ಹಾಸನಾಂಬೆ ದರ್ಶನೋತ್ಸವ 2026: ಬೆಂಗಳೂರು, ಅರಸೀಕೆರೆಯಿಂದ ಹಾಸನಕ್ಕೆ ವಿಶೇಷ ರೈಲು ಸೇವೆ! ವೇಳಾಪಟ್ಟಿ ಇಲ್ಲಿದೆ
ಹಾಸನಾಂಬೆ ದೇವಿಯ ದರ್ಶನಕ್ಕೆ ತೆರಳುವ ಭಕ್ತರಿಗಾಗಿ ನೈಋತ್ಯ ರೈಲ್ವೆ ಸಿಹಿಸುದ್ದಿ ನೀಡಿದ್ದು, ಬೆಂಗಳೂರು ಮತ್ತು ಅರಸೀಕೆರೆಯಿಂದ ಹಾಸನಕ್ಕೆ ಎರಡು ವಿಶೇಷ ರೈಲುಗಳನ್ನು ಘೋಷಿಸಿದೆ. ಅಕ್ಟೋಬರ್ 29ರಿಂದ ನವೆಂಬರ್ 11ರವರೆಗೆ ಈ ರೈಲುಗಳು ಸಂಚರಿಸಲಿವೆ. ಪ್ರಯಾಣಿಕರ ದಟ್ಟಣೆ ನಿಯಂತ್ರಿಸಲು ಮತ್ತು ಸುಗಮ ಪ್ರಯಾಣಕ್ಕಾಗಿ ಈ ವ್ಯವಸ್ಥೆ ಮಾಡಲಾಗಿದೆ. ಈ ವಿಶೇಷ ರೈಲುಗಳ ಸಂಪೂರ್ಣ ವೇಳಾಪಟ್ಟಿ, ಸಮಯ ಹಾಗೂ ಮಾರ್ಗದ ವಿವರಗಳು ಇಲ್ಲಿವೆ.
ಮುಖ್ಯಾಂಶಗಳು
- ಹಾಸನಾಂಬೆ ದರ್ಶನಕ್ಕೆ ನೈಋತ್ಯ ರೈಲ್ವೆಯಿಂದ ಎರಡು ವಿಶೇಷ ರೈಲುಗಳ ಸಂಚಾರ ಆರಂಭ.
- ಅಕ್ಟೋಬರ್ 29 ರಿಂದ ನವೆಂಬರ್ 11 ರವರೆಗೆ ಪ್ರತಿದಿನ ರೈಲುಗಳು ಸಂಚರಿಸಲಿವೆ.
- ಬೆಂಗಳೂರು ಮತ್ತು ಅರಸೀಕೆರೆಯಿಂದ ಹಾಸನಕ್ಕೆ ರೈಲು ಸೌಲಭ್ಯ ಕಲ್ಪಿಸಲಾಗಿದೆ, ಪ್ರಯಾಣ ಸುಲಭ.
ಬೆಂಗಳೂರು, ಅಕ್ಟೋಬರ್ 16: ಹಾಸನದ ಅಧಿದೇವತೆ ಹಾಸನಾಂಬೆ ದೇವಿಯ ದರ್ಶನಕ್ಕೆ ತೆರಳುವ ಭಕ್ತರಿಗೆ ನೈಋತ್ಯ ರೈಲ್ವೆ ಸಿಹಿಸುದ್ದಿ ನೀಡಿದೆ. ಹಾಸನಾಂಬೆ ಮಹೋತ್ಸವದ ಸಂದರ್ಭದಲ್ಲಿ ಭಕ್ತರ ಅನುಕೂಲಕ್ಕಾಗಿ ಹಾಗೂ ಪ್ರಯಾಣಿಕರ ಹೆಚ್ಚುವರಿ ದಟ್ಟಣೆಯನ್ನು ನಿಯಂತ್ರಿಸುವ ಉದ್ದೇಶದಿಂದ ಎರಡು ವಿಶೇಷ ರೈಲುಗಳನ್ನು ಓಡಿಸಲು ನಿರ್ಧರಿಸಲಾಗಿದೆ. ಅಕ್ಟೋಬರ್ 29ರಿಂದ ನವೆಂಬರ್ 11, 2026ರವರೆಗೆ ಈ ವಿಶೇಷ ರೈಲುಗಳು ಸಂಚರಿಸಲಿದ್ದು, ಹಾಸನಾಂಬೆ ದರ್ಶನಕ್ಕೆ ತೆರಳುವ ಭಕ್ತರಿಗೆ ಪ್ರಯಾಣದ ಅನುಕೂಲ ಕಲ್ಪಿಸಲಿವೆ.
ಭಕ್ತರ ಅನುಕೂಲಕ್ಕೆ ವಿಶೇಷ ರೈಲುಗಳು
ಪ್ರತಿ ವರ್ಷ ಹಾಸನಾಂಬೆ ದೇವಿಯ ದರ್ಶನಕ್ಕಾಗಿ ರಾಜ್ಯದ ವಿವಿಧ ಜಿಲ್ಲೆಗಳು ಸೇರಿದಂತೆ ಹೊರರಾಜ್ಯಗಳಿಂದಲೂ ಸಾವಿರಾರು ಭಕ್ತರು ಹಾಸನಕ್ಕೆ ಆಗಮಿಸುತ್ತಾರೆ. ಕಳೆದ ವರ್ಷ 23 ಲಕ್ಷಕ್ಕೂ ಹೆಚ್ಚು ಭಕ್ತರು ದರ್ಶನ ಪಡೆದಿದ್ದು, ಈ ಬಾರಿಯೂ ಹೆಚ್ಚಿನ ಸಂಖ್ಯೆಯ ಭಕ್ತರು ಬರುವ ನಿರೀಕ್ಷೆಯಿದೆ. ಈ ಹಿನ್ನೆಲೆಯಲ್ಲಿ ನೈಋತ್ಯ ರೈಲ್ವೆ ವಿಶೇಷ ರೈಲುಗಳ ವ್ಯವಸ್ಥೆ ಮಾಡಿದ್ದು, ಭಕ್ತರು ಸುಗಮವಾಗಿ ಪ್ರಯಾಣಿಸಲು ನೆರವಾಗಲಿದೆ.
1. ಕೆಎಸ್‌ಆರ್ ಬೆಂಗಳೂರು – ಹಾಸನ ವಿಶೇಷ ರೈಲು (ರೈಲು ಸಂ. 06573 / 06574)
- ಸಂಚಾರದ ಅವಧಿ: ಅಕ್ಟೋಬರ್ 29 ರಿಂದ ನವೆಂಬರ್ 11ರವರೆಗೆ
- ಒಟ್ಟು ಸಂಚಾರ:ಎರಡೂ ದಿಕ್ಕುಗಳಲ್ಲಿ ಒಟ್ಟು 14 ಟ್ರಿಪ್ಗಳು
- ಒಟ್ಟು 21 ಬೋಗಿಗಳು: 1 ಎಸಿ ಪ್ರಥಮ ದರ್ಜೆ, 1 ಎಸಿ 2-ಟೈಯರ್, 4 ಎಸಿ 3-ಟೈಯರ್, 9 ಸ್ಲೀಪರ್ ಕ್ಲಾಸ್, 4 ಸಾಮಾನ್ಯ ದ್ವಿತೀಯ ದರ್ಜೆ (General), 1 ಲಗೇಜ್-ಕಮ್-ಬ್ರೇಕ್ ವ್ಯಾನ್ (ಜನರೇಟರ್ ಕಾರ್), 1 ದಿವ್ಯಾಂಗ ಸ್ನೇಹಿ ಕಂಪಾರ್ಟ್‌ಮೆಂಟ್ ಹೊಂದಿರುವ ಬ್ರೇಕ್ ವ್ಯಾನ್
ಮುಖ್ಯ ವೇಳಾಪಟ್ಟಿ ವಿವರಗಳು
ಕೆಎಸ್‌ಆರ್ ಬೆಂಗಳೂರು – ಹಾಸನ (ರೈಲು ಸಂ. 06573)
- ಕೆಎಸ್‌ಆರ್ ಬೆಂಗಳೂರು ನಿರ್ಗಮನ: ಬೆಳಗ್ಗೆ 07:30
- ಯಶವಂತಪುರ: 07:43ಕ್ಕೆ ಆಗಮನ, 07:45ಕ್ಕೆ ನಿರ್ಗಮನ
- ನೆಲಮಂಗಲ: 08:15ಕ್ಕೆ ಆಗಮನ, 08:17ಕ್ಕೆ ನಿರ್ಗಮನ
- ಕುಣಿಗಲ್: 08:48ಕ್ಕೆ ಆಗಮನ, 08:50ಕ್ಕೆ ನಿರ್ಗಮನ
- ಯಡಿಯೂರು: 09:02ಕ್ಕೆ ಆಗಮನ, 09:04ಕ್ಕೆ ನಿರ್ಗಮನ
- ಬಿ.ಜಿ. ನಗರ: 09:18ಕ್ಕೆ ಆಗಮನ, 09:20ಕ್ಕೆ ನಿರ್ಗಮನ
- ಶ್ರವಣಬೆಳಗೊಳ: 09:50ಕ್ಕೆ ಆಗಮನ, 09:52ಕ್ಕೆ ನಿರ್ಗಮನ
- ಚನ್ನರಾಯಪಟ್ಟಣ: 10:03ಕ್ಕೆ ಆಗಮನ, 10:05ಕ್ಕೆ ನಿರ್ಗಮನ
- ಹಾಸನ ತಲುಪುವ ಸಮಯ: ಬೆಳಗ್ಗೆ 11:30
ಹಾಸನ – ಕೆಎಸ್‌ಆರ್ ಬೆಂಗಳೂರು (ರೈಲು ಸಂ. 06574)
- ಹಾಸನದಿಂದ ನಿರ್ಗಮನ: ಮಧ್ಯಾಹ್ನ 03:15
- ಚನ್ನರಾಯಪಟ್ಟಣ: 03:43ಕ್ಕೆ ಆಗಮನ, 03:45ಕ್ಕೆ ನಿರ್ಗಮನ
- ಶ್ರವಣಬೆಳಗೊಳ: 03:55ಕ್ಕೆ ಆಗಮನ, 03:57ಕ್ಕೆ ನಿರ್ಗಮನ
- ಬಿ.ಜಿ. ನಗರ: 04:23ಕ್ಕೆ ಆಗಮನ, 04:25ಕ್ಕೆ ನಿರ್ಗಮನ
- ಯಡಿಯೂರು: 04:38ಕ್ಕೆ ಆಗಮನ, 04:40ಕ್ಕೆ ನಿರ್ಗಮನ
- ಕುಣಿಗಲ್: 04:53ಕ್ಕೆ ಆಗಮನ, 04:55ಕ್ಕೆ ನಿರ್ಗಮನ
- ನೆಲಮಂಗಲ: 05:30ಕ್ಕೆ ಆಗಮನ, 05:32ಕ್ಕೆ ನಿರ್ಗಮನ
- ಯಶವಂತಪುರ: 06:30ಕ್ಕೆ ಆಗಮನ, 06:32ಕ್ಕೆ ನಿರ್ಗಮನ
- ಕೆಎಸ್‌ಆರ್ ಬೆಂಗಳೂರು ತಲುಪುವ ಸಮಯ: ರಾತ್ರಿ 07:00
2. ಅರಸೀಕೆರೆ – ಹಾಸನ – ಅರಸೀಕೆರೆ ಕಾಯ್ದಿರಿಸದ ಮೆಮು ರೈಲು (ರೈಲು ಸಂ. 06291 / 06292)
- ಸಂಚಾರದ ಅವಧಿ: ಅಕ್ಟೋಬರ್ 29ರಿಂದ ನವೆಂಬರ್ 11ರವರೆಗೆ
- ಸಂಚಾರ ದಿನಗಳು: ಭಾನುವಾರಗಳನ್ನು ಹೊರತುಪಡಿಸಿ ವಾರದ ಉಳಿದ ದಿನಗಳಲ್ಲಿ (ಎರಡೂ ದಿಕ್ಕುಗಳಲ್ಲಿ ತಲಾ 12 ಟ್ರಿಪ್ಗಳು).
- ಬೋಗಿಗಳ ಸಂಯೋಜನೆ: 8 ಮೆಮು (MEMU) ಕಾರ್ ಬೋಗಿಗಳು
ಮುಖ್ಯ ವೇಳಾಪಟ್ಟಿ ವಿವರಗಳು
ಅರಸೀಕೆರೆ – ಹಾಸನ (ರೈಲು ಸಂ. 06291)
- ಅರಸೀಕೆರೆಯಿಂದ ನಿರ್ಗಮನ: ಬೆಳಗ್ಗೆ 11:30
- ಹಬ್ಬನಘಟ್ಟ: 11:44ಕ್ಕೆ ಆಗಮನ, 11:45ಕ್ಕೆ ನಿರ್ಗಮನ
- ಬಾಗೇಶಪುರ: 11:59ಕ್ಕೆ ಆಗಮನ, 12:00ಕ್ಕೆ ನಿರ್ಗಮನ
- ಹಾಸನ ತಲುಪುವ ಸಮಯ: ಮಧ್ಯಾಹ್ನ 12:30
ಹಾಸನ – ಅರಸೀಕೆರೆ (ರೈಲು ಸಂ. 06292)
- ಹಾಸನ ನಿರ್ಗಮನ: ಮಧ್ಯಾಹ್ನ 12:45
- ಬಾಗೇಶಪುರ: 01:09ಕ್ಕೆ ಆಗಮನ, 01:10ಕ್ಕೆ ನಿರ್ಗಮನ
- ಹಬ್ಬನಘಟ್ಟ: 01:26ಕ್ಕೆ ಆಗಮನ, 01:27ಕ್ಕೆ ನಿರ್ಗಮನ
- ಅರಸೀಕೆರೆ ತಲುಪುವ ಸಮಯ: ಮಧ್ಯಾಹ್ನ 02:00
ಇದನ್ನೂ ಓದಿ ಹಾಸನಾಂಬೆ ಉತ್ಸವ 2026: ವರ್ಷಕ್ಕೊಮ್ಮೆ ಒಲಿಯುವ ಹಾಸನಾಂಬೆಯ ದರ್ಶನೋತ್ಸವ ಯಾವಾಗ ಆರಂಭ? ಮಾಹಿತಿ ಇಲ್ಲಿದೆ
ಮುಂಚಿತ ಟಿಕೆಟ್ ಕಾಯ್ದಿರಿಸಲು ಮನವಿ
ಹಾಸನಾಂಬೆ ಮಹೋತ್ಸವದ ಅವಧಿಯಲ್ಲಿ ಪ್ರಯಾಣಿಕರ ದಟ್ಟಣೆ ಹೆಚ್ಚಾಗುವ ಸಾಧ್ಯತೆ ಇರುವುದರಿಂದ ಭಕ್ತರು ಸಾಧ್ಯವಾದಷ್ಟು ಮುಂಚಿತವಾಗಿ ಟಿಕೆಟ್ ಕಾಯ್ದಿರಿಸಿಕೊಳ್ಳುವುದು ಉತ್ತಮ. ರೈಲುಗಳ ನಿಖರ ಸಮಯ, ನಿಲ್ದಾಣಗಳು, ನಿಲುಗಡೆಗಳು ಮತ್ತು ಟಿಕೆಟ್ ಲಭ್ಯತೆಯ ಮಾಹಿತಿಯನ್ನು ಭಾರತೀಯ ರೈಲ್ವೆಯ ಅಧಿಕೃತ ವಿಚಾರಣಾ ವ್ಯವಸ್ಥೆ ಅಥವಾ ಐಆರ್‌ಸಿಟಿಸಿ ಮೂಲಕ ಪರಿಶೀಲಿಸಬಹುದು. ವಿಶೇಷ ರೈಲುಗಳ ಸಂಚಾರದಿಂದ ಹಾಸನಾಂಬೆ ದರ್ಶನಕ್ಕೆ ತೆರಳುವ ಭಕ್ತರ ಪ್ರಯಾಣ ಮತ್ತಷ್ಟು ಸುಲಭವಾಗುವ ನಿರೀಕ್ಷೆಯಿದೆ.
ಕರ್ನಾಟಕದ ಇನ್ನಷ್ಟು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ