ಚಿಕ್ಕಬಳ್ಳಾಪುರ: ಪೊಲೀಸರ ಹೆಸರಿನಲ್ಲಿ ನಕಲಿ ರೈಡ್ ಮಾಡಿ ದರೋಡೆ ಮಾಡಿದ್ದ ಆರೋಪಿಗಳು ಅರೆಸ್ಟ್

ಚಿಕ್ಕಬಳ್ಳಾಪುರ, ಸೆ.22: ಎರಡು ಸಾವಿರ ಮುಖಬೆಲೆಯ ನೋಟುಗಳನ್ನು ಬದಲಾಯಿಸುವುದಾಗಿ ಹೇಳಿ ನಂಬಿಸಿ ವಂಚಕರು ಅಮಾಯಕರನ್ನು ಕರೆದಿದ್ದರು. ಅದರಂತೆ ಕಂತೆ ಕಂತೆ ಹಣ ತಂದಿರುವುದನ್ನು ನೋಡಿದ ಕೂಡಲೇ ತಾನು ಪೊಲೀಸರು ಎಂದು ಹೇಳಿ ನಕಲಿ ರೈಡ್ ಮಾಡಿ ಹಣ ದೋಚಿ ಪರಾರಿಯಾಗಿದ್ದರು. ಈ ಪ್ರಕರಣ ಚಿಕ್ಕಬಳ್ಳಾಪುರದಲ್ಲಿ (Chikkaballapura) ನಡೆದಿದ್ದು, ಆರೋಪಿಗಳನ್ನು ಪೊಲೀಸರು ಬಂಧಿಸಿದ್ದಾರೆ.

10 ಲಕ್ಷ ಐನೂರು ರೂಪಾಯಿ ನೋಟುಗಳನ್ನು ನೀಡಿದರೆ ಹನ್ನೇರಡೂವರೆ ಲಕ್ಷ ರೂಪಾಯಿ ಎರಡು ಸಾವಿರ ರೂಪಾಯಿ ಮುಖ ಬೆಲೆಯ ನೋಟುಗಳನ್ನು ನೀಡುವುದಾಗಿ ಆಂಧ್ರದ ಚೆಲ್ಲಾ ನಾರಾಯಣ ಅಲಿಯಾಸ್ ಕೃಷ್ಣನಾರಾಯಣ ಅನ್ನೊ ನಟೋರಿಸ್ ಕ್ರೀಮಿನಲ್, ತಾನು ಚಿಕ್ಕಬಳ್ಳಾಪುರದವನು, ತಮ್ಮ ಬಳಿ ರಾಜಕಾರಣಿಯೊಬ್ಬರಿಗೆ ಸೇರಿದ ಎರಡು ಸಾವಿರ ರೂಪಾಯಿ ಮುಖ ಬೆಲೆಯ ನೋಟುಗಳು ಇವೆ ಅಂತ ಆಂಧ್ರದ ಸೌಜನ್ಯ ಹಾಗೂ ಆಕೆಯ ಸಂಬಂಧಿಗಳನ್ನು ನಂಬಿಸಿ ಚಿಕ್ಕಬಳ್ಳಾಪುರಕ್ಕೆ ಕರೆಸಿದ್ದಾನೆ.

ಸೌಜನ್ಯ ಹಾಗೂ ಆಕೆಯ ತಂಡ ಚಿಕ್ಕಬಳ್ಳಾಪುರಕ್ಕೆ ಬರುತ್ತಿದ್ದಂತೆ ಆರೋಪಿ ತನ್ನ ಸಹಚರರ ಜೊತೆ ಅವರ ಮೇಲೆ ದಾಳಿ ಮಾಡಿದ್ದಾನೆ. ತಾವು ಪೊಲೀಸರು ಅಂತ ಹಲ್ಲೆ ನಡೆಸಿ ಸೌಜನ್ಯ ಬಳಿ ಇದ್ದ 6 ಲಕ್ಷ ರೂಪಾಯಿ ನಗದು ಹಣವನ್ನು ಕಿತ್ತುಕೊಂಡು ಪರಾರಿಯಾಗಿದ್ದರು. ಘಟನೆಯಿಂದ ಭಯ ಬೀತರಾಗಿದ್ದ ಸೌಜನ್ಯ ನೈಜ ಘಟನೆಯನ್ನು ಮರೆ ಮಾಚಿ ಬಟ್ಟೆ ವ್ಯಾಪಾರಕ್ಕೆ ಬಂದಿದ್ದಾಗ ದರೋಡೆ ಅಂತ ನಂದಿಗಿರಿಧಾಮ ಠಾಣೆ ಪೊಲೀಸರಿಗೆ ದೂರು ನೀಡಿದ್ದಳು.

ಇದನ್ನೂ ಓದಿ: ಚಿಕ್ಕಬಳ್ಳಾಪುರ: ಸಿನಿಮೀಯ ಶೈಲಿಯಲ್ಲಿ ಕೊಲೆಗೆ ಯತ್ನ: ಅದೃಷ್ಟವಶಾತ್​ ಪಾರಾದ ಇಬ್ಬರು ಯುವಕರು, ಬಂಧನ

ದೂರು ದಾಖಲು ಮಾಡಿಕೊಂಡಿದ್ದ ಪೊಲೀಸರು ಈಗ ನಾಲ್ಕು ಜನ ನಟೋರಿಯಸ್ ಕ್ರೀಮಿನಲ್​ಗಳನ್ನು ಬಂಧಿಸಿ ವಿಚಾರಣೆ ನಡೆಸಿದ್ದಾರೆ. ದಿಢೀರ್ ಹಣ ಮಾಡುವ ಆಶೆಗೆ ಬಿದ್ದ ಆಂಧ್ರ ಮೂಲದ ಬಡ ಸೌಜನ್ಯ ತನ್ನ ಆಕೆಯ ಅಕ್ಕ ತಂಗಿ ಬಂಧು ಬಳಗದ ಬಳಿ ಸಾಲ ಶೂಲ ಮಾಡಿ ಹಣ ಹೊಂದಿಸಿಕೊಂಡು ಚಿಕ್ಕಬಳ್ಳಾಪುರಕ್ಕೆ ಬಂದಿದ್ದಳು.

ಆಗ ಚೆಲ್ಲಾ ನಾರಾಯಣ ಅಲಿಯಾಸ್ ಕೃಷ್ಣನಾರಾಯಣ, ತನ್ನ ಸಹಚರರಾದ ಜಯರಾಮ್, ರಜನಿಕಾಂತ್, ಹರೀಶ, ಸಂದೀಪ್ ರನ್ನು ಬಿಟ್ಟು ಪೊಲೀಸರ ಹೆಸರಿನಲ್ಲಿ ನಕಲಿ ರೈಡ್ ಮಾಡಿಸಿದ್ದ. ಆದರೆ ಚಿಕ್ಕಬಳ್ಳಾಪುರದ ಅಸಲಿ ಪೊಲೀಸರು ಈಗ ಆರೋಪಿಗಳನ್ನು ಬಂಧಿಸಿ ಅವರಿಂದ ಹಣ ಜಪ್ತಿ ಮಾಡಿದ್ದಾರೆ. ಇದರಿಂದ ನೊಂದ ಮಹಿಳೆ ಪೊಲೀಸರಿಗೆ ಕೃತಜ್ಞತೆ ಸಲ್ಲಿಸಿದ್ದಾಳೆ.

ಒಟ್ಟಾರೆ ಅದ್ಯಾಕೊ ಆಂಧ್ರ ಕರ್ನಾಟಕ ಜನ, ಚಿಕ್ಕಬಳ್ಳಾಪುರದಲ್ಲಿ ರಾಜಕಾರಣಿಯೊಬ್ಬರ ಎರಡು ಸಾವಿರ ರೂಪಾಯಿ ಲೋಡ್ ಗಟ್ಟಲೆ ನೋಟುಗಳು ಇವೆ ಅವುಗಳ ಬದಾವಣೆ ಮಾಡಬೇಕು ಅಂದರೆ ಸುಲಭವಾಗಿ ನಂಬಿ ಮೋಸ ಹೋಗುತ್ತಿದ್ದಾರೆ.

ಮತ್ತಷ್ಟು ಕ್ರೈಮ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ