ಕಲಬುರಗಿ ಗ್ರಾಮೀಣ ಭಾಗದಲ್ಲಿ ಕುಡಿಯುವ ನೀರಿನ ಸಮಸ್ಯೆ ಇದ್ಯಾ? ಈ ನಂಬರ್ ಗೆ ಕರೆ ಮಾಡಿ!

ಕಲಬುರಗಿ ಜಿಲ್ಲೆಯಾದ್ಯಂತ ನೀರಿನ ಸಮಸ್ಯೆಗಳನ್ನು ಪರಿಣಾಮಕಾರಿಯಾಗಿ ನಿರ್ವಹಿಸಲು ಜಿಲ್ಲಾ ಮತ್ತು ತಾಲೂಕಾ ಮಟ್ಟದಲ್ಲಿ ಸಹಾಯವಾಣಿ ಸ್ಥಾಪಿಸಿ ಅದಕ್ಕೆ ನೋಡಲ್ ಅಧಿಕಾರಿಗಳನ್ನು ನೇಮಿಸಲಾಗಿದೆ.

ಸಾಂದರ್ಭಿಕ ಚಿತ್ರ

ಸಂಜಯ್ಯಾ ಚಿಕ್ಕಮಠ, ಕೊಪ್ಪಳ | Updated By: ರಮೇಶ್ ಬಿ. ಜವಳಗೇರಾ
Updated on: Jun 26, 2023 | 4:23 PM

ಕಲಬುರಗಿ: ಜಿಲ್ಲೆಯಾದ್ಯಂತ ಪ್ರಸ್ತುತ 2023-24ನೇ ಸಾಲಿನ ಮುಂಗಾರು ವಿಳಂಬದಿಂದ ಗ್ರಾಮೀಣ ಬಾಗದಲ್ಲಿ ಕುಡಿಯುವ ನೀರಿನ ಸಮಸ್ಯೆ Drinking Water) ಉಂಟಾಗಿದೆ. ಅನೇಕ ಕಡೆ ಬಿಂದಿಗೆ ನೀರಿಗೆ ಜನ ಪಡಬಾರದ ಕಷ್ಟ ಪಡುತ್ತಿದ್ದಾರೆ. ಹೀಗಾಗಿ ನೀರಿನ ಸಮಸ್ಯೆಗಳನ್ನು ಪರಿಣಾಮಕಾರಿಯಾಗಿ ನಿರ್ವಹಿಸಲು ಜಿಲ್ಲಾ ಮತ್ತು ತಾಲೂಕಾ ಮಟ್ಟದಲ್ಲಿ ಸಹಾಯವಾಣಿ (Help Line) ಸ್ಥಾಪಿಸಿ ಅದಕ್ಕೆ ನೋಡಲ್ ಅಧಿಕಾರಿಗಳನ್ನು ನೇಮಿಸಿ ಕಲಬುರಗಿ ಜಿಲ್ಲಾ ಪಂಚಾಯತ್ ಸಿ.ಇ.ಓ ಭಂವಾರ್ ಸಿಂಗ್ ಮೀನಾ ಆದೇಶಿಸಿದ್ದಾರೆ.

ಇದನ್ನೂ ಓದಿ: Kalaburagi News: ಅದ್ದೂರಿಯಾಗಿ ಕತ್ತೆಗಳಿಗೆ ಮದುವೆ ಮಾಡಿದ ಜನ; ವಿವಾಹವಾಗುತ್ತಿದ್ದಂತೆ ನಡೆಯಿತು ಪವಾಡ!

ತಾಲೂಕು ಮಟ್ಟದ ಸಹಾಯ ವಾಣಿಗೆ ಬರುವ ದೂರವಾಣಿ ಕರೆಗಳನ್ನು ಸ್ವೀಕರಿಸಿ, ಸಂಬಂಧಪಟ್ಟ ಗ್ರಾಮೀಣ ಕುಡಿಯುವ ನೀರು ಮತ್ತು ನೈರ್ಮಲ್ಯ ಇಲಾಖೆಯ ಸಹಾಯಕ ಕಾರ್ಯನಿರ್ವಾಹಕ ಅಭಿಯಂತರರು, ತಾಲೂಕ ಪಂಚಾಯತ ಇ.ಓ ಮತ್ತು ಪಿ.ಡಿ.ಓ. ಗಳಿಗೆ ತಿಳಿಸಿ ಸಮಸ್ಯೆ ಬಗೆಹರಿಸಬೇಕೆಂದು ನಿರ್ದೇಶನ ನೀಡಲಾಗಿದೆ.

ಶುದ್ದ ಕುಡಿಯುವ ನೀರು ಪೂರೈಕೆಗೆ ಕ್ರಮ

ನೀರು ಪೂರೈಕೆ ಮಾಡುವದು ಮಾತ್ರವಲ್ಲಾ, ಅದು ಶುದ್ದವಾಗಿರಬೇಕು ಅಂತ ಅಧಿಕಾರಿಗಳಿಗೆ ಸೂಚನೆ ನೀಡಲಾಗಿದೆ. ಕಾಲಕಾಲಕ್ಕೆ ಗ್ರಾಮ ಪಂಚಾಯತಿಯಲ್ಲಿ ಪೈಪ್‍ಲೈನ್ ದುರಸ್ತಿ, ಕುಡಿಯುವ ನೀರಿನ ಟಾಕಿಗಳು, ಮತ್ತು ಜಲಮೂಲಗಳ ಸ್ವಚ್ಚಗೊಳಿಸುವುದು ಹಾಗೂ ಪ್ರತಿ ದಿನ ಚರಂಡಿಗಳನ್ನು ಸ್ವಚ್ಚಗೊಳಿಸುವಂತೆ ಸಂಬಂಧಪಟ್ಟವರಿಗೆ ತಿಳಿಸಬೇಕು. ಕುಡಿಯುವ ನೀರುಗಳನ್ನು ಪ್ರಯೋಗಾಲಯದಲ್ಲಿ ಪರೀಕ್ಷಿಸಿ ಸರಬರಾಜು ಮಾಡಬೇಕು ಎಂದು ತಾಲೂಕು ಮಟ್ಟದ ನೋಡಲ್ ಅಧಿಕಾರಿಗಳಿಗೆ ಕೆಲಸದ ಜವಾಬ್ದಾರಿ ನೀಡಲಾಗಿದೆ. ತಾಲೂಕಾ ಮಟ್ಟದಲ್ಲಿ ಸಮಸ್ಯೆ ಬಗೆಹರಿಯದಿದ್ದರೆ ಜಿಲ್ಲಾ ಮಟ್ಟದ ನೋಡಲ್ ಅಧಿಕಾರಿಗಳನ್ನು ಸಾರ್ವಜನಿಕರು ಸಂಪರ್ಕಿಸಬಹುದಾಗಿದೆ.

ತಾಲೂಕಾ ಮಟ್ಟದಲ್ಲಿ ಸಹಾಯವಾಣಿ ಸಂಖ್ಯೆ ಮತ್ತು ನೋಡಲ್ ಅಧಿಕಾರಿಗಳ ವಿವರ:

ಅಫಜಲಪೂರ: ಪಂಚಾಯತ್ ರಾಜ್ ಸಹಾಯಕ ನಿರ್ದೇಶಕ ರಮೇಶ-9611812220 ಮತ್ತು ತಾಲೂಕಾ ಯೋಜನಾಧಿಕಾರಿ ರೇಣುಕಾ-9606399633. ಆಳಂದ: ಪಂಚಾಯತ್ ರಾಜ್ ಸಹಾಯಕ ನಿರ್ದೇಶಕ ಸಂತೋಷ-9901335151 ಮತ್ತು ತಾಲೂಕಾ ಯೋಜನಾಧಿಕಾರಿ ಶರಣಬಸಪ್ಪ-8971411985. ಚಿಂಚೋಳಿ: ಪಂಚಾಯತ್ ರಾಜ್ ಸಹಾಯಕ ನಿರ್ದೇಶಕ ನಾಗೀಂದ್ರಪ್ಪಾ-9880380830 ಮತ್ತು ತಾಲೂಕಾ ಯೋಜನಾಧಿಕಾರಿ ಮಲ್ಲಿಕಾರ್ಜುನ-8147485400.

ಚಿತ್ತಾಪೂರ: ಪಂಚಾಯತ್ ರಾಜ್ ಸಹಾಯಕ ನಿರ್ದೇಶಕ ಶ್ರೀಮಂತ-9945812896 ಮತ್ತು ತಾಲೂಕಾ ಯೋಜನಾಧಿಕಾರಿ ಮುಬಾಶಿರ ಅಲಿ 8310063078. ಜೇವರ್ಗಿ: ಪಂಚಾಯತ್ ರಾಜ್ ಸಹಾಯಕ ನಿರ್ದೇಶಕ ಸೋಮಶೇಖರ-9972130506 ಮತ್ತು ತಾಲೂಕಾ ಯೋಜನಾಧಿಕಾರಿ ಶ್ರೀಶೈಲ್-9741741986. ಕಲಬುರಗಿ: ಪಂಚಾಯತ್ ರಾಜ್ ಸಹಾಯಕ ನಿರ್ದೇಶಕ ವಿಶ್ವನಾಥ-8197578488 ಮತ್ತು ತಾಲೂಕಾ ಯೋಜನಾಧಿಕಾರಿ ಜಯಶ್ರೀ-9535821480. ಸೇಡಂ: ಪಂಚಾಯತ್ ರಾಜ್ ಸಹಾಯಕ ನಿರ್ದೇಶಕ ಶಂಕರ-7760251677 ಮತ್ತು ತಾಲೂಕಾ ಯೋಜನಾಧಿಕಾರಿ ರವಿಕುಮಾರ-7829532628. ಶಹಾಬಾದ: ಪಂಚಾಯತ್ ರಾಜ್ ಸಹಾಯಕ ನಿರ್ದೇಶಕ ನಾಗಚಿತ್ರ-9535230522 ಮತ್ತು ತಾಲೂಕಾ ಯೋಜನಾಧಿಕಾರಿ ಈರಣ್ಣಾ-9845867939.

ಕಾಳಗಿ: ಪಂಚಾಯತ್ ರಾಜ್ ಸಹಾಯಕ ನಿರ್ದೇಶಕ ಗಂಗಾಧರ-9741479617 ಮತ್ತು ತಾಲೂಕಾ ಯೋಜನಾಧಿಕಾರಿ ವಿಶ್ವರಾಜ-9972164939 ಯಡ್ರಾಮಿ: ಪಂಚಾಯತ್ ರಾಜ್ ಸಹಾಯಕ ನಿರ್ದೇಶಕ ಮಲ್ಲಿಕಾರ್ಜುನ-9900209680 ಮತ್ತು ತಾಲೂಕಾ ಯೋಜನಾಧಿಕಾರಿ ವಿಶ್ವನಾಥ ರೆಡ್ಡಿ-9731262052. ಕಮಲಾಪೂರ: ಪಂಚಾಯತ್ ರಾಜ್ ಸಹಾಯಕ ನಿರ್ದೇಶಕ ರಾಮಪ್ರಕಾಶ-9740099913.