ಕೊರೊನಾ ಎಫೆಕ್ಟ್: ತಿಪಟೂರು ಮಾರುಕಟ್ಟೆಯಲ್ಲಿ ಕೊಳೀತಾ ಬಿದ್ದಿದೆ ಕೊಬ್ಬರಿ

ತುಮಕೂರು: ಈಗಾಗಲೇ ಅನೇಕ ದೇಶಗಳಲ್ಲಿ ತನ್ನ ಕಬಂಧ ಬಾಹುಗಳನ್ನು ಚಾಚಿ ಹರಡುತ್ತಿರುವ ಕೊರೊನಾ ವೈರಸ್ ಎಫೆಕ್ಟ್ ಕೊಬ್ಬರಿ ರಫ್ತಿಗೂ ತಟ್ಟಿದೆ. ಕೊಬರಿ ಮಾರುಕಟ್ಟೆ ಮೇಲೆ ಕೊರೊನಾ ವೈರಸ್​ನ ಭಾರಿ ಪರಿಣಾಮ ಬೀರಿದ್ದು, ಕೊಬ್ಬರಿ ಬೆಲೆ ಕುಸಿದಿದೆ.

ವಿಶ್ವವಿಖ್ಯಾತ ಕೊಬ್ಬರಿ ಮಾರುಕಟ್ಟೆ ಎಂದು ಹೆಸರು ಪಡೆದಿರುವ ತಿಪಟೂರು ಮಾರುಕಟ್ಟೆಯಲ್ಲಿ ಕ್ವಿಂಟಾಲ್ ಕೊಬ್ಬರಿ ಬೆಲೆಯಲ್ಲಿ ಗಣನೀಯ ಇಳಿಕೆಯಾಗಿದೆ. ₹16 ಸಾವಿರದಿಂದ ₹10 ಸಾವಿರಕ್ಕೆ ಕೊಬ್ಬರಿ ಬೆಲೆ ಇಳಿದಿದೆ. ಒಂದು ವರ್ಷಕ್ಕೆ 60 ಲಕ್ಷ ಟನ್ ಕೊಬ್ಬರಿ ರಫ್ತಾಗುತ್ತಿತ್ತು. ಅದರಲ್ಲಿ ಚೀನಾಗೆ ₹12 ಲಕ್ಷ ಟನ್ ಕೊಬ್ಬರಿ ರಫ್ತಾಗುತ್ತಿತ್ತು. ಆದರೆ ಕೊರೊನಾ ವೈರಸ್​ನಿಂದಾಗಿ ಕಳೆದ ಎರಡು ತಿಂಗಳಿಂದ ಕೊಬ್ಬರಿ ರಫ್ತು ಕುಸಿತ ಕಂಡಿದೆ. ಇದರಿಂದ ರೈತರು ಆತಂಕಕ್ಕೊಳಗಾಗಿದ್ದಾರೆ.

Published On - 1:01 pm, Wed, 4 March 20