ಕೊಪ್ಪಳ: ಆನೆಗೊಂದಿಯ ಕಡೆಬಾಗಿಲು ಬೆಟ್ಟದಲ್ಲಿ ವಿಜಯನಗರ ಕಾಲದ ಶಾಸನ ಪತ್ತೆ

ಕೊಪ್ಪಳ, ಏ.07: ಜಿಲ್ಲೆಯ ಗಂಗಾವತಿ(Gangavati) ತಾಲೂಕಿನಲ್ಲಿರುವ ಆನೆಗೊಂದಿಯ ಕಡೆಬಾಗಿಲು ಬೆಟ್ಟದಲ್ಲಿ ವಿಜಯನಗರ ಕಾಲದ ಶಾಸನ ಪತ್ತೆಯಾಗಿದೆ. ಕಿಷ್ಕಿಂದಾ(Kishkindha) ಯುವ ಚಾರಣ ಬಳಗ ಬೆಟ್ಟದಲ್ಲಿ ಚಾರಣ ನಡೆಸಿದ ವೇಳೆ ಈ ಶಾಸನ ಪತ್ತೆಯಾಗಿದ್ದು, ಇಂದಿನ ಕಾಲಮಾನದ ಪ್ರಕಾರ 1527 ರ ಕಾಲಾವಧಿಯ ಶಿಲಾಶಾಸನ ಇದಾಗಿದೆ. ಇದರಲ್ಲಿ ಕಿಷ್ಕಿಂದಾ ಪ್ರದೇಶದ ಸ್ಥಳಗಳನ್ನ ಉಲ್ಲೇಖಿಸಿ ಕೆತ್ತಲಾಗಿದೆ.

ಶಾಸನದಲ್ಲಿನ ಮಹತ್ವ ಗುರುತಿಸಿದ ಇತಿಹಾಸ ತಜ್ಞ ಶರಣಬಸಪ್ಪ ಕೊಲ್ಕಾರ್‌‌

ಇನ್ನು ಶಾಸನದಲ್ಲಿನ ಮಹತ್ವವನ್ನ ಇತಿಹಾಸ ತಜ್ಞ ಶರಣಬಸಪ್ಪ ಕೊಲ್ಕಾರ್‌‌ ಗುರುತಿಸಿದ್ದಾರೆ. ಆನೆಗೊಂದಿಯ ಮಹಾ ಪ್ರಧಾನ ಲಕ್ಕಿಶೆಟ್ಟಿಯ ಮಗ ವಿಜಯನಾಥ, ಬೆಟ್ಟದ ಮೇಲಿನ ವೀರಭದ್ರ ದೇವರ ಆರಾಧಕನಾಗಿದ್ದರ ಬಗ್ಗೆ ಈ ಶಿಲೆಯಲ್ಲಿ ಉಲ್ಲೇಖ ಮಾಡಲಾಗಿದೆಯಂತೆ. ಜೊತೆಗೆ ಆನೆಗೊಂದಿಯನ್ನ ಹಸ್ತಿನಾತ ಎಂದು ಕರೆಯಲಾಗುತ್ತಿದ್ದರ ಬಗ್ಗೆಯೂ ಉಲ್ಲೇಖಿಸಲಾಗಿದೆ. ಮತ್ತು ಕಿಷ್ಕಿಂದೆ ಪರ್ವತದ ಬಗ್ಗೆ ಕೂಡ ಈ ಶಾಸನದಲ್ಲಿ ಕಾಣಬಹುದಾಗಿದೆ. ಈ ಶಿಲಾ ಶಾಸನದಲ್ಲಿ ರಾಮಾಯಣ ಕಾಲದ ಸ್ಥಳಗಳ ಬಗ್ಗೆ ಇರುವುದರಿಂದ ರಾಮಾಯಣ ಕಾಲದ ಸ್ಥಳಗಳನ್ನು ಪತ್ತೆ ಹಚ್ಚಲು ಅನುಕೂಲವಾಗಿದೆ.

ಇದನ್ನೂ ಓದಿ:ರಾಯಚೂರಿನಲ್ಲಿ ಶ್ರೀರಾಮನ ಕುರುಹು ಪತ್ತೆ: ಅಯೋಧ್ಯಾಪತಿ ಬಿಟ್ಟ ಬಾಣಕ್ಕೆ ಬಂಡೆಯಿಂದ ಚಿಮ್ಮಿತು ನೀರು

ಬೈಕ್​​ನಲ್ಲಿ ತೆರಳುತ್ತಿದ್ದವರ ಬ್ಯಾಗ್ ಪರಿಶೀಲನೆ; ದಾಖಲೆಯಿಲ್ಲದ ನಗದು ಪತ್ತೆ

ತುಮಕೂರು: ಮಧುಗಿರಿ ರಸ್ತೆಯಲ್ಲಿರುವ ಸಾಲುಮರದ ತಿಮ್ಮಕ್ಕ ಉದ್ಯಾನವನ ಚೆಕ್​ಪೋಸ್ಟ್​ನಲ್ಲಿ ದಾಖಲೆ ಇಲ್ಲದ 4 ಲಕ್ಷದ 80 ಸಾವಿರ ಹಣ ಜಪ್ತಿ ಮಾಡಲಾಗಿದೆ. ಖಾಸಗಿ ಬ್ಯಾಂಕ್​​ನಲ್ಲಿ ಕೆಲಸ ಮಾಡುವ ಸಿಬ್ಬಂದಿಯ ಬೈಕ್​ನ್ನು ತಡೆದು ಪರಿಶೀಲನೆ ನಡೆಸಿದಾಗ ಆತನ ಬ್ಯಾಗ್​ನಲ್ಲಿ​ ಪತ್ತೆಯಾಗಿದೆ. ಆದರೆ, ಇದು ಖಾಸಗಿ ಬ್ಯಾಂಕ್​ಗೆ ಸೇರಿದ ಹಣ ಎಂದು ಹೇಳಲಾಗುತ್ತಿದೆ. ಈ ಕುರಿತು ಮಧುಗಿರಿ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಪ್ರಕರಣ ದಾಖಲಾಗಿದೆ.

ರಾಜ್ಯದ ಮತ್ತಷ್ಟು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ

Published On - 11:06 am, Sun, 7 April 24