Cyber Crime: 283 ರೂಪಾಯಿ ಬಟ್ಟೆಗಾಗಿ 4 ಲಕ್ಷ ಹಣ ಕಳೆದುಕೊಂಡ್ರು..

ಬೆಂಗಳೂರು: ಕೊರೊನಾದಿಂದಾಗಿ ಆಚೆ ಹೋಗಲಾಗದೆ ಮನೆಯಲ್ಲೇ ಕೂತಿರುವ ಮಂದಿ ಆನ್​ಲೈನ್ ಮೊರೆ ಹೋಗಿದ್ದಾರೆ. ಆಚೆ ಹೋಗಿ ಸೋಂಕು ತಗುಲಿಸಿಕೊಳ್ಳುವುದೇಕೆ ಎಂದು ಬಹುತೇಕರು ಬಟ್ಟೆ, ಊಟ ಎಲ್ಲವನ್ನೂ ಆನ್​ಲೈನ್​ನಲ್ಲೆ ಬುಕ್ ಮಾಡಿ ಖರೀದಿಸುತ್ತಿದ್ದಾರೆ. ಆದರೆ ಇದರ ನಡುವೆ ದಿನದಿಂದ ದಿನಕ್ಕೆ ಸೈಬರ್ ಖದೀಮರ ಹಾವಳಿ ಹೆಚ್ಚಾಗ್ತಿದೆ.

ಆನ್​ಲೈನ್ ಶಾಪಿಂಗ್ ಮೇಲೆ ಸೈಬರ್ ಕಳ್ಳರ ಕಣ್ಣು ಬಿದ್ದಿದೆ. ಮಹಿಳೆಯೊಬ್ಬರು 283 ರೂಪಾಯಿ ಬಟ್ಟೆಗಾಗಿ 4 ಲಕ್ಷ ಹಣ ಕಳೆದುಕೊಂಡ ಘಟನೆ ನಗರದಲ್ಲಿ ನಡೆದಿದೆ. ರಿಂಕಿ ಠಾಕೂರ್ ಎಂಬುವವರು ಕ್ಲಬ್ ಫ್ಯಾಕ್ಟರಿಯಲ್ಲಿ ಆನ್​ಲೈನ್ ಮೂಲಕ ಬಟ್ಟೆ ಬುಕ್ ಮಾಡಿದ್ದರು. ಈ ವೇಳೆ ಆಕೆ ಬುಕ್ ಮಾಡಿದ್ದ ಎಲ್ಲದಕ್ಕೂ ಸಕ್ಸಸ್ ಫುಲ್ ಎಂಬ ಮೆಸೇಜ್ ಬಂದಿತ್ತು. ಒಂದು ವಾರದ ನಂತರ ಬಟ್ಟೆ ಡಿಲವರಿ ಆಗಿದೆ ಎಂದು ಮೆಸೆಜ್ ಬಂದಿದೆ. ಆದರೆ ಚೆಕ್ ಮಾಡಿದಾಗ ಬುಕ್ ಮಾಡಿದ್ದ ಬಟ್ಟೆಯೊಂದು ಬಂದಿರಲಿಲ್ಲ. ಈ ಹಿನ್ನೆಲೆಯಲ್ಲಿ ರಿಂಕಿ ಠಾಕೂರ್ ಕಸ್ಟಮರ್ ಕೇರ್​ಗೆ ಕರೆ ಮಾಡಿದ್ದಾರೆ.

ಅಕೌಂಟ್​ನಲ್ಲಿದ್ದ ಹಣ ಮಂಗಮಾಯ ಆಗ ವ್ಯಕ್ತಿಯೋರ್ವ ನಿಮ್ಮ ಹಣ ರೀಫಂಡ್ ಆಗುತ್ತೆ ಅಂದಿದ್ದಾನೆ. ರೀಫಂಡ್​ಗಾಗಿ ನಿಮ್ಮ ಕೆಲ ಡೀಟೇಲ್ಸ್ ಹಾಕಬೇಕು ಇದು ಕ್ಲಬ್ ಫ್ಯಾಕ್ಟರಿಯಲ್ಲಿರುವ ಪ್ರೊಸೀಜರ್ ಅಂದಿದ್ದಾನೆ. ಇದಕ್ಕೆ ಒಪ್ಪಿದ್ದ ರಿಂಕಿ ಠಾಕೂರ್, ಡೀಟೇಲ್ಸ್ ಹಾಕಲು ಮುಂದಾಗಿದ್ದಾರೆ. ಎನಿ ಡೆಸ್ಕ್ ಡೌನ್​ಲೌಡ್ ಮಾಡಿಕೊಳ್ಳಿ ನಿಮ್ಮ ಅಕೌಂಟಾ ನಂಬರ್ ಕೇಳುತ್ತೆ ಅದನ್ನು ಹಾಕಿ ಎಂದಿದ್ದಾರೆ.

ವ್ಯಕ್ತಿ ಹೇಳಿದ ಮಾತನ್ನು ಕೇಳಿದ ರಿಂಕಿ ಠಾಕೂರ್ ಅಕೌಂಟ್ ನಂಬರ್ ಹಾಕುತ್ತಿದ್ದಂತೆ ಖಾತೆಯಲ್ಲಿದ್ದ ಎಲ್ಲಾ ಹಣ ಮಾಯವಾಗಿದೆ. ಅಕೌಂಟ್ ಹ್ಯಾಕ್ ಮಾಡಿ ಖದೀಮರು ಹಣ ಲೂಟಿ ಮಾಡಿದ್ದಾರೆ. ಈ ಬಗ್ಗೆ ಬೆಂಗಳೂರು ದಕ್ಷಿಣ ವಿಭಾಗದ ಸೈಬರ್ ಕ್ರೈ ಠಾಣೆಯಲ್ಲಿ ಕೇಸ್ ದಾಖಲಿಸಲಾಗಿದೆ.

Published On - 9:48 am, Tue, 28 July 20