ಕೊರೊನಾ ಎಫೆಕ್ಟ್: ಸಿಗರೇಟ್, ಮದ್ಯಪಾನ ವ್ಯಾಪಾರ ಕುಸಿತ

ಬೆಂಗಳೂರು: ಮಹಾಮಾರಿ ಕೊರೊನಾ ರಾಜ್ಯದಲ್ಲಿ ಸೃಷ್ಟಿಸಿರೊ ಅವಾಂತರ ಒಂದಲ್ಲಾ ಎರಡಲ್ಲಾ. ಕೊರೊನಾಘಾತಕ್ಕೆ ಸಿಟಿ ಮಂದಿ ಬೆಚ್ಚಿ ಬಿದ್ದಿದ್ದಾರೆ. ಕೊರೊನಾ ಜನ ಜೀವನವನ್ನೇ ಅಲ್ಲೋಲ ಕಲ್ಲೋಲ ಮಾಡಿಬಿಟ್ಟಿದೆ. ದೇಶದ ಆರ್ಥಿಕತೆಗೆ ಸಹಾಯ ಮಾಡುತ್ತಿದ್ದ ಹಾಗೂ ಹೆಚ್ಚಿನ ಆದಾಯ ತಂದು ಕೊಡ್ತಿದ್ದ ಸಿಗರೇಟ್, ಮದ್ಯಪಾನ ವ್ಯಾಪಾರ ಸಹ ಕುಸಿತ ಕಂಡಿದೆ.

ಮಾಸ್ಕ್ ಕಡ್ಡಾಯ, ಫೈನ್ ಹೆಚ್ಚಳ ಬಳಿಕ ಸಿಗರೇಟ್ ವ್ಯಾಪಾರ ಮತ್ತಷ್ಟು ಕುಸಿತ ಕಂಡಿದೆಯಂತೆ. ಮಾಸ್ಕ್ ತೆಗದು ಧಮ್ ಹೊಡೆಯಕ್ಕೆ ಹೋದ್ರೆ ಮಾರ್ಷಲ್‌ ಹಾಗೂ ಪೊಲೀಸರ‌ ಕಾಟ. ಮಾಸ್ಕ್ ತೆಗೆದ್ರೆ ದಂಡ ಹಾಕ್ತಾರೆ ಸಿಗರೇಟ್ ಸೇವೆನೆಗೂ ಚಾನ್ಸ್ ಸಿಗ್ತಿಲ್ಲ. ಕೆಲಸ ಕಳೆದುಕೊಂಡ ಜನ ಕಂಗಾಲಾಗಿದ್ದಾರೆ. ಆದಾಯವಿಲ್ಲದೆ ಖರ್ಚು ಮಾಡುವುದು ಕಡಿಮೆ ಮಾಡಿದ್ದಾರೆ. ಇನ್ನು ಖುಷಿಯ ಸುದ್ದಿ ಅಂದ್ರೆ ಕೊರೊನಾಗೆ ಹೆದರಿ ಸಿಟಿ ಮಂದಿ ಆರೋಗ್ಯಕ್ಕೆ ಆಧ್ಯತೆ ನೀಡಲು ಮುಂದಾಗಿದ್ದಾರೆ. ಕೊರೊನಾಘಾದಿಂದ ಸಿಲಿಕಾನ್ ‌ಸಿಟಿ ಜನ್ರು ಆರೋಗ್ಯವೇ ಫಸ್ಟ್ ಅಂತಿದ್ದಾರೆ. ಆರೋಗ್ಯಕ್ಕಾಗಿ ಕೊರೊನಾದಿಂದ ಬಚಾವಾಗಲು ಚಟಗಳ ತ್ಯಾಗಕ್ಕೆ ಮುಂದಾಗಿದ್ದಾರೆ.

ಸಿಗರೇಟ್, ಮದ್ಯಪಾನದ ವ್ಯಾಪಾರದ ಮೇಲೆ ಕೊರೊನಾ ಎಫೆಕ್ಟ್ ಆಗಿದೆ. ಶೇ % 30 ರಿಂದ 40 ರಷ್ಟು ವ್ಯಾಪಾರ ‌ಡಲ್ ಆಗಿದೆ. ಧೂಮಪಾನಿಗಳಿಗೆ ಕೊರೊನಾ ರಿಸ್ಕ್ ಇದೆ ಅಂತಾ WHO ಹೇಳಿತ್ತು. ಜೊತೆಗೆ ವೈದ್ಯರು ಎಚ್ಚರಿಕೆ ನೀಡಿದ್ದರು. ಹೀಗಾಗಿ ಸಿಗರೇಟ್, ಮದ್ಯದಿಂದ ಜನ ದೂರ ಸರಿಯುತ್ತಿದ್ದಾರೆ. ಅನ್‌ಲಾಕ್ ಬಳಿಕವೂ ಹೆಚ್ಚಿನ ಸಂಖ್ಯೆಯಲ್ಲಿ ಜನ ಮದ್ಯ, ಸಿಗರೇಟ್ ಖರೀದಿ ಮಾಡ್ತಿಲ್ಲಾ. ಈ ಸುದ್ದಿ ಒಂದು ಕಡೆ ಖುಷಿ ಕೊಟ್ರೆ ಮತ್ತೊಂದು ಕಡೆ ವ್ಯಾಪಾರಿಗಳು ಬೇಸರ ವ್ಯಕ್ತಪಡಿಸಿದ್ದಾರೆ.