ನಿಡಗುಂದಿ: ಬಸ್ ನಿಲ್ದಾಣದಲ್ಲಿಯೇ ಮಗು ಜನನ

ನಿಡಗುಂದಿ: ಬಸ್ ನಿಲ್ದಾಣದಲ್ಲಿಯೇ ಮಗು ಜನನ

ವಿಜಯಪುರ: ಬಸ್​ಗಾಗಿ ಕಾಯುತ್ತಿದ್ದ ಗರ್ಭಿಣಿಗೆ ಬಸ್ ನಿಲ್ದಾಣದಲ್ಲಿಯೇ ಹೆರಿಗೆಯಾಗಿರುವ ಘಟನೆ ನಿಡಗುಂದಿಯಲ್ಲಿ ನಡೆದಿದೆ. ಬಸವನಬಾಗೇವಾಡಿಯ ಮಹಾದೇವಿ ಹಣಮಂತ ಎಂಬುವರು ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದಾರೆ.

ಹೆರಿಗೆಗಾಗಿ ಬಾಗಲಕೋಟೆಯ ಖಾಸಗಿ ಆಸ್ಪತ್ರೆಗೆ ಮಹಾದೇವಿ ತೆರಳಬೇಕಾಗಿತ್ತು. ಹೀಗಾಗಿ ಸುಮಾರು 1 ಗಂಟೆಯಿಂದ ನಿಡಗುಂದಿಯ ನಿಲ್ದಾಣದಲ್ಲಿ ಬಸ್​ಗಾಗಿ ಮಹಾದೇವಿ ಕಾಯುತ್ತಿದ್ದರು. ಈ ವೇಳೆ ಹೆರಿಗೆ ನೋವು ಕಾಣಿಸಿಕೊಂಡಿದೆ.

ತಕ್ಷಣ ಸ್ಥಳೀಯರ ಸಹಾಯದಿಂದ ಬಸ್ ನಿಲ್ದಾಣದಲ್ಲಿಯೇ ಮಗುವಿಗೆ ಮಹಾದೇವಿ ಜನ್ಮ ನೀಡಿದ್ದಾರೆ. ತಾಯಿ ಮತ್ತು ಮಗು ಆರೋಗ್ಯವಾಗಿದ್ದು, ಹೆರಿಗೆ ಬಳಿಕ ನಿಡಗುಂದಿ ಸಮುದಾಯ ಆರೋಗ್ಯ ಕೇಂದ್ರಕ್ಕೆ ತಾಯಿ-ಮಗುವನ್ನು ಸೇರಿಸಲಾಗಿದೆ.

Click on your DTH Provider to Add TV9 Kannada