How to | ಸಿಗ್ನಲ್ ಆ್ಯಪ್ ಬಳಕೆ ಹೇಗೆ? ಡೆಸ್ಕ್ಟಾಪ್ಗೆ ಡೌನ್ಲೋಡ್ ಮಾಡಬಹುದಾ?

ಇದು ವಾಟ್ಸ್ಆ್ಯಪ್ಗಿಂತ ಹೇಗೆ ಭಿನ್ನ ಎಂದು ಕೇಳಿದರೆ ಅದರಂತೆಯೇ ಇದು ಚಾಟಿಂಗ್ ಆ್ಯಪ್. ಇಲ್ಲಿ ದನಿ ಸಂದೇಶ , ಫೋಟೊ ಶೇರಿಂಗ್, ವಿಡಿಯೊ ಚಾಟ್ ಮತ್ತು ಕರೆ ಮಾಡಬಹುದು. ಆದರೆ ಇಲ್ಲಿ ನಿಮ್ಮ ಚಾಟ್ ಅಥವಾ ಕರೆಗಳು end-to-end encrypted ಆಗಿರುತ್ತವೆ. ಅಂದರೆ ನಿಮ್ಮ ಮಾಹಿತಿ ಗೌಪ್ಯವಾಗಿಯೇ ಇರುತ್ತದೆ.

ಸಿಗ್ನಲ್ ಆ್ಯಪ್

ರಶ್ಮಿ ಕಲ್ಲಕಟ್ಟ | Updated By: ಆಯೇಷಾ ಬಾನು
Updated on: Jan 13, 2021 | 7:00 AM

ವಾಟ್ಸ್ಆ್ಯಪ್ ತನ್ನಲ್ಲಿರುವ ಮಾಹಿತಿಯನ್ನು ಫೇಸ್ಬುಕ್ ಜತೆ ಶೇರ್ ಮಾಡಿಕೊಳ್ಳುತ್ತಿದೆ ಎಂಬ ಸುದ್ದಿಯ ಬೆನ್ನಲ್ಲೇ ವಾಟ್ಸ್ಆ್ಯಪ್ ಬಳಕೆದಾರರು ಸಿಗ್ನಲ್ ಆ್ಯಪ್ನತ್ತ ವಲಸೆ ಹೋಗುತ್ತಿದ್ದಾರೆ. ಸದ್ಯ ಆ್ಯಪಲ್ ಸ್ಟೋರ್ನಲ್ಲಿ ಸಿಗ್ನಲ್ ಜನಪ್ರಿಯ ಆ್ಯಪ್ ಆಗಿ ಹೊರಹೊಮ್ಮಿದೆ.

ವಾಟ್ಸ್ಆ್ಯಪ್ ಬಳಕೆದಾರ ಸ್ನೇಹಿ ಆ್ಯಪ್. ಅಲ್ಲಿಂದ ಸಿಗ್ನಲ್ ಆ್ಯಪ್ಗೆ ವಲಸೆ ಹೋಗುವುದು ಅಷ್ಟು ಸುಲಭವಾ? ಎಂಬುದು ನಿಮ್ಮ ಪ್ರಶ್ನೆಯಾದರೆ ಅದಕ್ಕೆ ಉತ್ತರ ತುಂಬಾ ಸುಲಭ. ಈ ಹಿಂದೆ ಮೊಬೈಲ್ ಫೋನ್ಗಳಲ್ಲಿ ಎಸ್ಎಂಎಸ್ ಮೂಲಕವೇ ಚಾಟ್ ಮಾಡುತ್ತಿದ್ದವರು ಸ್ಮಾರ್ಟ್ಫೋನ್ಗಳಲ್ಲಿ ವಾಟ್ಸ್ಆ್ಯಪ್ ಬಳಕೆ ಮಾಡಲು ಶುರು ಮಾಡಲಿಲ್ಲವೇ? ಅದೇ ರೀತಿ ಹೊಸ ಆ್ಯಪ್ ಬಳಸುವುದನ್ನು ಬೇಗನೇ ಕಲಿತು ಬಿಡುತ್ತೇವೆ.

ಸಿಗ್ನಲ್ ಆ್ಯಪ್ ಡೌನ್ಲೋಡ್ ಮಾಡುವುದು ಹೇಗೆ? ವಾಟ್ಸ್ಆ್ಯಪ್ಗಿಂತ ಇದು ಹೇಗೆ ಭಿನ್ನ ? ಗೂಗಲ್ ಪ್ಲೇ ಸ್ಟೋರ್ ಅಥವಾ ಆ್ಯಪಲ್ ಸ್ಟೋರ್ನಲ್ಲಿ ಉಚಿತವಾಗಿ ಸಿಗ್ನಲ್ ಆ್ಯಪ್ ಲಭ್ಯ. ಸುಲಭವಾಗಿ ಡೌನ್ಲೋಡ್ ಮಾಡಿಕೊಳ್ಳಬಹುದು. ಇದು ವಾಟ್ಸ್ಆ್ಯಪ್ಗಿಂತ ಹೇಗೆ ಭಿನ್ನ ಎಂದು ಕೇಳಿದರೆ ಅದರಂತೆಯೇ ಇದು ಚಾಟಿಂಗ್ ಆ್ಯಪ್. ಇಲ್ಲಿ ಧ್ವನಿ ಸಂದೇಶ, ಫೋಟೊ ಶೇರಿಂಗ್, ವಿಡಿಯೊ ಚಾಟ್ ಮತ್ತು ಕರೆ ಮಾಡಬಹುದು. ಆದರೆ ಇಲ್ಲಿ ನಿಮ್ಮ ಚಾಟ್ ಅಥವಾ ಕರೆಗಳು end-to-end encrypted ಆಗಿರುತ್ತವೆ. ಅಂದರೆ ನಿಮ್ಮ ಮಾಹಿತಿ ಗೌಪ್ಯವಾಗಿಯೇ ಇರುತ್ತದೆ. ಗ್ರೂಪ್ ಕರೆ ಮಾಡುವುದಾದರೆ 5 ಜನರಿಗೆ ಮಾತ್ರ ಮಾಡಬಹುದು.

ಸಿಗ್ನಲ್ ಆ್ಯಪ್ ಬಳಕೆ ಹೇಗೆ? ಆ್ಯಪಲ್ ಸ್ಟೋರ್ ಅಥವಾ ಗೂಗಲ್ ಪ್ಲೇ ಸ್ಟೋರ್ ನಿಂದ ಸಿಗ್ನಲ್ ಆ್ಯಪ್ ಡೌನ್ಲೋಡ್ ಮಾಡಿದ ನಂತರ ಸಿಗ್ನಲ್ ಖಾತೆ ತೆರೆಯಬೇಕು. ಇದಕ್ಕಾಗಿ ಆ್ಯಪ್ ನಿಮ್ಮ ಅನುಮತಿ ಕೇಳುತ್ತದೆ. ಅದಕ್ಕೆ ಒಪ್ಪಿಗೆ ನೀಡಿ, ಖಾತೆ ತೆರೆಯಲು ನಿಮ್ಮ ಫೋನ್ ಸಂಖ್ಯೆ ನಮೂದಿಸಿ, ತಕ್ಷಣವೇ ನಿಮಗೆ ವೆರಿಫಿಕೇಷನ್ ಕೋಡ್ ಬರುತ್ತದೆ. ಅದನ್ನು ನಮೂದಿಸಿದರೆ ನಿಮ್ಮ ಖಾತೆ ತೆರೆದಾಯಿತು. ನಿಮ್ಮ ಪ್ರೊಫೈಲ್ಗೆ ಹೆಸರಿಡಿ, ಪ್ರೊಫೈಲ್ ಫೋಟೊ ಅಪ್ಡೇಟ್ ಮಾಡಿ. ಸಿಗ್ನಲ್ ಬಳಸುವ ಬಳಕೆದಾರರು ನಿಮ್ಮ ಸಂಪರ್ಕ ಲಿಸ್ಟ್ನಲ್ಲಿದ್ದರೆ ಸುಲಭವಾಗಿ ಚಾಟ್ ಮಾಡಬಹುದು.

ಡೆಸ್ಕ್ಟಾಪ್ನಲ್ಲಿ ಬಳಸಬಹುದಾ? ವಾಟ್ಸ್ಆ್ಯಪ್ನ್ನು ಡೆಸ್ಕ್ ಟಾಪ್ನಲ್ಲಿ ಬಳಸುವಂತೆ ಸಿಗ್ನಲ್ ಆ್ಯಪ್ ಅನ್ನು ಕೂಡಾ ಡೆಸ್ಕ್ಟಾಪ್ನಲ್ಲಿ ಬಳಸಬಹುದು. ಅದಕ್ಕಾಗಿ ನೀವು ಸಿಗ್ನಲ್ ಖಾತೆ ಹೊಂದಿರಬೇಕು ಮತ್ತು ಕಂಪ್ಯೂಟರ್ನಲ್ಲಿ ಸಿಗ್ನಲ್ ಆ್ಯಪ್ ಡೌನ್ಲೋಡ್ ಮಾಡಿಕೊಳ್ಳಬೇಕು.

https://signal.org ಗೆ ಭೇಟಿ ನೀಡಿದರೆ Mac ಅಥವಾ Windows ಕಂಪ್ಯೂಟರ್ಗಾಗಿ ಸಿಗ್ನಲ್ ಡೌನ್ಲೋಡ್ ಮಾಡಬಹುದು. ಸಿಗ್ನಲ್ ಇನ್ಸ್ಟಾಲ್ ಮಾಡಿದ ನಂತರ ಡೆಸ್ಕ್ ಟಾಪ್ನಲ್ಲಿ ಬಳಸಲು ಈ ರೀತಿ ಮಾಡಿ.

ನಿಮ್ಮ ಮೊಬೈಲ್ ನಲ್ಲಿ ಸಿಗ್ನಲ್ ಆ್ಯಪ್ ಖಾತೆಯ ಸೆಟ್ಟಿಂಗ್ಸ್ ಕ್ಲಿಕ್ ಮಾಡಿ. ಅಲ್ಲಿ Linked devices > Link New device. ಡೆಸ್ಕ್ ಟಾಪ್ನಲ್ಲಿ ಕಾಣುವ ಕ್ಯುಆರ್ ಕೋಡ್ ಸ್ಕ್ಯಾನ್ ಮಾಡಿ, ನಿಮ್ಮ ಖಾತೆಯನ್ನು ಡೆಸ್ಕ್ಟಾಪ್ನಲ್ಲಿಯೂ ಬಳಸಿ.