ಹಣ ಹಂಚಿಕೆ ವದಂತಿ, ಮಂಗಳೂರಲ್ಲಿ ಗುಂಪು ಗುಂಪಾಗಿ ಸೇರಿದ ಕೂಲಿ ಕಾರ್ಮಿಕರು..!

ಮಂಗಳೂರು: ಕಾರ್ಮಿಕ ಇಲಾಖೆಯಿಂದ ಹಣ ಹಂಚಿಕೆ ವದಂತಿ ಹಿನ್ನೆಲೆಯಲ್ಲಿ ಲಾಕ್​ಡೌನ್ ನಡುವೆಯೂ ಕೂಳೂರು ಬಳಿ ನೂರಾರು ಕೂಲಿ ಕಾರ್ಮಿಕರು ಜಮಾವಣೆಗೊಂಡಿದ್ದಾರೆ. ಪ್ರತಿನಿತ್ಯ ಕೂಳೂರು ಬಳಿ ಕೂಲಿ ಕೆಲಸಕ್ಕೆ ಕಾರ್ಮಿಕರು ಒಂದೆಡೆ ಸೇರುತ್ತಿದ್ದರು. ಕಾರ್ಮಿಕರ ಲೆಕ್ಕ ಕೊಡಲು ದಕ್ಷಿಣ ಕನ್ನಡ ಜಿಲ್ಲಾಡಳಿತ ಸೂಚಿಸಿದೆ. ಲೆಕ್ಕ ಕೊಟ್ಟ ಬಳಿಕ ತಲಾ 2 ಸಾವಿರ ಹಣ ಹಂಚಿಕೆ ಮಾಡುತ್ತಾರೆಂಬ ವದಂತಿಯಿಂದ ಸಾಮಾಜಿಕ ಅಂತರವಿಲ್ಲದೇ ಗುಂಪು ಗುಂಪಾಗಿ ಮಹಿಳೆಯರು ಸೇರಿದ್ದಾರೆ. ಕಿಡಿಗೇಡಿಗಳಿಂದ ಹಣ ಹಂಚಿಕೆ ಸುದ್ದಿ ಹಬ್ಬಿಸಿ ಅವಾಂತರ ಸೃಷ್ಟಿಸಿದ್ದಾರೆ.