜರ್ ಬೈಜಾನ್ಗೆ ಶಾಕ್ ನೀಡಿದೆ. ಚಿಕ್ಕಪೇಟೆ ಸೇರಿದ್ದಂತೆ ಇತರೆ ವ್ಯಾಪರಿಗಳಿಂದ ಟರ್ಕಿ ಹಾಗೂ ಅಜರ್ಬೈಜಾನ್ನಿಂದ ಆಮದು ನಿಷೇಧಿಸಲಾಗಿದೆ.
ಇದನ್ನೂ ಓದಿ: ಟರ್ಕಿ ಬೆನ್ನಲ್ಲೆ ಅಜೆರ್ಬೈಜಾನ್ ಬಾಯ್ಕಾಟ್ಗೆ ಮುಂದಾದ ಪ್ರವಾಸಿಗರು: ನೂರಾರು ಕನ್ನಡಿಗರಿಂದ ಟ್ರಿಪ್ ಕ್ಯಾನ್ಸಲ್
ಟರ್ಕಿ ಹಾಗೂ ಅಜರ್ಬೈಜಾನ್ ರಾಷ್ಟ್ರೀಯ ಭಾವನೆಗೆ ಧಕ್ಕೆ ತಂದಿವೆ. ನಮ್ಮ ದೇಶದ ವಿರುದ್ಧ ಪಾಕ್ಗೆ ಬೆಂಬಲ ನೀಡಿವೆ. ಹೀಗಾಗಿ ವ್ಯಾಪಾರ ವಹಿವಾಟು ಆ ದೇಶಗಳೊಂದಿಗೆ ನಿಲ್ಲಿಸುವಂತೆ ಬೆಂಗಳೂರು ಹೋಲ್ ಸೇಲ್ ಬಟ್ಟೆ ವ್ಯಾಪಾರಿಗಳ ಸಂಘಟನೆಯಿಂದ ನಿರ್ಧರಿಸಲಾಗಿದೆ.
ಇದನ್ನೂ ಓದಿ: ಶರಾವತಿ ನದಿ ತೀರದ ‘ರಾಣಿ ವೀಳ್ಯದೆಲೆ’ಗೆ ಪಾಕಿಸ್ತಾನವೇ ದೊಡ್ಡ ಮಾರುಕಟ್ಟೆ! ಆದರೂ ರಫ್ತು ನಿರಾಕರಿಸಿದ ರೈತರು
ಟರ್ಕಿ ಮತ್ತು ಅಜರ್ಬೈಜಾನ್ ದೇಶಗಳೊಂದಿಗೆ ಬಟ್ಟೆ ವ್ಯಾಪಾರದ ಸ್ಥಗಿತ ಮಾಡುವಂತೆ ವ್ಯಾಪರಿಗಳಿಗೆ ಸೂಚನೆ ನೀಡಲಾಗಿದೆ. ಟರ್ಕಿ ಮತ್ತು ಅಜರ್ಬೈಜಾನ್ ದೇಶಗಳೊಂದಿಗೆ ಬಟ್ಟೆ ವಸ್ತುಗಳ ಆಮದು ಮತ್ತು ರಫ್ತು ವ್ಯವಹಾರ ತಕ್ಷಣದಿಂದಲೇ ಸಂಪೂರ್ಣ ರದ್ದು ಮಾಡುವ ಮೂಲಕ ಮಹತ್ವದ ನಿರ್ಧಾರ ಕೈಗೊಳ್ಳಲಾಗಿದೆ.
ಅಜರ್ಬೈಜನ್ ಟ್ರಿಪ್ನಿಂದ ಹಿಂದೆ ಸರಿದ ಭಾರತೀಯರು
ಅಜರ್ಬೈಜನ್ನ ರಾಜಧಾನಿ ಬಾಕೂ ಪ್ರವಾಸಕ್ಕೆ ತೆರಳುತ್ತಿದ್ದವ್ರೆಲ್ಲ ಹಿಂದೆ ಸರಿಯುತ್ತಿದ್ದಾರೆ. ಪ್ರತಿ ವರ್ಷ 2 ರಿಂದ 3 ಲಕ್ಷ ಭಾರತೀಯರು ಅಜರ್ಬೈಜನ್ಗೆ ಪ್ರವಾಸಕ್ಕೆ ಹೋಗುತ್ತಿದ್ದರು. ಬೆಂಗಳೂರಿಂದ ವಾರಕ್ಕೆ 46 ಫ್ಲೈಟ್ ಅಜರ್ಬೈಜನ್ಗೆ ಸಂಚಾರ ಮಾಡುತ್ತವೆ. ಆದ್ರೀಗ, ಭಾರತದ ಶತ್ರುವಿನ ಜತೆ ನಿಂತ ದೇಶಕ್ಕೆ ನಾವು ತೆರಳಲ್ಲ ಅಂತ, ಟ್ರಿಪ್ಗಳನ್ನ ಕ್ಯಾನ್ಸಲ್ ಮಾಡುತ್ತಿದ್ದಾರೆ. ಬೆಂಗಳೂರಿನ ಸಾವಿರಾರು ಜನರು ಅಜರ್ಬೈಜನ್ ಪ್ರವಾಸದಿಂದ ಹಿಂದೆ ಸರಿದಿದ್ದಾರೆ. ಸದ್ಯ ಪಾಕ್ಗೆ ಸಾಥ್ ಕೊಟ್ಟು ಟರ್ಕಿ ಹಾಗೂ ಅಜರ್ ಬೈಜನ್ ಪೀಕಲಾಟಕ್ಕೆ ಸಿಲುಕಿವೆ.
ಕರ್ನಾಟಕದ ಮತ್ತಷ್ಟು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.
Published On - 12:53 pm, Sat, 17 May 25
